نتيجة جلوس شاب على الكابوت و صاحبة بيهزر بالسيارة !!

**kareem_adel** · 10-03-2009 04:41 PM

يجماعة الواحد مخنوق والله من الحال اللى احنا وصلنا ليه انا كنت فى الجامعة ولقيت الناس كلها بتجرى بصراحة اتخضيت لقيت يجماعة حادثة عندنا فى الجامعة مش ممكن بجد الواد مدغدغ ربنا يكون فى عون اهله ومين اللى خبطه اصحابه الواد ده كان راكب على الكبوت وبيهزرو وبيلفو وهوا على الكبوت هزار شباب سخيف وبعد كده اللى سايق بيلف وداس فرامل الواد راح محدوف على الارض والمصيبة الواد اللى سايق داس عليه الواد يجماعة كنت حاسس انه اتلزق فى الارض والله انا كنت عايز اعيط لما شفته بس لما عرفت اللى حصل بصراحة مصعبش عليا هوا اللى جابه لنفسه للدرجة دى يعنى يوصل الحال بينا لكده فى الهزار مش عشان تلفت انتباه البنات ليك تهزر بالمنظر ده تخيلو يجماعة الواد ده ممكن يكون عاجز لانى سمعت ان دهره اتكسر ومين اللى عمل فيه كده اصحابه انا شاب اه وبهزر وبضحك ومش ببطل هزار بس مش بالغباء ده ربنا يكون فى عون اهلله انا فى جامعة المنصورة على فكرة

**د.محمد** · 10-03-2009 04:48 PM

كلية ايه؟؟؟؟؟؟ والواقعة دي حصلت فين في الجامعة

**himatros** · 10-03-2009 05:03 PM

ازاي الكلام ده وفين؟

هي دي اخرة الهزار الغبي اللي الغرض منه المنظرة

**Ayman_52** · 10-03-2009 05:09 PM

قمة الاستهتار والغباء فعلا

انا مش فاهم ايه المنظره فى الموضوع ده...والمشكله الامن ساعات بيكون واقف يتفرج .

**mrghost** · 10-03-2009 05:35 PM

ازاى الامن فى الجامعه يسيب حاجه زى دى تحصل اصلا
ده اساسا استهتار من الشباب ولا مبالاه من الامن

**abo_hosni** · 10-03-2009 05:56 PM

طيب إيه رأيك من شهر تقريباً دخلت حالة المستشفى و هي طالبة في كلية ما و فيها إصابات مختلفة و كسر في الحوض!!!! و طلعت بنت خالة واحد زميلنا كمان
اتضح أن واحد بيتعلم السواقة داخل الجامعة و سايق عربية صاحبه راح طالع بالعربية على الرصيف و شال البنت من وراها و هي ماشية من على الرصيف و اللي وقفه عمود نور لبس فيه.
طبعاً الدنيا اتقلبت بمعنى الكلمة

كان عندي للحظة رغبة في قتل اللي عمل كده هو و صاحبه و اللي دخل عربيته الجامعة

**أشرف فتحى** · 10-03-2009 05:57 PM

لا حول ولا قوه إلا بالله العلى العظيم
لحظه استهتار تضيع فيها اعمار؟؟؟؟؟؟؟؟؟؟؟

**zeyad1810** · 10-03-2009 06:22 PM

دى اخرة لعب العيال

**M.Osman** · 10-03-2009 06:28 PM

دا اخرة لعب الفرافير ....

مش بعيد يكون مأجر العربية كمان عشان يعمل التفاهات دي ....

و دي كانت اخرتها ...

الخلاصة : ياللا في داهية هو و امثاله ... عايزين البلد تنظف بقى ..

**yehia** · 10-03-2009 06:41 PM

ماهو اللى متصاب ده لو كان عارف وفاكر كويس انه من بين ما سيسأل عليه يوم القيامة هو جسده فيما أبلاه ...... ماكنش عاش فيها دور الولد الأمور الروش أبو قلب ميت اللى مش همه ولا باكى على حاجة...... قمة الشجاعة والرجولة بصراحة .....

وأكيد طبعا كل ده عشان يعمله منظر قدام بنتين من نوعية اللى بيغشى عليهم عند تامر حسنى .... ولا عشان يثبت (بتشديد الباء) شلة تانية فرفورة بعد ما عملوها فيه وعرفوا ينزلوا ألبوم عمرو دياب كله من النت قبل ما حد تانى يجيبه ....

والله ما أنا عارف احنا رايحيين على فين طول ما فيه شباب بهذا "العمق" و "النضج" و "العقلانية" فى التفكير .....