عقار جديد تدعي روسيا انه يحول دون الموت

**Imhotep** · 12-03-2009 04:08 PM

المشاركة الأصلية كتبت بواسطة نور القمر

انما المقصود منه انه ضد اصابات وامراض خطيرة او مميتة

هى دى بالظبط النقطة اللى انا كنت اقصدها و اتكلمت عنها فى مداخلتى..... وهديكم مثال عملى على ما اقصد..... لو حصلت حادثة لا قدر الله و حصلت اصابة عملت نزيف.... الاصابة نفسها ليست مميتة لكن المصاب ممكن يموت من النزيف فى غضون دقائق.... هنا يأتى ميكانيزم محتمل لعمل هذا الدواء حتى لو سلمنا به كحلم من احلام الخيال العلمى.... فلو ابطأنا من الايقاع الحيوى لضربات القلب بحيث يستمر الحد الادنى اللازم فقط لتغذية خلايا الجسم لكن بدون ان يعمل القلب بكل طاقته مما يتسبب فى استمرار النزيف الذى يؤدى فى النهاية الى الموت، ليس من الاصابة الاصلية لكن من النزيف، اذا فى هذه الحالة نكون قد حمينا المريض من الموت المحقق عن طريق علاج طبى مثله مثل غيره من العلاجات .....

**aif** · 12-03-2009 08:57 PM

جميع الأدوية ضد الموت من اول الاسبيرن وحتى احدث الادوية .... ده امر طبيعي
لكن لو حد قال ان فيه عقار يؤدي الي الخلود .... يبقى مجنون ... وكافر لأن الموت هو الحقيقة الحتمية الأكيدة الوحيدة في الدنيا .... لا مفر منه ..... وهنا ممكن نقرأ الآيات اللي ذكرها الزملاء في مشاركتهم لنؤكد ذلك
لكن الخبر بيقول ان العقار ده بيؤدي الي الشفاء من جروح خطيرة ومميتة وبينقذ الانسان منها .... ده طبيعي جدا ... وممكن نفس الانسان اللي انقذوة ده .... يشرق ويموت وهو سليم تماما ....؟؟؟؟؟
زي التطعيم ضد الكوليرا والجدري و الادوية اللي اخترعها الانسان لبعض الامراض التي كانت في الماضي مميته ولا علاج لها ... دي تعتبر انقذت الناس من الموت .... يعني ضد الموت .... دي اسباب خلقها الله .... المحيي المميت
هما بس الجماعة الصحفيين عاوزين اي فرقعة وكلام يشد الناس وخلاص ..... العنوان خادع
ودي للأسف طبيعة الصحافة عندنا ..... واسألوا أخونا العزيز محمود موتورايزر وهو يقولكم لأنه في المجال وعايش في الوسط الصحفي وعارف الدنيا فيه ماشية ازاي