ما هو أقصى عدد للفات الموتور

**karimbow1** · 18-08-2009 10:06 PM

السلام عليكم يا اخوانا

ممكن حد يقول لي إيه أقصى عدد لفات للموتور ، يعني لو هنقل من غيار للتاني انقل عند كام لفة و ايه عدد اللفات اللي معديهوش عشان ماضرش الموتور وخصوصا عالخامس والواحد بيجري عالطريق السريع

شكراً

**Ahmed Hassan** · 18-08-2009 10:31 PM

عندك عداد ال rpm المهم ميدخلش في المنطقه الحمراء... بس عموما ٣٠٠٠ rpm مناسب جدا للنقل من سرعه لاخرى في معظم العربيات. بالنسبه للجزء التاني من سؤالك... مش هتعرف تضر الموتور اصلا و انت على الخامس لأن لفات الموتور عمرها ما هتوصل للمنطقة الحمراء.

**Ahmed Nouh** · 19-08-2009 12:44 AM

زى ما قالك الاستاذ احمد انسب سرعه للنقل ما بين 2 ونص و 3 rpm بس مش علشان حاجه لمجرد النعومه فى الحركه واستهلاك معتدل للوقود

اكتر من كدا لو بتجرى ومش خطر على الموتور نهائى طالما لم تدخل فى المنطقه الحمراء لكن بالطبع الصوت هيكون عالى واستهلاك البنزين مرتفع ودى حاجه الكل بيبعد عنها فى السواقه اليوميه وبتكون لوقت الحاجه فقط

لو سافرت 6 ساعات على 5 rpm مش هتضر الموتور فى حاجه طالما التبريد مظبوط والموتور مش بيسخن والتزييت مظبوط

**NFS** · 19-08-2009 04:21 PM

المشاركة الأصلية كتبت بواسطة Ahmed0Nouh

زى ما قالك الاستاذ احمد انسب سرعه للنقل ما بين 2 ونص و 3 rpm بس مش علشان حاجه لمجرد النعومه فى الحركه واستهلاك معتدل للوقود

اكتر من كدا لو بتجرى ومش خطر على الموتور نهائى طالما لم تدخل فى المنطقه الحمراء لكن بالطبع الصوت هيكون عالى واستهلاك البنزين مرتفع ودى حاجه الكل بيبعد عنها فى السواقه اليوميه وبتكون لوقت الحاجه فقط

لو سافرت 6 ساعات على 5 rpm مش هتضر الموتور فى حاجه طالما التبريد مظبوط والموتور مش بيسخن والتزييت مظبوط

شكرا