أقصى مدة لزيت الموتور

**abdelmessih67** · 12-03-2009 10:41 AM

الاخوة الافاضل

أنا حاليا بأستعمل العربية استعمال خفيف حوالي يوم أو يومين اسبوعيا و باعمل حوالي 200 كيلو في الشهر و ال 3آلاف كيلو دول باعملهم كل سنة مثلا بأعتبار اننا بنسافر مرة في السنة و سمعت ان الزيت له مدة محددة للبقاء بالموتور حتى و لو لم أقطع المسافة كاملة .

لي سؤالين : ما هي أقصى مدة للزيت ال 3 آلاف كيلو و هل من الممكن أسيبه فترة أطول خاصة لو مكملتش ال 3 آلاف كيلو ؟؟؟؟؟؟؟؟؟؟؟؟؟؟؟
أم ان هناك ضرر من جراء ذلك ؟؟؟؟؟؟؟؟

سؤال ثاني : هل يوجد زيت ل 1000 كيلو فقط و ما هو متوسط سعره ؟؟؟؟؟؟ و أهم شئ أقصى مدة يقعدها في الموتور ؟؟؟؟؟؟؟؟ علما باني باعمل ال 1000 كيلو في أربعة اشهر .

أنا صعبان علي أغير زيت يقعد 3 آلاف كيلو بعد 400 كيلو فقط على اساس المدة و باحاول اشوف زيت يتغير بعد كيلوات أقل و يقعد مدة أطول بالموتور و هو مناسب لاستهلاكي الخفيف بالعربية

رجاء الافادة

**aYaBooY** · 12-03-2009 11:00 AM

صباح الورد يا باشا
بما انك جايب العربية جديدة لسة لازم تعمل الاتي
اولا و الاهم لو الكاتينة عندك سير كاوتش لازم يتغير و تشوف المفروض يتغير كل اد ايه و تسجل
علشان لو لا قدر الله و اتقطع و انت ماشي الموتور بيدمر نفسه و لو الكاتينة جنزير يبقي براءة
تغير زيت و فلتر
نيجى للزيت فيه زيوت من التعاون بتعد 1000 كم و 1500 بس بجد حرام تستعملها لو الموتور عندك كويس و ديه سعرها بيتراوح ما بين 35 و 45
بس انصحك بزيت نضيف من نوع كويس شل او توتال او الاماراتية ده انا بستعمله عن نفسي يكون بيعد 5000 مثلا او 3000 على الاقل و تغيره كل 6 شهور علشان يحافظلك على الموتور
و دول سعرهم بيتراوح بين 55 و 75
يعني لما تحسب الفرق اقل من 50 جنيه لكل 6 شهور و ده طبعا لو قارنته ان العربية موتورها هايفضل كويس يبقي انت مش بتتكلم على فلوس اصلا
و ربنا معاك يا مان

**abdelmessih67** · 12-03-2009 12:34 PM

الاخ الفاضل ايابوي

صباحك فل يا باشا

المشاركة الأصلية كتبت بواسطة aYaBooY

صباح الورد يا باشا
بما انك جايب العربية جديدة لسة لازم تعمل الاتي
اولا و الاهم لو الكاتينة عندك سير كاوتش لازم يتغير و تشوف المفروض يتغير كل اد ايه و تسجل
علشان لو لا قدر الله و اتقطع و انت ماشي الموتور بيدمر نفسه و لو الكاتينة جنزير يبقي براءة
تغير زيت و فلتر

بكره الجمعة و كنت ناوي بمشيئة الله أروح للميكانيكي
و أغير سير الكاتينة و الزيت و الفلتر لكن لي سؤال
أنا مبصيتش على سير الكاتينة و لكن حتى لو كان جنزير ما المانع من تغييره ؟؟؟؟؟؟؟؟؟؟

النقطة الثانية : على حسب معلوماتي فأن سير الكاتينة يربط بين عامود الكرنك و الكامة المسئولة عن غلق و فتح الصمامات أذا لو أتقطع سير الكاتينة فأن الموتور سيقف فكيف يدمر نفسه أذا ؟؟؟؟؟؟؟؟؟؟

رجاء التوضيح لمزيد من المعرفة يا اخ ايابوي .

المشاركة الأصلية كتبت بواسطة aYaBooY

نيجى للزيت فيه زيوت من التعاون بتعد 1000 كم و 1500 بس بجد حرام تستعملها لو الموتور عندك كويس و ديه سعرها بيتراوح ما بين 35 و 45
بس انصحك بزيت نضيف من نوع كويس شل او توتال او الاماراتية ده انا بستعمله عن نفسي يكون بيعد 5000 مثلا او 3000 على الاقل و تغيره كل 6 شهور علشان يحافظلك على الموتور
و دول سعرهم بيتراوح بين 55 و 75
يعني لما تحسب الفرق اقل من 50 جنيه لكل 6 شهور و ده طبعا لو قارنته ان العربية موتورها هايفضل كويس يبقي انت مش بتتكلم على فلوس اصلا
و ربنا معاك يا مان

معاك حق انا مش هسترخص و بالذات في الزيت , انا أيام زوبة كنت باستعمل زيت اسو الجالون ب 65 جنيه و كنت بأغيره كل الف كيلو فقط لان الالف كيلو كنت باعملهم كل أربعة أو خمسة شهور و مرة باغير زيت و مرة باغير زيت و فلتر فهل هذا النظام جيد مع موتور التمبرا ؟؟؟؟؟؟؟؟؟

ما رايك بزيوت اسو ؟؟؟؟؟؟؟؟ و باسمع أيضا عن زيت موبيل الابيض فهل هو جيد ام لا ؟؟؟؟؟؟؟؟؟؟؟

شكرا لتعبك معي

**Ahmed Hassan** · 12-03-2009 12:51 PM

النقطة الثانية : على حسب معلوماتي فأن سير الكاتينة يربط بين عامود الكرنك و الكامة المسئولة عن غلق و فتح الصمامات أذا لو أتقطع سير الكاتينة فأن الموتور سيقف فكيف يدمر نفسه أذا ؟؟؟؟؟؟؟؟؟؟

رجاء التوضيح لمزيد من المعرفة يا اخ ايابوي

1- لو انقطع سير الكاتينه الصمامات هيكون جزء منها مفتوح.
2- لو انقطع سير الكاتينه البساتم بتفضل تتحرك.
3- الصمامت المفتوحه بتتداخل مع مسار البساتم و هيا بتتحرك فالصمامات تتعوج و ممكن البساتم كمان يحصل فيها ضرر.

**aYaBooY** · 12-03-2009 02:07 PM

كدة الاخ احمد حسان رد على موضوع الكاتينة بس ممكن ابسط الرد شوية
لما السير بيكون مشدود بيكون ظابط الحركة يعني حاجة تدخل و حاجة تانية برة و بعد كدة تتبدل الي برة و الي جوة لما السير يقطع
الحاجات الكتير ديه تخبط في بعض بسرعة و عزم كبير و النتيجة طبعا انها تتكسر و تتكسر معاها كل الحاجات الي مرتبطة بيها
اما عن الجنزير ده بيكون عمرة من عمر الموتور نفسه يعني لما الموتور يفوت و تعملة عمرة يبقي يتغير
اما موضوع زيت اسو و موبيل مش هافيدك علشان عمرى ما استعملتهم بس اسمع من المنتدى هنا ان الموبيل مش كويس
و انا لما جربت التوتال كان كويس و الاماراتية معايا زي الفل و ايام ال128 كنت بحط الامارات 3000 و كنت بسيبه 5000 و لما حطيت معاه زيت شنبر
سيبته 9000