الموضوع: صوت من المساعدين فى المطبات

المشاركة الأصلية كتبت بواسطة venus-doom

شكرا جدا يا جماعه على المساعده انا بس عندى كام استفسار:
1-انا فهمت من كلامكو ان لو المساعد بايظ يبقى بيجيب زيت صح ولا انا غلطان ؟؟
2-لو انا معرفتش اكشف عليه و اعرف فيه ايه اروح التوكيل و لا اى عفشجى هيعرفها ؟؟
3-لو لا قدر الله هغيرهم يا تامر باشا قصدك ايه بأنى اجيب اتنين امامى و مجيبش الاستيراد ؟؟
4-هو المساعدين ايه افضل نوع ليها و سعره فى حدود كام؟؟

متشكر جدا يا جماعه و استحملونى معلش لانى ضعيف شويه فى الحاجات دى لانى مليش تجارب سابقه فيها

أنا كان عندي صوت مدوخني و مزهقني و رحت لأربعة كل واحد يقوللي حاجة لغاية ما رحت لأشرف أوبل فى أحمد سعيد عنده عفشجي سنه صغير يا دوب فى ربع ساعة كان حالل المشكلة .
روح لأشرف أوبل ربط العفشة و شوف العفشجي اللى عنده هيقولك ايه.

ممكن حد يشرحلى ايه ميزان الشاسيه ده

ميزان الشاسيه كان عندى فى الأوبل ال1400 ....وهو عباره عن باره شبه المانافله ....وكان راكب فى سدر الشاسيه من تحت وموصل على المقصات من خلال كراسى بجلب كاوتش ولما الكاوتش بتاع جلب أطراف الميزان بيبوظ بيعمل صوت دبه أو خبطه صغيره فى المطبات والدورانات...........وفايدته مابيخليش العربيه تعوم فى الدورانات (يعنى بيعمل توازن بين العجلتين ).......هذا على ما أتذكر من أربع سنين (والله أعلم .....بس حبييت أقولك على اللى أنا فاكره (ويمكن يكون عندك زيه )