الموضوع: رابطة مالكي وعشاق التمبرا (الجزء الأول)

المشاركة الأصلية كتبت بواسطة bonanza

تصدق انا مش فاكر صورة وش الدركسيون دي ، ولا عرفت صباعي كمان

و صورة الناس بتاعة المحل المنكوب دي متتنسيش اصلا

الصورة الى انت مسكت فيها الوش بتاع الطارة دة كان فى المحل بتاع فاروق و الصورة الى بعدها لما قلت لك اعدلها مش مهم الكتابة الى بالعربى كلمة تمبرا لانهم كاتبينها بالعكس افتكرت كدة اما صورة المحل الى الطارة ضربت جواة طبعا مش ممكن تنساة و الله انت وشك أصفر من الخضة اولا و من دفع الحساب الغير معلوم ثانيا ههههههههههههههههههههههههه لو كان طلب حسابها

عاملين ايه يجماعه انا بتابعكم على طول بس بتحرج اشارك حاسه انى البنت الوحيده هنا
وطبعا كعادتى بشارك لما اكون عايزه اعرف حاجه اه ايوا بالظبط هى دى انا مصلحنجيه صح عارفه ان الكل هيقول كده بس بجد عدم مشاركتى عشان احراج مش اكتر
السوال بقه انا الكوتشات او العجل بتاع العربيه عمره الافتراضى انتهى وعلى فكره انا عملت العجل نتروجين وبجد اختراااااااااع جامد جدا
بس العجل عايز يتغير ومكتوب عليه 175 \ R65 14 82H
وهو كورى ومكتوبه عليه KUMHO
والراجل الى عمل لى النتروجين قالى هغيرهولك بنوع كورى بس عريض 18 تقريبا مش فاكره
المهم ياريت تقولوا لى ايه انسب نوع والسعر هو قالى تقريبا 300 يعنى الاربعه 1200 وكنت عايزه اركب جنوط كمان هيكلفوا زيهم يعنى 2400 حاسه ان السعر عالى شويه
وبعدين سوال تانى
هو حد جرب الفيرنا انا بصراحه بسمع ان سحبها حلو اوى بس كتير قالوا ان التيوتا سحبها احسن مش عارفه هو سوال يعنى مش معناه انى هبيع حبيبتى مجنم
يارب تكونوا كلكم بخير وخصوصا الاخ جليليوا اخصائى علاج المشاكل التمبراويه

ازيك يا انسة ريم عاملة اية لا تستشعرى اى حرج و طبعا ممكن تسألى ما تشائى الاخوة اصحاب التمبرا كلهم ناس محترمين جدا و مش بخلاء فى اى معلومة الاول انا بصراحة لم افهم او اعرف نوع عربيتك بس لما شفت الموضوع الى انتى كاتباة بخصوص التكيف فهمت تمبرا 1400 سى سى صح كدة . بصى انواع الكاوتش كتير جدا النوع الى متعارف علية كام نوع و فية انواع ممتازة بس اسعارعا عالية شوية انا مش بأفضل الكومهو ال هانكوك احسن الطبيعى كلة حا يقول الاتنين زى بعض بس معلش انا شلت الفردة الكومهو تو فى ايدى و شلت الفردة الهانكوك الهانكوك اخف وزنا و فردة حلوة بالنسبة لموضوع المقاس اكيد الراجل قصدة 185/65/14 الفرق للمعلومية 14 دة مقاس الجنط و 185 دة عرض الكاوتش و هو مناسب جدا مفيش مشكلة اما بالنسبة لموضوع 60 أو 60 دة المقصود بية ارتفاع فردة الكاوتش الفرق بينهم 1 سنتى فقط و مش حا يحك فى حاجة انا مركب المقاس دة و عامل العجل نيتروجين كويس بردو بالنسبة لموضوع الجنوط معلش انسى موضوع الجنوط الاسبور الى فى السوق دى صينى و العربية تقيلة لو خدت مطب ممكن تتشرخ ارشح لك الجنوط الاسبور الاصلى من عزبة شلبى الطقم الاربعة بحوالى 550 جنية made in italy و شكلهم اعتقد لو متابعة المواضيع حا تبقى عارفة شكلهم اما بالنسبة لموضوع الفيرنا هى عربية كويسة بس معلش لو التمبرا 1600 سلى سى ما لهاش اى فرصة انها تسبقها لو انتى من هواة الجرى شوية معلش طولت عليكى و شكرا لكى

مش عارفه اشكرك اذاى بجد بس انت فعلا فهمت انا عايزه ايه
موضوع الجرى ده هو المشكله عندى بس بفكر ان شاء الله لو الحكايه كده هغير واجيب 1600 وبتكيفها بقه ولا تركيب ولا وجع دماغ اصل الجرى عندى هو المشكله لما حد بيشد قدامى بفيرنا بتجنن بس فى الاخر الفيرنا بتركن مهما كان الخوف من اى خبطه ها هو الى بيكون الحكم فى الاخر
وان شاء الله هغير واجيب النوع الى قولت عليه
وربنا يكرمك
معلشى لو تفيدنى بس بسعر التمبرا ال 1600 عامل كام دلوقتى لو حالتها حلوه وفول اوبشن تقريبا يعنى وسوال تانى هو مفيش حل لموضوع المسحات بتاع التمبرا لازم الدراع كله يتغير وكمان مش بلاقيها وجربت نوع صينى ومش بيشتغل كويس ومش بيمسح اصلا هو بيلحوس اكتر منه انه بينضف لو تعرف اجيب المسحات دى منين او اقرب نوع يركب لها ويكون كفاءته عاليه طولت عليك وموضوع المشاركه بقه
خلاص مش هتحرج واعتبرونى اخ ليكم اه اخ مش اخت ههههههههه
وهوجع دماغكم مشاركات بعد كده بس محدش يشتكى

لا مش حا نشتكى يا سيتى هههه موضوع المساحات دة انا مرة جبت ذراعات مساحات عادية و ريش فكرة فاشلى لو على طريق سفر بتعمل صوت و بتتهز و بحس انها مش بتمسح عدل لان مساحات التمبرا الاصلية كبيرة و واخدة شكل الزجاج فيها سوستة فى الذراعات ف بتلف مع البونبية بتاع الزجاج لو انتى عندك الذراعات الحديد الاصلية بس الكاوتش بس هو الى بايظ بيتباع الجوز ماركة شامبيون ب 40 جنية الجلدتين لو عايزة المساحات كلها جديدة الجوز ب 90 جنية لو عايزاها الاصلى مستعملة الجوز ب 70 او 80 جنية تقريبا اما بالنسبة لموضوع العربية ال 1600 لو انتى غاوية جرى بدل ما تبيعى عربية انتى عارفاها و كويسة و حاقظاها استنى لما الموتور يتعب و تجيبى موتور 1600 سى سى بس حا تستنى كتير المواتير دى معمرة جدا و سعر الموتور استعمال ب 2000 جنية ممكن اقل شوية معلش عاوز اسأل سؤال انتى بتركنى العربية ازاى قصدى فى المارشدير بس يعنى مش ممكن تكونى بتشوفى اخر الشنطة لان التمبرا عالية و ما بيتشافش غير الموكيت بتاع السماعات الى ورا معلش سؤال غريب بس عاوز افهم لان العربية ضخمة شوية

ببص فى المرايات الجانبيه وده لو فى رصيف هيساعدك اوى ولو وراك عربيه برضو نفس الطريقه بس تقدير المسافه بيكون بالممارسه يارب اكون افدتك
والمساحات بتتجاب منين معلشى انا بسال كتير