الموضوع: Lancer Or Elantra??? ... me7tag ra2yokom

المشاركة الأصلية كتبت بواسطة zizo

راى الشخصى لانسر للاسباب الاتيه

1- سياره يابانى يعنى عمرها اطول من الكورى اللى اربع خمس سنين بالكتير والعربيه تقع منك .

2- اعادة البيع فى صالح الانسر بكل تاكيد يعنى فلوسك فيها .

3- قطع غيار معمره مش بعد 40 الف كيلو للسياره ابداء رحله الصناعيه .

4- المصريه من احسن التوكيلات فى مصر اما غبور فهو من اسواء التوكيلات فى الدنيا .

مع احترامي لراي سعادتك

مين قال النترا عمرها ضعيف

اعاده البيع واقعه في كل العربيات دلوقتي ولانسر برضو وقعت معاهم

ومين كمان قال ان بعد 40 الف كيلو الالنترا هتبدا رحله صناعيه معاها على فكره انا اعرف ناس معدين 80 الف والعربيه زي الفل مساعدين وعفشه زي الفل عربيه كانها زيرو

توكيل مصريه ده بقى ياباشا انا دخلته مره وحده فقط
الي في طريق قليوب كان اشبه بمدرسه واتقلبت توكيل فعلا وعربيات بتتعملها صيانه كانهافي الشارع وحاطين فوقيها زي تندات كده
والاماكن الي بتقعد فيها وتدفع والكلام ده في الضياع وتقريبا مكانش في تكييفات في المكان اساسا
ده بالاضافه الى ان صاحبي كان بيركب اكصدام لانسر شارك خلفي اتركب وفيه كلبسه اتكسرت من الكلبسات الي في الرفرف قام العامل المحترم متفهمش عمل ايه زي لحام مثلا او دق على الاكصدام عشان يدخله في مكانه
من الاخر مش شغل توكيلات تماما

لما نيجي بقى نقارن بين لانسر والنترا نلاقي بقى الفروق دي

النترا من غير abs فراملها باااشااا عن الانسر

فرق ماتور محترررم جدا جدا خصوصا في الاوتوماتيك يبان التمييز بتاع الالنترا

ومحدش يقولي فتيس لانسر cvt والكلام ده عشان هو مزعج جدا جدا واكتر نوع فتيس بيبوز في الدنيا مش في متسوبيشي بس لا في كل الشركات وكمان سواقته مختلفه شويه عن الاوتو العادي او حتى الايزي ترونيك كمان

النترا بقى شكلها الخارجي افضل والداخلي كمان افضل والوسع افضل

الثبات النيو النترا ثبااتها افضل من الانسر بمراحه في الملفات والطريق وكل حاجه تحفه خاصه لو بجنط زي ما لانسر بتنزل بجنط

عفشه النترا انعم واريح من الانسر بمراحل مع انها برضو ناشفه

قطع غيار بقى فعلا معمره وانا اسمع ان تيل الفرامل في لانسر بيخلص بسرعه كل تقريبا 10 او 15 الف

وفي النهايه توكيل هيونداي توكيل كويس ومحترم صحيح ان في حالات كروته بتحصل لبعض الناس خصوصا في الضمان لكن ده بيرجع لعده اسباب واهمها الزحمه الكبيره الي هناك
لكن لو شخص داخل التوكيل وعارف ان عربيته فيها عيب وعارف ايه العيب الي فيها استحاله يطلع من هناك بنفس العيب

النترا احسن

المشاركة الأصلية كتبت بواسطة tutankhamoun

موقع يملي .... يقوم بترجمة الهندي الي حضرتك كاتبة
للغة عربي
و ده عنوان الموقع
http://www.yamli.com/editor/ar/

تمام الموقع دة ١٠٠ ١٠٠ شكراً يا معلم :) دة هيفدني كتير