الموضوع: الى خبراء الانسر وبالاخص المهندس طارق

ازيكوا يا جماعه انا احمد كنت عملت كام موضوع قبل كده علشان كنت عايز اشترى الانسر واستقريت على 1600 مصرى ... المهم اشتريت واستلمت العربيه من معرض المصريه فى المعادى

المشكله بقى انا من ساعه لما جبت العربيه والغيارات الاول والثانى والثالث والرابع فيها عضه جامده اوى وبالذات الغيار الثانى ... عملت الالف كيلو وروحت التوكيل اللى فى طريق الاسكندريه الزاعى اللى شكله عامل زى الورشه كده .. والله لما شفت التوكيل حسيت بالاحباط خالص

قولت للمهندس اللى استلم منى العربيه على العيب بتاع الفتيس دا قال ليا ماشى هنعمله ولما خرجت نفس العيب فيها برده
طلعت جربتها مع المهندس اللى عمالها لقيتها زى ما هى بس فرق بسيط جدا فى النعومه لانهم عملو شحم ومش عارف ايه تانى كده وبرده فيها العضه دى وتنتيشه كمان ... المهندس بيقول ليا هى اخيرها كده روحت عملت مشكله دخلت لمهندس اسنه احمد عنانى دا المهندس الكبير تقربيا .. بس برده قال ليا ان هى لسه هتنعم .. وانا مش عارف اعمل ايه بس المهندس جاب ليا عربيه جديده وقال ليا اطلع جربيها لقيت العربيه اللى جابها ناعه جدا عن عندى قولت ليه كده مش مقتنع برده وقال ليا استنى لما تنعم شويه
ممكن تقولوا ليا اعمل ايه فى الفتيس دا

وعلى العلم انهم سألونى على ان الدبرياج عالى ولا ايه قولت لا كويس .. بس بعد لما خرجت العربيه من الصيانه لقيت صوت العربيه بقى اعلى من الاول مش عارف ليه وفيها نتشه لما اسيب البنزين مش عارف مكنتش موجوده فى الاول
ياريت المهندس طارق بفهمنى ايه اللى فى العربيه دا
معلش طولت عليكم بس نفسى فى الحل لانها لسه زيرو

شكرا جدا على اهتمامك بالموضوع يا بشمهندس طارق والله انت اكتر انسان زوق فى الدنيا
بس انا عايز اوضح حاجه انا لما سوقت العربيه التانيه اللى جبتها المهندس احمد عنانى حسيت بفرق كبير وحتى انا قولت ليه كده بس هو مش مصدقنى خالص ومش انا بس اللى بقول كده كل اللى ركب العربيه من اصحابى اللى معاهم الانسر برده قالوا ليا كده ,, فى نقطه تانى عايز اعرف رأى حضرتك فيها العربيه بتاكل بنزين كتير اوى يعنى لو حطيت 20 لتر وروحت مشوار 14 كيلو الاقى البنزين اخد حوالى 6 او 7 لتر واعتقد كده كتير والطريق بيكون زحمه اه بس مش اوى فا عايز اعرف رأيك يا باشا انا من النوع اللى مش بقرص على البنزين يعنى بكون ماشى هادى
وشكرا على ردك الجميل يا استاذ طارق انا لو كنت اعرف ان حضرتمك هناك فى التوكيل دا كنت هدور عليك علشان اسلم عليك بس لان مفيش حد فى المنتدى كله مش بيشكر فى حضرتك وشكرا لزوق حضرتك اوى