تعليقك مقبول يا أستاذ ماهر وعلى راسي من فوق.
لي بس بعض التحفظات.
حضرتك مازلت بتتكلم عن "اثبات" النظريات العلمية.
المجتمع العلمي متفق على انه لا يمكن اثبات النظرية العلمية اثبات مطلق.
جائزة نوبل في الفيزياء والكيمياء تُعطى للعالم التي اسهمت اعماله في منفعة أكبر للبشرية عن باقي العلماء.
اتفق مع كلام حضرتك عن المعارف والعقيدة الى حد ما.
حضرتك قلت قبل كده ان المعارف متغيرة والعقيدة ثابته. أنا مش مختلف مع حضرتك.
بس لو قلنا ان المعارف هي ادراكنا وفهمنا وتفسيرنا للحقائق المطلقة، يبقى المعارف متغيرة بس الحقائق المطلقة ثابته. الحقائق المطلقة دي بقى لا تتعارض مع العقيدة.
بما أني أكاديمي ومؤمن في نفس الوقت، لازم اوصل لنظرة للأمور توازن ما بين العلم والدين. الموضوع مش ان العلم بينال من عقيدتي. التعارض زي ما حضرتك قلت ظاهري. في المطلق مفيش تعارض.
المفضلات