صوت الضمير (مذكرات زوج) موضوع فكاهى

**wesam_salom** · 12-03-2009 04:06 PM

الحلقه الاولى

اشاره مرور

:k4::k4:

احمر اصفر اخضر

دى مش اشاره مرور بالمعنى التقليدى

دى نفس الالوان بس كلها بتنور وتطفى مع بعض

وكمان فيه لون ازرق

عرفتوها

دى اشاره مرور للحياه الانتقاليه بين حياتك السابقه وحياتك الحاليه

دى الانوار اللى متعلقه على بيتكم يا غلبان واللى بتعرف الناس ان فيه مأسوف على شبابه قصدى عريس جديد فى البيت
:POINTI~2[2]:
طبعا اشارات المرور فى الشارع واخده الكهربا بتاعتها من الحكومه (كريمه معانا دايما)

يعنى حاجه ببلاش كده

انما دى اشاره انت اللى دافع تمنها وكمان دافع ايجار اللمبات

دى اشاره جوازك

ارجع كده بالذاكره ساعتين تلاته

شايف واحد قاعد بيضحك على كرسى كبير:k48:وبيشاور بأيده لناس كتير مقسومين نصين

النص الاولانى ده قاعد لوحدعه وبينق عليك

دول شباب وبنات لسه متجوزوش بيقولوا يا ريتنا كنا مكانه(على رأى المثل اللى ميعرفش يقول ---)
:K_crying[1]:
شايف بقى النص التانى ده فيه فئات كتير

ستات قاعده واحد بتقول شايفه العروسه مسلوعه ازاى انا عارفه هو عاجبه فيها ايه احنا مالنا

وشويه منهم بيقولوا الفستان ده جميل تتنا نيله فى حظنا الهباب انا كنت متجوزه فى شوال

وعيال صغيره قاعده تسأل ماما ماما هو الجاتوه هينزل امتى

اما الباقى دول رجاله

واحد منهم بيقول عليك هو حر انا نصحته ومسمعش كلامى

والتانى بيقول هى دى الجوازات مش اللى حصللى ويبص جنبه بقرف ويقول لمراته وباين عليه الكدب فاكره يا حبيبتى فرحنا

كان اجمل يوم فى حياتى وعمرى ما شفت عروسه اجمل منك

والتالت بيشاور لك وفرحان وبيضحك وبيقول اشرب كلنا لها وعايش فى دور الحانوتى ونفسه يعلى صوته ويقول دنياااااا غداره ملهاش امان

اما بقى شويه العيال اللى ورا دول كل مشكلتهم وسؤالهم الوحيد هو فيه رقاصه فى الفرح ده ولا نروح

افتكرت

ده يوم مش ممكن يتنسى

ده اليوم اللى هتقطع فيه علاقتك بكل اصدقاؤك القدام

الواد تامر اللى بتقعد معاه على القهوه

ونادر اللى دماغه كلها ازاى يكلم دى ويقلب دى

وهيثم اللى مقضيها كافيهات وبالليل بلاى ستيشن

رحب بقا باصحابك الجداد

ابو محمود جوز صديقه مراتك اللى شغال 3 وظايف علشان يلاحق على مصاريف العيال

وابو يوسف اللى مقضيها مشاوير من البيت للحضانه لبيت حماته للسوق للشغل والعوده بالعكس

وابو مريم اللى طفشان من مراته فى الخليج وهيحيب لك كل سنه ازازه البرفان المضروبه ام 3 ريال

ايه ده مين اللى طفى النور

سامع الصوت ده

بيقولك انت وقعت ولا الهوا رماك

اسبوع كده واجيلك تانى

عندك اسبوع عسل مش اكتر

مع اول علبه جبنه هتشتريها علشان العشا

هتلاقينى راجع علشان احكيلك ايه اللى هيحصلك

دلوقتى سيبنى فى حالى علشان ام العيال بتناديلى علشان اساعدها فى غسيل الاطباق

المهم متنساش الدعاء (اللهم انى لا أسألك رد القضاء ولكنى اسألك اللطف فيه)

اى اى ايه ده

خلاص جاى اهوه

هو كله ضرب ضرب مفيش شتيمه

**نور القمر** · 12-03-2009 08:56 PM

موبيتيك مذكراتك روعة
بعد ما تخلص المواعين مستنيينك تكمل مذكراتك

**blazer** · 12-03-2009 09:07 PM

ههههههههههه
هو الجواز اذيه كدا و لا ايه lol

**abdalla45** · 12-03-2009 09:13 PM

لا ياعم طلاما فيها ضرب يبقى انا براءه انا هقضيها هلس ارحملى

**youssefmustang** · 13-03-2009 12:35 AM

ربنا يلطف بعبيده الجواز ده فى الزمن الحالى بقى نقمة وليس نعمة
البنت من دول تكون واخدها قطة مغمضة بعد الجواز تلاقيها زى الكلبة المسعورة هات دى و دى ودى وخناقات وحاجة تقرف استر يا رب
حريم عايزة الحرق ببركان ارضى مش جاز
اخوكم يوسف

**pro_samir** · 13-03-2009 01:11 AM

هوا ينفع الواحد ميتجوزش ويفضل حر طليق كدة على طول ؟

أهو على الأقل الواحد بيبقى عارف قيمة العزوبية دلوقتى

ملحوظة مهمة بس :
"(اللهم انى لا أسألك رد القضاء ولكنى اسألك اللطف فيه)"

الدعاء دة لا يصح أصلا لأنة فى حديث بيقول "لا يُرَد القدر إلا بالدعاء" ويمكنك البحث للمزيد من التفاصيل

**Terrible_DaRsH** · 13-03-2009 02:54 AM

ربنا يستر :) .

**maka** · 13-03-2009 03:25 AM

المشاركة الأصلية كتبت بواسطة youssef_00

ربنا يلطف بعبيده الجواز ده فى الزمن الحالى بقى نقمة وليس نعمة
البنت من دول تكون واخدها قطة مغمضة بعد الجواز تلاقيها زى الكلبة المسعورة هات دى و دى ودى وخناقات وحاجة تقرف استر يا رب
حريم عايزة الحرق ببركان ارضى مش جاز
اخوكم يوسف

المشاركة الأصلية كتبت بواسطة pro_samir

هوا ينفع الواحد ميتجوزش ويفضل حر طليق كدة على طول ؟

أهو على الأقل الواحد بيبقى عارف قيمة العزوبية دلوقتى

ملحوظة مهمة بس :
"(اللهم انى لا أسألك رد القضاء ولكنى اسألك اللطف فيه)"

الدعاء دة لا يصح أصلا لأنة فى حديث بيقول "لا يُرَد القدر إلا بالدعاء" ويمكنك البحث للمزيد من التفاصيل

ايه يا جدعان انا لما بقراء الردود دى نفسى بتتسد لانى بفكر فى الجواز كمان سنتين بالكتيير

بس انا بحب الحرية بمعنى الكلام واعمل اللى فى دماغى وبكره الزن

وبكلمكه ده معنه ان الجواز حاجة مستحيلة .....ربنا يستر