ماذا تعرف عن الايمو ؟

**Sameh** · 10-03-2009 05:02 PM

تربية خطأ + زيرو دين + ثقافة تليفزيونات وإنترنت + غالباً أب وأم فى الطراوة + عيشة مرتاحة بدون إحساس بالمسئولية مش عاتل هم القرش هيجى منين ولا مايجيش أصلاً داد معاه فلوس = اللى حصل ده

يا جماعة عايزين نفكر بهدوء ليه الناس دي بقو كدا
لاحظوا ان اي حد فينا كان ممكن يبقى كدا في ظروف تانية ولا ايه؟

ماعتقدش إن الإنسان السوى ممكن يتحول لكدة أياً كانت ظروفه قاسية ، وأعتقد كلنا مرينا وهنمر بظروف قاسية ومش بنتحول ولا حاجة

**أبومعاذ** · 10-03-2009 07:11 PM

المشاركة الأصلية كتبت بواسطة Sameh

تربية خطأ + زيرو دين + ثقافة تليفزيونات وإنترنت + غالباً أب وأم فى الطراوة + عيشة مرتاحة بدون إحساس بالمسئولية مش عاتل هم القرش هيجى منين ولا مايجيش أصلاً داد معاه فلوس = اللى حصل ده

ماعتقدش إن الإنسان السوى ممكن يتحول لكدة أياً كانت ظروفه قاسية ، وأعتقد كلنا مرينا وهنمر بظروف قاسية ومش بنتحول ولا حاجة

المشكلة ان الناس دي غالبا ظروفهم كويسة مش قاسية ولا حاجة يعني ممكن تلاقي حد فيهم بقى ايمو عشان قطته ماتت فقرر انه يعيش بقية حياته حزين عليها
واعتقد ان البلاء مش بيفرق بين انسان و انسان تاني يعني اعتقد ان اي انسان لو اتحط في ظروفهم ممكن يبقى زيهم
مشكلتهم دي في رايي اولا قلة الايمان الشديدة لان الانسان المؤمن بيبقى مؤمن بالقضاء و القدر و بيبقى عنده رضى بقضاء الله و غالبا اصلا الجانب الديني عندهم مهمش للغاية
و ثانيا غياب الرقابة من الوالدين و غياب صحبة صالحة
هتلاقي الوالدين مسافرين او موجودين بس برضو مسافرين و كل همهم انهم لما يقعدوا مع اصحابهم يقولولهم انا ابني في المدرسة الفلانية او الجامعة العلانية و يفضل لو اكاديمية و محدش فيهم بيسال ابنه صليت ولا لا او يساله مصاحب مين و اصحابك دول عاملين ازاي
"يأيها الذين أمنوا قوا أنفسكم و أهليكم نارا وقودها الناس و الحجارة عليها ملائكة غلاظ شداد لا يعصون الله ما أمرهم و يفعلون ما يؤمرون"

**PRO-DRIVE** · 10-03-2009 08:42 PM

المشاركة الأصلية كتبت بواسطة MoToRiZeR

هههههههههه لو حد يفتكر إحنا ناقشنا موضوع الإيمو من زمان انا و دكتور أحمد و برو درايف قبل أي حد .. هنا عالمنتدي :)

مبدئياَ و مرة أخري يا جماعة .. متصدقوش أي كلام عن أي ظاهرة بيقوله الإعلام .. لأن اللي بيكتبوا خاصة في مواقع الإنترنت الإخبارية جهلة جهلة جهلة أو في بعض الصحف بيبقي صحفي مزنوق في خمسين جنيه، و انا عايش وسط الوسط ده و بعرف الأشكال دي من أول سطر .. إنه عايز "ينحت" موضوع و خلاص و مش مهم عنده هيضر سمعة مين زي الإنسان القذر اللي كتب في قضية هبة و نادين و لوث سمعتهم و هم لسة دمهم مبردش .

مجتمعنا بيحب يعلق مقصلة الإعدام لأي حد .. لأنه مجتمع فاشل .. و أحياناَ بعض الناس بتحس بنوع من الصلاح و التميز اما تحقر من ناس تانية .. مع إن كلنا بني أدمين .
و بإختصار العيال دي لا شواذ ولا ملحدين ولا خليفة عبدة الشيطان (اللي مكانوش موجودين أصلاَ) إلي أخر العبارات الرنانة اللي أشجانا بها الأخ الصحفي كاتب الموضوع .. العيال دي شوية شباب أهبل عاجبه اللبس و الستايل و "الإنتماء" لحاجة معينة بكل الحاجات اللي فيها .. يمكن لو كانوا حسوا بإنتماء لأي حاجة في البلد مكانوش بقوا كدة .. انا عرفت من العيال دي كتير أوي ايام ما كنت بلعب في باندات .. ناس عادية جداَ بيحاولوا يلفتوا الإنتباه بشكل لا واعي .

مع اني لازلت مبحبهمش ابداااا و بكرهم بكل استايل اللبس بتاعهم بس عارف ناس منهم

و الموضوع كله شويه معلومات مش منظمه علي خيال خصب من اللي عامل الموضوع

المشكله بقي ان الايموز في ناحيه و المزعوم انهم عبده شياطين في ناحيه تانيه خااالص !! بس هو الكلام عليه جمرك !!

**blazer** · 10-03-2009 10:14 PM

جماعه الايمو دى واحده من جماعات كتير منتشره بلذات فى امريكا زى ال gothecs و ال nerds
بس الايمو اكثرهم انتشارا و منتشر بدرجه ملحوظه فى مصر و اتعرفت على اتنين ايمو منهم واحده بنت على النت
اذكر مره ان والدها توفى بعتتلى صوره مقطعه ايديها بشفره حاده
الموضوع داخل دماغهم و مقتنعين بيه وكتير اوى منهم معندوش دين ومش كدا و بس هو بينكر وجود الديانات
يعنى هما مش Religious لكن spiritual
بيحاولوا يقلدوا الاشكال بتاعه كرتونات الانيمى بلهدوم السودا و الوشم و الكحل الكثيف على العين و الشعر المتسشور الواقف ومايل على الوش والعينين و كمان الحلقان اللى بيحطوها فى كل جسمهم و بأعداد كتيره جداااا
للاسف فى مصريين شباب ولاد وبنات كدا
ربنا يهديهم ويبعد عنا افات المجتمعات المريضه دى

**aif** · 10-03-2009 10:26 PM

فراغ ..... ثم فراغ ..... ثم فراغ
ثم تحول الفراغ الى خواء ....
خواء فكري ...
خواء معنوي .....
خواء سياسي ......
خواء اسري ......
خواء قدوة ........
خواء تربية .....
خواء ديني .......
خواء قضية ينتموا اليها
والله صعبانين عليا ...... شباب في عمر الزهور ... ممكن يكونو سبب ازدهار بلاد وبلاد .....ربنا يجازي اهلهم اللي وصلوهم لكده

**sha2e** · 10-03-2009 11:43 PM

المشاركة الأصلية كتبت بواسطة blazer

جماعه الايمو دى واحده من جماعات كتير منتشره بلذات فى امريكا زى ال gothecs و ال nerds
بس الايمو اكثرهم انتشارا و منتشر بدرجه ملحوظه فى مصر و اتعرفت على اتنين ايمو منهم .....................................للاسف فى مصريين شباب ولاد وبنات كدا
ربنا يهديهم ويبعد عنا افات المجتمعات المريضه دى

بما ان حضرتك شكلك فاهم ومتابع الموضوع فأسمحلى اسألك ايه الفرق بين الـ emo والـ gothic هما حاجتين زى ما حضرتك قولت ولا هما حاجة واحدة ؟؟

طبعا الـ nerds معروفين الل بيكون ليهم شكل تانى شكل موضة الستينات القمصان الفاتحه المقفول زرايرها كلها والشعرال بيكون على جنب واهم حاجة النضارات الكبيرة

ومقتنعين انهما العباقرة الل فاهمين الدنيا كلها

**sha2e** · 11-03-2009 12:02 AM

انا شايف الصورة دى معبرة أكتر من كلام كتير
يارب تكونو فاهمين قصدي

**PoweRPassioN** · 11-03-2009 12:07 AM

المشاركة الأصلية كتبت بواسطة aif

فراغ ..... ثم فراغ ..... ثم فراغ
ثم تحول الفراغ الى خواء ....
خواء فكري ...
خواء معنوي .....
خواء سياسي ......
خواء اسري ......
خواء قدوة ........
خواء تربية .....
خواء ديني .......
خواء قضية ينتموا اليها
والله صعبانين عليا ...... شباب في عمر الزهور ... ممكن يكونو سبب ازدهار بلاد وبلاد .....ربنا يجازي اهلهم اللي وصلوهم لكده

الله ينور عليك

-

الموضوع: ماذا تعرف عن الايمو ؟

LinkBack

أدوات الموضوع

عرض

-

-

-

-

-

المواضيع المتشابهه

ماذا تعرف عن >> (((( بروتون )))) <<

ماذا تعرف عن ابو الفتوح ؟

ماذا تعرف عن .....؟

ماذا تعرف عن الميجان ؟؟؟؟

ماذا تعرف عن المايكروويف؟

الكلمات الدلالية لهذا الموضوع

المفضلات

المفضلات

ضوابط المشاركة