موتور الاونو و الفتيس يركب على 128؟

**ayminwafay** · 12-03-2009 12:23 AM

انا معايا عربيه 128 و الموتور بتاعها تعبان و عايز اشترى موتور استيراد ينفع يركب ليها موتور اونو و فتيس اونو على اساس انه احدث و بالتاكيد هيكون احسن من المواتير الاستيراد 128
ياريت افاده
و تحياتى و شكرى مقدماً

**want_better** · 12-03-2009 10:33 PM

السلام عليكم

انا شوفت 128 راكب عليها موتور ريجاتا

ولو عايز تشد العربية جامد ممكن تركب موتور لانشيا أو تمبرا (بس لازم تعمل شددات للشاسية لأن الموتور شديد وممكن يفتح الشاسية )
أظن لو أحد الزملاء الأعزاء عنده خبرة أكتر ممكن يفيد أيضا
وممكن يفيد في تركيب موتور دوجان أوشاهين بالباور (تخيل 128 بارو)

**ayminwafay** · 12-03-2009 11:37 PM

يعنى الموتور بيركب من غير اى تعديلات غير تقوية الشاسية وبعدين الفتيس فى الدوحان و الشاهين جر خلفى و اعتقد انه بيختلف ولا ايه لا ن حجمه اكبر

**semsem_uno** · 12-03-2009 11:46 PM

ماينفعش تركب جر خلفي علي امامي

**Ahmed Hassan** · 13-03-2009 12:54 AM

موتور الاونو و الريجاتا يركبو... بس متزودش عن 1300 علشان الشاسيه.

**Nader** · 13-03-2009 01:42 AM

شوف هو موتور الاونو بالفتيس بيركبوا على الـ127 زي الفل

لكن بيني وبينك اداء موتور الاونو خصوصاً لو 1000 سي سي مش هيكون مرضي، دور احسن على موتور ريجاتا بفتيس 5 سرعات هيديك نعومة واداء في نفس الوقت.

ملحوظة:

موتور الاونو الـ1000 سي سي 45 حصان فقط

موتور الـ128 اكثر من 50 حصان

بوضع فرق الوزن بين الاونو والـ128 في الاعتبار فالمقارنة مش هتكون لصالح موتور الاونو في الـ128.

بالمناسبة في مواتير اونو 1300 سي سي،، بس غالباً مش هتلاقي قطع غيارة بسهولة...

**ayminwafay** · 14-03-2009 01:39 AM

يعنى اتوكل على الله و اجيب موتور و فتيس ريجاتا ياريت يا جماعه لو فى حد عنده فكرة عن الاسعار فى بورسعيد انا سألت فى الزقازيق و لا قيت موتور الريجاتا بالفتيس عامل 2200 جنية و الفيات 1700 بالفتيس ممكن يكون ارخص فى بورسعيد

**Abdm** · 16-04-2009 11:51 AM

المشاركة الأصلية كتبت بواسطة Nader

شوف هو موتور الاونو بالفتيس بيركبوا على الـ127 زي الفل

لكن بيني وبينك اداء موتور الاونو خصوصاً لو 1000 سي سي مش هيكون مرضي، دور احسن على موتور ريجاتا بفتيس 5 سرعات هيديك نعومة واداء في نفس الوقت.

ملحوظة:

موتور الاونو الـ1000 سي سي 45 حصان فقط

موتور الـ128 اكثر من 50 حصان

بوضع فرق الوزن بين الاونو والـ128 في الاعتبار فالمقارنة مش هتكون لصالح موتور الاونو في الـ128.

بالمناسبة في مواتير اونو 1300 سي سي،، بس غالباً مش هتلاقي قطع غيارة بسهولة...

يا أخ نادر يا ريت تشرحلى امكانية تسقيط موتور 1300 أونو فى عربية 127 سوبر فيورا هل ذلك ممكن بدون تغير فى الحوض أو القواعد ويا ترى أية رأيك فى الفكرة دية هل هى عملية ولا مش عملية ويا ريت الرد بالتفصيل وأيضا لو أمكن ردود وأراء خبراء الفيات أيضا فى المميزات والعيوب وشكرا .

**Nader** · 16-04-2009 01:22 PM

انا بصراحة مشوفتهوش متركب على فيورا او 127 قبل كدة، بس شوف هو موتور الاونو الـ1000 سي سي بيركب عادي على الفيورا بدون لعب في الحوض، وبما ان الموتور الفاير الـ1300 بيركب عادي مكان الا 1000 سي سي العادي في الأونو يبقى ينفع يركب مكان الموتور الفيورا.

بالنسبة للفكرة عملية ولا لأ فمن وجهة نظري لا مش عملية وهتفتح على نفسك فتحة، لان لازم تعمل تعديلات في الفرامل علشان تواجة الزيادة في العزم بين الموتورين بالاضافة ان الـ127 مشهورة بعدم الاتزان على السرعات فمش هتقدر تاخد اللي انت عاوزة من المكنة الـ1300.

نصيحة

سقط مكنة الاونو الـ1000 سي سي 45 احسن هتديك نعومة واداء مناسب لوزن العربية في نفس الوقت.