اقتباس المشاركة الأصلية كتبت بواسطة aif مشاهدة المشاركة
يا ابو السباع
انا دورت على الفزورة لغاية ما لقيتها على النت .... وده طبعا عشان الملوخية ما تبردش واحنا منتظرين تتح
الحل اللي قالة صاحب الفزورة زي ما انت قولت تماما ....0 لكن الفزورة ان باب وراه سيارة وبابين وراهم معزة .... ايون معزة .... مااااااااء
هو طبعا حل صحيح رياضيا .... ومع اني درست نظرية الاحتمالات وكنت باجيب امتياز في الاحصاء ..... لكن برضه مش مستريح للحل ده ......
مش عارف لية مش عاوز اقتنع
هيا بس النقطة ..... بعد ما الوضع اتغير واصبح الخيار بين بابين فقط ..... ايه تأثير الوضع السابق بعد ان تغير الي وضع جديد ؟؟؟
هقوللك من وجهة نظرى ايه تأثير الوضع السابق علىالوضع الجديد ، احنا عندنا الأبواب اسمهم "أ" و"ب" و"ج" (علشان بس مفضلش اقلب لوحة المافاتيح بين عربى وانجليزى)

انا لما اخترت الباب أ كان عندى حرية الاختيار بين أ و ب و ج ، لكن ميشو لما اختار باب يفتحه مكانش عنده نفس الحرية لأنى حذفت الباب "أ" من اختياراته،وبالتالى بقى عنده ب وج فقط ، يبقى نظرا لأن ميشو مالوش فرصة انه يختار الباب أ، يبقى هو لما بيختار باب يفتحه وليكن ج مثلا هو مش بينقل فرصة الباب ده الى الباب أ، لأن أ مكانش ضمن خياراته، يعنى محدودية فرصة ميشو فى الاختيار بين ب و ج فقط هى اللى بتخلى الباب ب اللى بيسيبهولى فرصته اعلى لأنه مكانش يقدر ينقل نصيب من فرصة الباب ج اللى اتفتح الى الباب أ اللى انا اخترته لأنه مش متاح له للاختيار وبالتالى تنتقل فرص ج بعد فتحه غير منقوصة الى ب، لعلى اكون كدة قدرت اوصل الفكرة

هو تتح جه وللا لسة؟