مسابقة من صاحب هذه الصورة - الجزء الأول

**Imhotep** · 23-03-2009 04:28 PM

و كمثال، خد عندك الصورة اللى فى اللينك ده (معلش معرفتش اعمل attach)
http://www.autolife.umd.umich.edu/De...Henry_Ford.htm
جايز لو حطيت صورة فورد لوحده محدش هيعرفه، لكن فى الصورة اللى فى اللينك، فورد متصور مع الموديل T من انتاجه، وهى clue مهمة جايز حد يكون عارف شكلها لكن ميعرفش صورة فورد نفسه، ومنها ممكن يستنتج ان ده احتمال يبقى فورد مخترعها

**Rembrandt** · 23-03-2009 04:34 PM

تقدر ترفع الصور من الموقع دة
http://www.mekshat.com/pix/upload03/do_upload.htm

ونكمل لما ارجع بليل سلاااااام مؤقت

**Imhotep** · 23-03-2009 04:35 PM

و ادى اول تطبيق:
الصورة اللى فى اللينك ده:
http://www.findagrave.com/photos/200...1044120256.jpg

**Imhotep** · 23-03-2009 11:03 PM

نسهلها شوية..... الراجل لابس بالطو ابيض و تحتيه بدلة و بابيون(بونباخ :) وماسك فى ايده Petri Dish من اللى بيعملوا فيه مزرعة لبكتيريا او فطريات

**selim** · 23-03-2009 11:35 PM

المشاركة الأصلية كتبت بواسطة mahora

نسهلها شوية..... الراجل لابس بالطو ابيض و تحتيه بدلة و بابيون(بونباخ :) وماسك فى ايده Petri Dish من اللى بيعملوا فيه مزرعة لبكتيريا او فطريات

ايوة انا عرفتة العجل فى بطن امة

**Rembrandt** · 24-03-2009 01:52 AM

المشاركة الأصلية كتبت بواسطة selim

ايوة انا عرفتة العجل فى بطن امة

اية السخافة دى

**Rembrandt** · 24-03-2009 01:57 AM

المشاركة الأصلية كتبت بواسطة mahora

نسهلها شوية..... الراجل لابس بالطو ابيض و تحتيه بدلة و بابيون(بونباخ :) وماسك فى ايده Petri Dish من اللى بيعملوا فيه مزرعة لبكتيريا او فطريات

من الواضح انة كيميائى او عالم احياء او شيء من هزا القبيل لكن الشخص نفسة للاسف مش عارفة

**Imhotep** · 24-03-2009 10:56 AM

هو السير Alexander Fleming مكتشف البنسلين فى عام 1928 وبذلك فتح الباب امام عصر جديد من العلاجات هو المضادات الحيوية التى انقذت البشرية من الكثير من الامراض التى كانت تفتك بالملايين.
ال clue فى هذه الصورة هى ال Petri Dish او طبق العينة التى يمسكها فى يده، وذلك لان قصة اكتشاف البنسلين جاءت بالصدفة المحضة، حيث كان يقوم بأحد التجارب على مزرعة بكتيرية، وتركها لعدة ايام، وعند عودته اليها لاحظ انحسار نمو البكتيريا من احد جوانب طبق العينة لنمو احد الفطريات عليها، فاثار ذلك الفضول العلمى لديه وبدأ فى عمل دراسات لاستخلاص هذا الفطر و معرفة خصائصه الدوائية وهو ما ادى فى النهاية الى اكتشاف البنسلين.
الملاحظ ان اكتشافه للبنسلين كان فى عام 1928 بينما فاز بجائزة نوبل فى الطب عن هذا الاكتشاف بعدها ب 17 سنة اى سنة 1945، و السر فى ذلك هو ان البنسلين لم يبدأ استخلاصه و تصنيعه على نطاق تجارى و اسع و استخدامه كعلاج الا فى الاربعينيات.
لذلك ايضا سنلاحظ انه فى الافلام الحربية التى تدور احداثها فى فترة الحرب العالمية الثانية، لن تجد اى ذكر للمضادات الحيوية التى لم يكن قد بدأ استخدامها على نطاق واسع بعد، وانما كان العلاج الوحيد الميدانى المتوفر هو السلفا، وهذا واضح فى مشهد علاج احد الجنود بعد اصابته فى فيلم Saving Private Ryan حيث يقوم زملائه من الجنود بنثر مسحوق ابيض على مكان اصابته، كان يزود به الجنود كعلاج ميدانى للجروح، وهو السلفا.