الموضوع: حرااااااااااااااااااااااا اام (اسعار بيع الاوبل)

والله عندك حق..
بس هنعمل ايه.. الناس بتقولك سعر السوق..
و الحالة هي اللي بتحكم.. لكن انا رأيي ان اللي معاه اوبل و مقدرها.. مش بيرميها بالسعر اللي بنسمعه حاليا..

اه والله يلا نعمل اعلان سعر اوبل فكترا موديل 97 و98 لحد 2000 وموديل 2000سىسى لا يقل عن 70000 الف حرام نرميه العربيات ده احلى صاج هو صاج العربيه الاوبل وموتور ماشاء الله ارفعوا السعر ياجماعه شوفوا حل ونبدأ نرفع

لوعربيتك حالتها كويسة اوعى تفرط فيها بالسعر ده
دي افضل من عربيات حديثة كتيييييييير سعرها معدي ال 100 الف يكفي ثباتها وشكلها وهيبتها اللي عمرك ماتقول ان الشكل ده كان سنة 97
اوعى تبييييييييييييييييييييييي يييييييييع
العربية دي لن تعوض ابدا

اهم حاجة ان عربيتك تكون حالة تديك الحق انك تطلب سعر..
و حالة العربية هي اللي هتخلي اللي بيشوف العربية يوافق علي السعر..
لكن للأسف بتلاقي عربيات كتير بتتباع باسعار واقعة شوية فيها شغل كتير..
وحتي لو اساسياتها نضيفة.. بيكون فيها شغل رفايع كتير.. تصرف عليها بتاع 7-10 الاف جنيه ترويق كده مش شغل كبير..
وده حصل مع واحد قريبي من شهرين.. عربية وهمية موديل 2000 و فبريكة برة و جوة.. و ماشية قليل.. بس صرف عليها شوية ووضبها و شدها شدة تمام.. صرف عليها 10 الاف جنيه..
لكن لو عربية مفيهاش اي مصاريف نهائي.. يبقي تطلب فيها الرقم اللي انت عايزه.. بس برضه متبعدش عن سعر السوق.. عشان تعرف تبيع.. يعني اعلي بس بالعقل..

طب خلينى بقى اعرف ان حد فيكوا باع العربيه اقل من 70 الف جنيه وانا هرفع عليه قضيه رد شرف هههههههههه

المشاركة الأصلية كتبت بواسطة want_better

السلام عليكم ورحمة الله وبركاته
ربنا يرزقنا وإياكم الخير وما تخسروش
لكن هي الفكرة ان السيارات الكوري اثبتت كفاءة عالية جدا في مصر
كما ان قطع غيارها أرخص بكتير من الأوبل (مثلا طقم دبرياج كامل للأكسنت بـ 360 جنيه بينما الأوبل كورسا بـ 900) وفي كتير من الناس بيحسبها كده
طبعا عارف ان الرد هايكون وايش جاب الكوري للألماني الأوبل أوبل برده
أولا مش كل الناس بتحسها كده
ثانيا برده الموري أداءه كويس وناعم

وفعلا الفكرة ان اللي بيبع محتاج يبيع ولا بيسعر عربيته بس

اخيرا اتمنى لي ولكم التوفيق وارجو ألا يتضايق احد من هذا الكلام لكن ده الواقع

هو فعلا ده الواقع بس في حدود معينة..
ان اللي بيبص لموضوع النعومة و قطع الغيار الارخص ده للأسف بيبقي بيبص علي المدي القريب..يعني عربية هتقعد معاه سنتين تلاتة.. و هيقلب و يبيع.. ومش هيخسر فيها كتير.. لكن الاسلوب ده ف التعامل مينفعش للأسف مع كل العربيات الالماني.. من اول الاوبل لحد المرسيدس..
بتركب عربية بتصرف عليها شوية.. مش هتخليك محتاج تبص لبرة.. مكفياك و مريحاك.. و لو قعدت بيها اطول.. هترتاح فيها اكتر.. علي عكس العربيات الارخص.. اللي مع مرور الوقت.. بتفتح بقها بجد.. و تصرف اكتر من الاوبل علي المدي البعيد..