الموضوع: يا أولاد بلدنا إختشو عيب !!!!!

المشاركة الأصلية كتبت بواسطة أشرف فتحى

يا جماعه الموضوع ده انا كنت متردد اكتب عنه ولا هلاقى الدنيا اتقلبت عليا وفى الاخر قلت هاكتبه وربنا يستر.
الموضوع يا جماعه اننا وعلى الرغم من القانون الجديد ورخامه اللجان والكماين إلا انه برضه فى لسه ناس كتير مصره على استفزاز الواحد بجهلهم
يعنى يا جماعه لما تبقى ماشى فى امان الله وتلاقى واحد مش عارف اقول عليه ايه ماشى قدامك ومفيم الزجاج وعاملها غرفه نوم بتقول معلش تلاقيه مسنود واعمل نفسك مش واخد بالك عشان مراتك ولا بنتك ولا حتى والدتك ما تخدش بالها وهى قاعده جنبك!!!
زاد الموضوع وبقى يركبو ستاير خلفيه عباره عن صور
مره واحد اصلع وعريان ولابس يجى 20 سلسله ومعرفش عامل بايده حركه غريبه!!!!
مره تلاقى واحده تقريبا مش لابسه حاجه!!
وخد على كده كتيير من عبارات هبله مكتوبه على الزجاج
لاستيكارات بإشارات غريبه ملزوقه على الشنطه يعنى بتتشتم لمجرد انك مشيت وراه!!!
اللى زاد وغطى انك لما كنت بتلاقى كده كنت بتقول فى سرك ده لازم عيل من اياهم اللى لو اكل فول يعمل غسيل معده لكن تلاقى اللوح ملاكى شرقيه ومنوفيه وغربيه وحتى اسيوط !!!!!!
ياجدعان داحنا بنقول البركه فى الريف وده لو عندنا فى البلد كنا عملنا فيه وسوينا !!
فاضل ايه تانى؟؟!!!

ياترى وصلت؟؟؟

هو حضرتك تعرف عن الشباب (الى لما بياكل فول بيعمل غسيل معدة ) انهم بيعملوا شغل البلطجة دا على عربياتهم ؟؟ يعنى عمرك شوفت شاب اصلة ثرى ومحترم جدا وراكب اودى تىتى مثلا وحاطط علامة البلاى بوى ؟؟
الكلام دا ميعملهوش غير ادنى طبقة فى المجتمع (فكريا سواء فلاحين او مدنين ) دا يعتبر نوع من انواع النقص ... ليس اكثر ولا اقل

المشاركة الأصلية كتبت بواسطة rembrandt

اتفق مع حضرتك بس لازم نعرف ان سلوك اى كائن حى ما يشكلة هو البيئة والمجتمع المحيط بية يعنى سلوك اى كائن هو انعكاس حقيقى للمجتمع الى جى منة

تقصد بالبيئة المحيطة بية الزبالة زى المنوفية والشرقية وكدا ؟؟؟!!!
يعنى مفيش حد من الاماكن دى محترم واهل القاهرة بس هما الى محترمين ؟؟ لا احب اقولك يا اخى دا مش مقياس نهائى وعمرة ما كان مقياس الاخلاق المكان او المحافظة ...

ايه يا جدعان اللى بتقولوه ده ؟؟؟؟
معقوله ما حدش فهم انا قصدى ايه؟؟!!!!!!!!!!!!!
انا اقصد ان الفلاحين المفروض انهم اساس البلد انهم اصولنا اللى بنفتخر بيها
انى لما اروح البلد ببقى فرحان بان الناس كلها محترمه
ما اسمعش شتيمه جايه من الشارع وانا قاعد جوه شقتى
ماشوفش واحده واقفه قدام مول ولابسه هدوم شفافه
مالاقيش شاب بيعاكس واحده ماشيه
انا مبسيبش زوجتى تخرج لوحدها إلا لو فى البلد
انا مش قاصد الموضوع يتقلب بهجوم على الفلاحين والصعايده ولا مقياس التمدن والتحضر زى ناس ما بتقول
ايه يا شباب سخنتوا ليه؟؟؟؟
انا كل اللى بقوله انى مابلومش على الشاب اللى بينزل باشورت والفانله الحمالات او البدى والسلسله فى الشارع انا بلوم على رجاله مصر بجد
اللى بيئتهم لسه نظيفه مش ملوثه باخلاقيات المدينه اللى مابتعجبنيش

يا جدعان انا وان كنت من اهل العاصمه ولكن ريفى التربيه
اتربيت على ده عيب وده حرام وعلى الاصول اللى المفروض ما نخطيهاش
يعنى الكبير له احترامه
يعنى لما حد يتكلم اسمعله حتى لو مش عاجبنى كلامه
مين قال ان الفلاحين دول بجلاليب ده حتى لو كده مالها الجلاليب؟؟؟

فعلا العنوان صادم

بس لما الاقى علامه البلاى بوى على ملاكى غربيه
يبقى الدنيا ما بقتش حلوه زى الاول
يعنى هنا بقى زى هناك
يعنى اخاف على زوجتى وبناتى زى هنا

ياترى وصلت؟؟؟

المشاركة الأصلية كتبت بواسطة mr_kenawy

ما تاخدش بالها من ايه؟ هو شكل الفيمية بيخدش الحياء و لا ايه؟ عموما الموضوع ما عجبنيش مع الاحترام لصاحبه اللى لو نزل اسيوط اللى مش عاجباه هيغير رأيه تماما لما يشوف اللى البلد وصلت ليه و لما يتعامل مع اهل الصعيد الطيبين اللى مش بيشتموا حد و مش بيتعالوا على حد.

ايه يا سيدى اللى بتتكلم فيه ده
اسيوط ايه اللى بتعالى عليها
الكلام ده جه منيين!!!!!!!!!!!!!

بس فهمت!!!!!
انت اساسا من اسيوط عشان كده مفهمتش المعنى من جملتى
لان القرف ده مش موجود فى اسيوط
ياسيدى الصعيد كله على راسنا من فوق

راجع الكلام تانى وركز ايه اللى ممكن تشوفه فى العربيه لو مش مفيمه يخدش الحياء
وصلت؟؟؟
فهمت انا ليه زعلان؟
وايه علاقه الاستكر البذئ بالتقدم والتمدن؟؟؟!!!!!

كلامك حلو يا اشرف باشا بس فى نقطه :
الغربيه و المنوفيه و كده مش بلاد فلاحين و لا حاجه ...
يعنى مش اراضى زراعيه و لا حاجه ...
بالعكس دى فيها شوارع و عمارات و حاجات من دى !!!