الموضوع: مهم - الانترا -

المشاركة الأصلية كتبت بواسطة derba

طب ممكن افهم يا باشا ايه الفرق بين يفصل ويتقل ؟
وايه موضوع الباور الكهربا ؟ انا قريت فى موضوع من شوى انه فى الانسر برضه يعنى لو هى زى ما بتقول الانترا هتعوم ما الانسر الى قالتلى عليها كمان هتعوم !
وشكرا مقدما يا باشا

تانى بطريقه أوضح....
هناك ثلاث أنواع للتحكم فى الدركسيون:

1)لا يوجد باور أصلا: و ده معناه ان الدركسيون تقيل فى الحركه عشان المجهود المبذول للف الدكسين كله معتمد عليك... و طبعا كلما زاد وزن السياره زادت صعوبة الدوران ....
مثلا عندك الأونو و الادا.....

مشكلته انه على طول تقيل و يخف شويه مع السرعه فيصبح جيد مع السرعات العاليه

2)باور الزيت: و ده كان من بدايات الاكتشافات و ده كان برده جيد.... حيث أن الجهد المبذول من جانب حضرتك قل كثيرا عشان فى مكنه بتساعد فى لف الدركسيون.....
مشكلته أنه على طول خفيف .... يعنى فى الركنه زى الفل بس على السرعات خفيف قوى

3)باور الكهرباء: و ده أفضل نوع لانه معتمد على تكنولوجيا أحدث حيث جمع مابين الاتنين .... و فى نفس الوقت صيانته و تكلفته أسهل ... و كمان أحسن و أسهل فى الاستخدام

يعنى خفيف على السرعات الخفيفه ... و يتقل مع السرعات العاليه .... عشان لو الدركسيون حود جامد على أى سرعه عاليه... ربنا ما يورى حد أيا كانت العربيه....


نرجع بقى انها بتعوم....
الثبات فى فئتها ممتاز.... لو طلعت فئه أعلى(كسياره مش سعر) أكيد حيتحسن....بس كل واحد و على قد فلوسه و اللى بيدور عليه....

بس كده ... أرجو انى أكون وضحت بطريقه سهله