نفسي اشتري ميجان بس لما قريت الاعطال اللي صادفت الساده الاعضاء

**M.Moustafa** · 11-03-2009 03:34 PM

بص يا باشا الصني مع اخويا وانا بركبها كتير جدا اولا انا لحد النهاردة مش مقتنع بتقفيلها المصري وشايف انه سيئ جدا، ده غير انها مش راسية على الارض بالمرة وواطية بطريقة مستفزة وعندي والدتي او والدي او اي حد يركب معايا الميجان ويركب الصني بيحس بالفرق خصوصا في راحة الركوبة والرساوة.

لو هنتكلم بقى عن قطع الغيار واسعارها انا اخويا تقريبا بغير التيل كل 10 الف كيلو ولسه مكملتش معاه غير 40 الف غير فيها قربة المية مرتين لحد دلوقتي ، والسنتر باظ منه مرة

11-03-2009 03:35 PM

المشاركة الأصلية كتبت بواسطة khaled lanos

بفضل الله أولاً و أخيراً من 19 فبراير2008 و حتى تارخه تم فقط تغيير ذراع الهاندبريك في الضمان و مكنتش متضايق منه (التوكيل أخدوا بالهم منه) في صيانة ال25000 كم.
و غيرت تيل أمامي بمعرفتي (كمستهلكات) و لا يخرجني من الضمان.
:10D5C8~1107:

19 فبراير 2008

**chato_eg** · 11-03-2009 04:26 PM

المشاركة الأصلية كتبت بواسطة Mohammed Moustafa

اي حد يركب معايا الميجان ويركب الصني بيحس بالفرق خصوصا في راحة الركوبة والرساوة.

الكلام ده بيحصل معانا كلنا
القعدة فى الميجان تفرق عن كل العربيات التانية و إللى أغلى منها ب 50 و 70 ألف كمان...مش عايز أقول 100 علشان ما يقولوش بيبالغ
و الكلام ده من أفواه ناس...لا تفقه فى السيارات شيئا....ده رأى رجل الشارع إللى مالوش غير القعدة بس شكلها عامل إزاى

مريحة...عالية...عزل تام و خامات الداخل محترمة....

لا يعرفوا يعنى إيه ثبات على منحنيات و لا كماليات و لا سحب

و على كل أحب أنوه إنها مش لكل الناس....هى فيها نقاط تتفوق فيها عن الأخريات بمراحل و هناك نقط تميز شخصية كل صانع....
طلباتك من العربية إيه ؟؟...حسب الأولوية...و أرجوكم مش تقولوا كل الحاجات فى الدنيا
يعنى عايز عربية سحبها و ماتورها زى ال Civic لكن ثباتها و أمانها زى ال BMW
و ياريت لو سعرها زى اللانسر
لازم نكون واقعيين....الكمال لله وحده

**Amr_Moh** · 11-03-2009 05:46 PM

المشاركة الأصلية كتبت بواسطة badry

أنا عندي نفس الحيرة.....محتار بين Megan و Tiida

إلي ‎مخوفني من Megan الأعطال و إن كل حاجة بي sensors و CU و ده ‎يخليها ماتستحملش الطرق المصرية و السواقة المصرية ....

مع اانها مقارنة بعيدة عن الواقع megane VS tiida

لكن ال-megane متخوفش لدرجادي

وعموماً مفيش عربية مبتعتلش بس الميزة هنا إن معاك الوحوش يعني
technical support 24/7

**gomha** · 11-03-2009 06:10 PM

المشاركة الأصلية كتبت بواسطة chato_eg

الكلام ده بيحصل معانا كلنا
القعدة فى الميجان تفرق عن كل العربيات التانية و إللى أغلى منها ب 50 و 70 ألف كمان...مش عايز أقول 100 علشان ما يقولوش بيبالغ
و الكلام ده من أفواه ناس...لا تفقه فى السيارات شيئا....ده رأى رجل الشارع إللى مالوش غير القعدة بس شكلها عامل إزاى

مريحة...عالية...عزل تام و خامات الداخل محترمة....

لا يعرفوا يعنى إيه ثبات على منحنيات و لا كماليات و لا سحب

و على كل أحب أنوه إنها مش لكل الناس....هى فيها نقاط تتفوق فيها عن الأخريات بمراحل و هناك نقط تميز شخصية كل صانع....
طلباتك من العربية إيه ؟؟...حسب الأولوية...و أرجوكم مش تقولوا كل الحاجات فى الدنيا
يعنى عايز عربية سحبها و ماتورها زى ال Civic لكن ثباتها و أمانها زى ال BMW
و ياريت لو سعرها زى اللانسر
لازم نكون واقعيين....الكمال لله وحده

الكلام دة هو التمام جزاء الله خير انا عن نفسى معايا هنا فى السعودية سوبارو وذلك لميزة السوبارو الشديدة فى موضوع الثبات والقوة وفى للسرعات العالية هنا وميزة الدفع الرباعى المستمر و الجو الصعب واتغاضى عن موضوع التعليق الناشف جدا بالنسبة لى اما فى مصر فانا معى الادا وذلك لميزة واحدة فقط هو انة مع فوضى المرور فى مصر اذا واحد خبطنى بعربيتة هو يروح التوكيل وانا اروح لبتاع التلاجات اصلح العربية اما اذا كان معاه لادا هو كمان يبقى مش حيكون فى اى خناقة عشان احنا الاتنين حانروح لنفس الراجل ونشترى قطع غيار بخمسين جنية بس ولكن حبيت اجيب عربية لزوم الرحلات الطويلة تكون عائلية مميزة درجة الامان فيها عالية فخامة سيارة لها تاريخ وصانع مميز فلم اجد غير الرينو ميجان مع تاريخ واضح ومبهر فى جميع راليات العالم وقد د ذهبت فعلا الاجازة دى للشراء الميجان استات العائلية ولكنى اجلت العام دة كمان لانة الموديل الجديد للميجان على وصول لذلك بس قررت الانتظار مع التخفبض على السيارات الاوربية بداية من العام المقبل

وانا بقول لكاتب الموضوع اذا حبيت سيارة مميزة الميجان هو الاختيار الامثل اما اذا حبيت سيارة عادية فكل الاختيارات الاخرى ذى بعض

وتلك هى خبرتى المتواضعة وشكرا

**fahd_628** · 11-03-2009 08:41 PM

باشا احنا معانا ميجان 2008 و عاملة 26000 كم و الحمد لله عمرها ما وقفت

كل الى بيقولك انها كمبيوتر و الكلام دة فتىىىىىىىىى كبير لأن كل الحاجات دية موجودة فى كل العربيات الجديدة

بس برضة مفيش مقارنة فى رأى الميجان تكسب

كفاية بس انك تبقى راكب عربية تحس بيها بالأمان ( فرامل 10 على 10 توقفك فى اى وقت و فى اى مسافة انت عاوزها بسبب الكاوتش العريض و Abs و ال Ebd و طبعا غير ال 6 ايرباج و ال 5 نجوم فى الأمان )

طبعا غير الكيمياء الى ما بين مالكى الميجان و العربية كلهم

**عمرو عمارة** · 12-03-2009 08:17 AM

يا سيدي الفاضل خلاصة الكلام.....من بعد قراءتك لمواضيع الميجان وشوفت مدى شغف وحب مالكها لها والتميز الي بنحس بيه ...وأيضاً أكيد أخذت فكرة عن أعطالها وبعض أسباب الأعطال ومدى تحمل مالكها لهذه الأعطال والإستعداد للتضحية لتميز هذه السيارة في كل شىء

أظن بعد كل ده لو حضرتك مازلت خائف من السيارة وأعطالها ماعتقدش إن حضرتك حتستريح مع العربية دي.....وزي ما بيقولوا الي بيخاف من العفريت يطلعلوهُ

على رأي هاني....لازم يكون فيه حب ومودة بتعلقك بالعربية دي وتحس إنها بتكلمك .....حب العربية تحبك