يا اوبلاوية
عربيتي كانت كورسا 1000 وغيرتلها الموتور 1600كامة واحدة بتاع الفيكترا 74 حصان بالفتيس بتاعه كمان
بس عندي كام حاجة كدا:
1- صوت الموتور عالي جدا جدا جدا واكاد ااقول اني بصدع منه اوي وانا مسافر لدرجه اني مش بعرف اتكلم في الموبايل (حتي لو سماعات علشان عارف بتوع المرور)
2- غيرت حاجة اسمها كوستبنات قالي الميكانيكي انها بتعمل صوت خشانة في المشي
3- العربية لو قرصت فيها علشان تجري (زي ما كنت بعمل في الموتور ال1000) تنور لمبة الاعطال ومتطفيش غير لما ااقف خالص واطفي الموتور وادور تاني
4-مش عارف اسخن العربية ازاي الصبح الاول كنت بداور وهي بتسخن مع نفسها وتهدي تاني ودي مش عارف اعمل ايه ممكن نصيحة؟
5- الميكانيكي بيقولي فاضل وصلة الفبر اللي من علبة فلتر الهوا لغاية الاكصدام ودي بتكتم الصوت (وانا مش عارف حقيقة ده والا ايه....)
6-الموتور مش راضي يجيب اكتر من 170 علي صحراوي اسكندرية تفتكروا دا عادي؟
واللا هي بتجيب اكتر من كدا

متشكر لاهتمامكوا ومنتظر الردود