رابطة مالكي وعشاق التمبرا (الجزء الأول)

**ZALABANY** · 15-06-2010 10:05 AM

كنت عند بتاع الرادياتيرات اول امبارح لما كنت بلحم الرادياتير ورشلي ميه على السرينتينة وغسلهالي كلها

**heshamzaky** · 15-06-2010 10:11 AM

المشاركة الأصلية كتبت بواسطة zalabany

كنت عند بتاع الرادياتيرات اول امبارح لما كنت بلحم الرادياتير ورشلي ميه على السرينتينة وغسلهالي كلها

طب خدت هواء من الدورة الصريقة فك خرطوم المية الى راكب فى القربة و شغل العربية و افضل حط مية فى القربة حتلاقى الميم عمالة تنزل من الخرطوم المفكوك لغاية الفقاقيع ما تنتهة يبقى الدورة ما فيهاش هواء و اربط الخرطوم مرة اخرى و املا القربة مية لغاية السهم الى على القربة و لما دايما تيجى تزود مية يبقى الصبح مثلا قبل ما تدور العربية حتلاقى وانت بتفتح الغطاء ان فية ضغط هواء و انت بتفكة دة حتى فى الصباح الباكر قبل تدوير العربية و جرب كدة

**ZALABANY** · 15-06-2010 10:20 AM

هاجرب كده بس هو الولد بعد ما لحم الرادياتير اخد الهوا من الدورة

**heshamzaky** · 15-06-2010 10:27 AM

المشاركة الأصلية كتبت بواسطة zalabany

هاجرب كده بس هو الولد بعد ما لحم الرادياتير اخد الهوا من الدورة

طالما اخد هواء يبقى تمام ما تخدش هواء

**Bonanza** · 15-06-2010 10:36 AM

المشاركة الأصلية كتبت بواسطة heshamzaky

صباح الفل يا اسامة باشا عامل اية ما شاء الله الحبايب متجمعين . بص لا داعى لفك الشبكة خرطوم مية فى وش الشبكة و السلام انا بعمل كدة

صباح الفل يا هشام بك ,, عامل ايه يا ريس الحمد لله المنتدي كويس النهارده

انا بقول يفك الشبكة عشان يعرف يرش المياة في كل اجزاء السربنتينة براحتة

**heshamzaky** · 15-06-2010 11:05 AM

المشاركة الأصلية كتبت بواسطة bonanza

صباح الفل يا هشام بك ,, عامل ايه يا ريس الحمد لله المنتدي كويس النهارده

انا بقول يفك الشبكة عشان يعرف يرش المياة في كل اجزاء السربنتينة براحتة

صباح العسل يا بتشا انا بقولة ما تفكش الشبكة فقط للسهولة بس طبعا لو عايز يفكها يفكها يا باشا و نتعبة بص يا سيدى انا لما بروح البنزينة اغسل العربية مثلا الراجل الى هناك عارفنى كويس جدا اصلى يا سيدى لما بوح اغسل ببقى واخد معايا زجاجة ملينة جاز يغسل بيها الموتور و العربية من تحت و بخلية يضرب مسدس المية الجامد دة فى الشبكة و تنظف الربنتينة من الوش و من تحت الاكصدام و بالصابون كمان يا ريس هيييييية و على فكرة أقولك حاجة غريبة جدا جدا فى المحطة انا شوفتهم بيغسلو سجاد بتاع البيت بالصابون و بيبرق يا معلم بع الغسيل المرة الجاية وانا بغسل العربية اغسل السجاد كمان بتاع البيت هييييييييه

**kdosoki** · 15-06-2010 12:18 PM

صباح الخير ياشباب
النهاردة وانا رايح الشغل لقيت فى هواء ساخن بيخرج من جنب ذراع فرامل اليد
مش عارف اروح لسروجى ولا ايه

**heshamzaky** · 15-06-2010 12:23 PM

المشاركة الأصلية كتبت بواسطة kdosoki

صباح الخير ياشباب
النهاردة وانا رايح الشغل لقيت فى هواء ساخن بيخرج من جنب ذراع فرامل اليد
مش عارف اروح لسروجى ولا ايه

بص الحاجة الوحيدة الى ممكن تجيبلك هواء عند فرامل اليد هى مواسير التكيف الخلفية ممكن يكون هوا ماشى فى المواسير و طلع من الفتحات الخلفية للتكيف

**kdosoki** · 15-06-2010 12:40 PM

المشاركة الأصلية كتبت بواسطة heshamzaky

بص الحاجة الوحيدة الى ممكن تجيبلك هواء عند فرامل اليد هى مواسير التكيف الخلفية ممكن يكون هوا ماشى فى المواسير و طلع من الفتحات الخلفية للتكيف

انا التكييف عندى مش شغال ان شاء الله لما اروح اظبطه اخلى الراجل يبص على المواسير دى

**heshamzaky** · 15-06-2010 01:09 PM

المشاركة الأصلية كتبت بواسطة kdosoki

انا التكييف عندى مش شغال ان شاء الله لما اروح اظبطه اخلى الراجل يبص على المواسير دى

مش شرط ان التكيف يكون شغال حط ايدك على فتحات التكيف الى فى التابلوة الى فى النص و العربية تكون ماشية حا تلاقى هواء طالع من الفتحات برضو لو مش قافل الريش بتاعت التكيف و حا تبان معاك لو سرعتك عالية شوية جرب كدة و الساعة 6.30 مثلا سارفع لك صور توضيحية لشكل المواسير الى بقولك عليها