نوبيرا أتوماتيك

**kokmedo** · 11-03-2009 07:47 AM

السلام عليكم
أنا بأذن الله هشتري نوبيرا اتوماتيك 2001
بس كان عندي ملاحظة علي أنها بتأخذ بنزين كثير قرأت موضوع أني لو غيرت الرشاشات بتاعتها برشاشات بي أم هيقل في البنزيل هل دية معلومة صح ولو عملت كدة اللتر هيعمل كام كيلو
وبالنسبة للفتيس لو رحت أشتريت فيتيس أستيراد علشان سامع مشاكل الفتيس هل بالطريقة دية المشكلة هتتحل
أرجو المساعدة
والسلام عليكم

**Sherif Khalifa** · 11-03-2009 09:17 AM

معلومة غلط

تغير الرشاشات بيكون علشان القديمة بتسيل بنزين و تعمل مشاكل فى عملية الاحتراق و ايضا تأخر فى الدوارة و ليس بهدف توفير البنزين خالص

تانى حاجة انت ناوى تشترى عربية و حاطت فى دماغك انك تفتح فى شغل فتيس من اولها ؟!
يبقا لى تروح للشر برجليك

**mummy_47** · 11-03-2009 09:41 AM

انا معايا نوبيرا اتوماتيك كوري مو 99 استيراد من بورسعيد..بالنسبة لاستهلاك البنزين فهو 7.6 الى 9 كم/لتر..
وبالنسبة لتغيير الرشاشات برشاشات بي ام فان الاستهلاك هيزيد مش هيقل...
بالنسبة للفتيس الاوتوماتيك..انا اسمع ان النوبيرا المصري الاوتوماتيك هي اللي فيها مشاكل لان الفتيس بتاعها على wire مش electric .زي النوبيرا الكوري ،وعن تجربة سنة مع الفتيس الاوتوماتيك ماشاء الله رائع ومفيش تاخير او تقديم في النقل (على فكرة انا من النوع الموسوس جدا ، يعني لو فيه حاجة في العربية هقعد قلقان ومتوتر لغاية ما اصلحها)،وانا كنت خايف من الاوتوماتيك في الاول من كلام الناس والمشاكل بتاعة الفتيس لكن اتكلت على الله ، والحمدالله كله تمام والفتيس اكثر من رائع..وانت مش اول ولا اخر واحد يجيب اوتوماتيك..
ارجو ان اكون افدتك بمعلوماتي المتواضعة والتي اكتسبتها من هذا المنتدى الرائع..