ضد مسابقه سرحان ونفيسه

**Yarisawy** · 12-03-2009 02:37 PM

بصراحة يا جماعه انا بيستفزنى جدا اعلانات او مسابقه سرحان ونفيسه اللى بتيجى على كذا قناة فضائية , لان فكرة المسابقه ان الراجل عايز يقتل مراته كل مرة بس للأسف هى مش بتموت "على حسب كلام سرحان بيه"
هو احنا ناقصين عنف عشان كل شوية عم سرحان يقولك فكرت اخلص منها ازاى مرة بالغاز ومرة يحرقها وافكار افكار

هو بقى عادى ان اللى مخنوق من مراته يبقى عايز يخلص منها

المشكلة الكبيره انهم عاملنها بالرسوم المتحركة وصوت يجذب الاطفال , وهى دى الخطورة الكبيرة على اطفالنا .. احنا مش ناقصييين عنف .. ده مش عنف كمان ده قتل

يعنى مثلا مسابقه كورومبو دى انا شايف انها عادى بتحل لغز مرة سرقه ومرة اختفاء وكده ...

مش يقولك " بس للأسف هى ممتش لسبب من الثلاثه"

هو انا مش طبيعى وفكرة المسابقة طبيعيه ولا ايه ؟؟؟؟

**mramzy** · 12-03-2009 02:42 PM

المشاركة الأصلية كتبت بواسطة Yarisawy

هو انا مش طبيعى وفكرة المسابقة طبيعيه ولا ايه ؟؟؟؟

لا انت طبيعى وصح وزى الفل بس للاسف الشديد خفه الدم بتاعه الناس زادت ازاى مخنوق من مراه توصل للقتل
ياخى لو زهقان من مراته ( امساك بمعروف او تسريح باحسان )
يعنى نعلى مبدا التسامح مش مبدا الغل والقتل وبدل ما نقوم حد نقتله
يعنى احنا رحنا اتجوزنا واخدنا الست من اهلها علشان لو معجبتناش نقتلها ؟

**KoDaK_Gti** · 12-03-2009 02:43 PM

انت طبيعى وزى الفل وريح نفسك ومتتفرجش عليها
بس اخر مرة شوفتها لما كانو فى الصحرا ومراته عاوزة تاكل باربكيو
بيقول شوية تعليقات فقرية (نفيسة اللى كانت بتاكل الفرخة بريشها .. عاوزة لحمة مشوية ع الفحم )

**Nader** · 12-03-2009 02:43 PM

مين فين امتى؟!!

معلش اعذر جهلي،، مين سرحان ونفيسة دول؟!

**Yarisawy** · 12-03-2009 02:47 PM

المشاركة الأصلية كتبت بواسطة mramzy

لا انت طبيعى وصح وزى الفل بس للاسف الشديد خفه الدم بتاعه الناس زادت ازاى مخنوق من مراه توصل للقتل
ياخى لو زهقان من مراته ( امساك بمعروف او تسريح باحسان )
يعنى نعلى مبدا التسامح مش مبدا الغل والقتل وبدل ما نقوم حد نقتله
يعنى احنا رحنا اتجوزنا واخدنا الست من اهلها علشان لو معجبتناش نقتلها ؟

بالضبط .. الافكار كلها بقت ياما تافهه ياما فيها عنف

المشاركة الأصلية كتبت بواسطة KoDaK_Gti

انت طبيعى وزى الفل وريح نفسك ومتتفرجش عليها
بس اخر مرة شوفتها لما كانو فى الصحرا ومراته عاوزة تاكل باربكيو
بيقول شوية تعليقات فقرية (نفيسة اللى كانت بتاكل الفرخة بريشها .. عاوزة لحمة مشوية ع الفحم )

ياحسام باشا المشكلة فى ابنى انا مفيش خوف عليا مش بفكر اقتل مراتى

المشاركة الأصلية كتبت بواسطة Nader

مين فين امتى؟!!

معلش اعذر جهلي،، مين سرحان ونفيسة دول؟!

دى مسابقه بتيجى على كذا قناة من بتوع اكسب 5 الاف جنيه واتصل واكسب والكلام ده