اخويا كان فى المرور بيجدد عربيته هيوانداى اكسل 1500 سى سى موديل 1994 لقيتة بيتصل بيا بيصوت عايز فلوس و كنت انا بعيد عنه عموماً هو اتصرف
لما بسألة باليل دفعت كام قاللى المصيبة السنة من غير فحص و لا تأمين اجبارى باللوحات الجديده تعمل حوالى 420 جنية
قلتله امال عربيتى تعمل ايه بقى بهزار
قلى الأتى :
1. بتسحب ورق تجديد ترخيص و فحص
2. بتروح على الشباك يحددلك عايز كام سنة و كل سنة ليها نموذج تحديد رسوم كمبيوتر ب 20 جنية
3. تنزل تفحص و تتفحت تحت مصاريف و تطلع تانى على فوق بعد ما تعمل التأمين الأجبارى اللى الحد الأدنى بتاعة بقى 87 جنيه
4. تطلع يتراجع الورق و يخش على الكمبيوتر و تبدأ مهزلة الرسوم االى هى عبارة عن الأتى :
- ضريبة
- رسم تنمية موارد
- تبرعات فى حدود 160 جنية فى السنة
- تأمين لوحات 120 جنية
- لوحات جديده 120 جنية
- رسم استخدام الراديو
- رسم رفاهية و استخدام طريق
- رسم ما عرفش ايه
اجمالى فيكترا 1995 موتور 2000 سى سى يعمل حوالى 1175 جنية فى السنة
بالنسبة للتويوتا 1300 موديل 2007 دفع قدام اخويا 750 جنيه عن السنة
دايو ليجانزا 2000 سى سى و موديل 2000 دفع 1725 عن السنة
انا هانزل اولع فى العربية او اشغلها بالنفر على خط ارياف و اريح نفسى
ايه رأيكم بقى