سؤال بالنسبة لزجاج العربية من الداخل

**gemtawila** · 04-09-2007 02:33 PM

http://forums.corvetteforum.com/show...83&forum_id=10

**firstknight216** · 05-09-2007 12:09 PM

أنا يا باشا ح اقول لساعدتك
موضوع الشبورة ديه داخل السيارة يكون لها سببين
الاول: احتمال مع الحرارة العالية التابلوه الجلد بيكون بيتأثر بالحراة العالية وتبدي عملية تكثيف على الزجاج لأن السيارة من الداخل مكتومة
الثاني
جرب يمكن يكون التكييف فيه مشكلة ولا حاجة
هذا والله اعلم

**محمد عبد العزيز** · 05-09-2007 12:29 PM

دي اول مره اسمع عن حاجه زي دي :shock:

**Abdallah** · 05-09-2007 02:44 PM

بالفعل انا لاحظت الموضوع دة احيانا وخاصة فى الصيف ولاحظت كمان ان العربيات الى فرشها جلد بتبقى عرضة اكتر للموضوع دة من الى فرشها قماش والحل انك تشترى شماسة بـ 7 جنيه تحطها على الزجاج الامامى لما تركن.

**thegreatnileman** · 05-09-2007 05:29 PM

نصيحة يا مستر جمال انك تسيب الهوايات مفتوحه قبل ما تقفل السياره طبعا اقصد انك تخللى دائرة التبريد مفتوحه مش مغلقه ده قبل ما تطفىء الموتور والتكييف وبالتالى يكون فى تهوية مستمرة بالسيارة وبكده تكون درجة حرارة سطح الزجاج من الداخل تساوى درجة حرارة سطحه من الخارج ولا يحدث تكثف على السطح الداخلى واى ابخرة بلاستيكية تتسرب مع الهواء اللى خارج

احمد

**oshy** · 05-09-2007 05:45 PM

الشماسه هيه الحل . اشترى واحده و لو ماجبتش نتيجه مش هتخسر حاجه

**Heshaam** · 05-09-2007 06:12 PM

والله أعلم أنا حصلت معايا مرة في بروتون جين تو بعد ما كنت غاسل الصالون (الكراسي والسقف) في المحطة وبعد ما عملت بيها مشوار قفلتها فلقيتها عملت كده برضه والوقت كان بالليل وفي الشتاء. فأعتقد إن مش بالضرورة له علاقة بالشمس وإنما بالأساس بوجود سوائل متبخرة داخل العربية ومحبوسة (ممكن بسبب الشمس أو بسبب أي حاجة تانية).

وطبعا مش مستحب إنك تسيب جزء من الإزاز مفتوح - سواء هنا أو بره - فأعتقد إن إقتراح أ. أحمد (thegreatnileman) بإنك تسيب دائرة التكييف مفتوحة هو الحل الأمثل.

لو المشكلة مزمنة أوي - مش مرة كل فترة يعني - أعتقد حضرتك تحاول مع توكيل العربية (حصلت معايا مرة واحدة بس).

والله أعلم