صوت من المساعدين فى المطبات

**KHALED AYMAN** · 10-03-2009 03:30 AM

ازيكو يا عصابه ؟؟
معلش عندى مشكله فى العربيه و طبعا قلت مفيش حد اخنقه منى غيركو

المهم :
عندى فى المطبات فى صوت بيطلع من ادام ...
الصوت بصراحه مش عارف اوصفه غير انه عامل زى تزييق من المساعدين ...
و الصوت مش بيبان غير لما تنزل فى مطب حلو يعنى تنزل و تطلع جامد مش زلطه او نقره فى الارض تعمله ...
المهم ان فى واحد اعرفه بيفهم فى العربيات كويس قالى ان ده صوت مساعد ضارب ...

انا بقى عايز اعرف :
1-ازاى اتاكد ان المساعد ضارب ؟
2-لو ضارب فعلا ضرب ليه ؟
3-لو مش مساعد يا ترى ده ايه ؟؟

**samirayad** · 10-03-2009 06:39 AM

المساعد الضارب.....بيبان بالنظر وبيكون فيه ترشيح زيت على عمود المساعد (تحت كاوتشة الحمايه اللى فوق الشميز بتاع المساعد على طول )................................................. ................أما المساعد الخفيف بيبان بالضغط على مكان الركبه اللى هو عندها.....وتقارن قوة تحمله بزميله اللى قباله...........................وتلاقي� � خفيف كده وملبن معاك (طرى وبيتهز بسهوله )...وده بقه فى المطبات بيعمل دبه (خبطه كده )..آخر أحترام (وعلى حسب حالته وتدهوره )

**umoussa** · 10-03-2009 06:53 AM

شوف انت أولاً لازم تتأكد إن العفشة متربطة كويس

ثانياً بص على المساعد بعنيك وجرب الضغط عليه

ثالثاً لو الخطوتين السابقتين مفمش الرجاء

افتح كبوت العربية بص على راس المساعد من فوق
هز الهربية لتحت ولفوق
بص على راس المساعد لو بتتحرك يبقى البطاحة بالسلامة ولو البطاحة بالسلامة يبقى المساعد بالسلامة

كرر العملية عند الجانبين

**tamertamer** · 10-03-2009 10:43 AM

لو المساعد بايظ بيرشح زيت هيبان لو بصيت علية على طول سهلو خالص
بص على الشكمان من تحت سعات هو السبب مع كل مطب او بلاعة محترمة ممكن يكون السبب او حاجة فى العفشة اكشف عليها لو مطلعش المساعد ونصيحة لو هتغير المساعد هات الثنين الامامى مع بعض متجبش استيراد

**KHALED AYMAN** · 11-03-2009 12:31 AM

شكرا جدا يا جماعه على المساعده انا بس عندى كام استفسار:
1-انا فهمت من كلامكو ان لو المساعد بايظ يبقى بيجيب زيت صح ولا انا غلطان ؟؟
2-لو انا معرفتش اكشف عليه و اعرف فيه ايه اروح التوكيل و لا اى عفشجى هيعرفها ؟؟
3-لو لا قدر الله هغيرهم يا تامر باشا قصدك ايه بأنى اجيب اتنين امامى و مجيبش الاستيراد ؟؟
4-هو المساعدين ايه افضل نوع ليها و سعره فى حدود كام؟؟

متشكر جدا يا جماعه و استحملونى معلش لانى ضعيف شويه فى الحاجات دى لانى مليش تجارب سابقه فيها

**lancerevolution** · 11-03-2009 12:40 AM

هات جديد يعنى و متجبش حاجة قاست الحياة قبل كدا

**KHALED AYMAN** · 11-03-2009 12:54 AM

المشاركة الأصلية كتبت بواسطة lancerevolution

هات جديد يعنى و متجبش حاجة قاست الحياة قبل كدا

اه فهمت

طيب متعرفوش هيبقى فى حدود كام و منين و اركبه فين ؟؟؟
ده فرضا يعنى ان المساعدين طلعت بايظه ..

**ENG\AHMED** · 11-03-2009 01:05 AM

جرب اغسل الشاسية الاول وشوف اية اللى هيحصل ممكن يطلع التزييق العفشة محتاجة غسيل
لو المساعدين فيها حاجة سهلة تعرفها من مشى العربية

**KHALED AYMAN** · 11-03-2009 01:10 AM

المشاركة الأصلية كتبت بواسطة eng\ahmed

جرب اغسل الشاسية الاول وشوف اية اللى هيحصل ممكن يطلع التزييق العفشة محتاجة غسيل
لو المساعدين فيها حاجة سهلة تعرفها من مشى العربية

متشكر يا باشا ...
تخيلو ان العربيه بقالها 3 سنين و 130000 كم و عمرها ما اتغسلت من تحت !!!!!!
عمرى ما غسلت الشاسيه ...
اوعو تفكرو انى مش نضيف لالالا
التابلوه نضيف على طول و كذلك العربيه من برا بس حوار انى اغسل الشاسيه معملتوش ولا مره للاسف ...

هجرب و اشوف

**lancerevolution** · 11-03-2009 01:24 AM

تصدق دا ممكن يكون السبب فعلا إغسل العربية من تحت بكره قبل ما تعمل أى حاجة و قول لبتاع البنزينة يغسل العفشة كويس و يأكد عليها

الموضوع: صوت من المساعدين فى المطبات

LinkBack

أدوات الموضوع

عرض

صوت من المساعدين فى المطبات - انشر الموضوع فى :

-

-

-

-

-

-

-

المواضيع المتشابهه

المطبات

ال 405 و المطبات

المساعدين الخلفية لسيارة لانوس شيفروليه بتحك في المطبات ..

صوت رجه فى المطبات

صوت طقطقة على المطبات

الكلمات الدلالية لهذا الموضوع

المفضلات

المفضلات

ضوابط المشاركة