النهاردة كنت رايح الشغل الصبح وكنت فى شارع الطيران قبل اشارة رابعة العدوية والاشارة واقفة وفية اتوبيس مينى باص واقف وراية على شمالى شوية

وقفنا شوية وهوب سمعت طططططططططططططططخخخخخخخخ
انا حسيت ان دة فى عربيتى وفضلت دقيقة فى العربية مش عارف انا بحلم ولا اية ؟ احساس وحش اوى اوى اول خبطة فى العربية

المهم بصيت من المراية لاقيت الاتوبيس اللى كان ورايا خبط فياً نزلت من العربية وقلت مهما حصل الحمد لله انا اول ما بصيت على الارض لقيت بقايا بلاستيك بتاع فانوس
اقولت الفانوس راح وراحت لغاية مكان الخبطة
بصيت للسوق اللى فى الاتوبيس لقيتة بيشور لى انا اسف ونزل بسرعة من الاتوبيس

بصيت على الخبطة لقيت الاكصدام داخل لجوة من ناحية الشمال وعمل نص الدايرة الغبية اللى داخلة لجوة واللى بتشوفها فى عربيات كتير
بقايا الفانوس دية طلعت بتاعت الاتوبيس الحمد لله

السواق قلى بسيطة الحمد لله ونزل تحت العربية وحاول يرد الاكصطدام وفعلاً اترد سنة بس انا خفت يكسر قولتة خلاص سيبة كدة زى ما هو

انا بصيت للسوق وبقولو حرام عليك اقلى والله انا مش معايا فرامل ولسة مكلم الشركة وقولى تعالى نعمل صيانة للاتوبيس

طب بالذمة الواحد يعمل لواحد زى دة اية؟ ويطلع نرفزتة علية اواى ؟ يضربة ولا يعمل اية

انا ركبيت العربية ومشيت وفضلت متعكنن طول اليوم وقلت اسيبها كدة بقا تاخد العين واعملها كمان فترة اشوف بقا حد يردها على البارد مش عارف هينفع ولا اية دا فبير

صحيح انا مأمن بس مش عايز اكسر بوليصة التأمين على اكصدام

الحمد لله وقضى اخف من اقضى
----------
هل تعلم أن لفظ الجلالة يتم كتابته بالهاء وليس بالتاء المربوطة؟
تم تعديل لفظ الجلالة فى العنوان أيضا
إ م -6!!!