الموضوع: لعبة ... اعزم عضو على العشاء

المشاركة الأصلية كتبت بواسطة نور القمر

ايوة اللي يجي عليه الرقم 5 يحدد عضو باسمه يعزمه
كدة وكدة يعني مش بجد متقلقش ههههههههههههههه

ايون كدة فهمت
وبما انها اول عزومة في الموضوع
وبما اني لو عزمت حد من الزملاء الوحوش ح ياكل الاكل كله ويمكن ياكل دراعي لو لسة جعان
وبما ان Ladies first
يبقى ضيفتنا علي العشاء .... نور القمر
....
تحبي تتعشي ايه يا افندم .... مدام شوماخر ( ده لقب مراتي في المنتدى ) بتعمل اصناف هايلة
عندك مثلا ...
رز معمر باللبن والقشطة
مولوخية خضرا .... من بتاعت سبعاوي
حمام محشي .... فريك او رز حسب الطلب
كشك مصري .... للأسف مش بتعرف الصعيدي
ممبار بيتي ..... متنضف ومحشي في البيت
صينية نجريسكو بالجبنة الرومي ..... عجب
صينية فراخ بالبطاطس
صينية سمك بوري بالجمبري
.....
غير السلاطات والمشهيات
...
الحلو ... انا بارشحلك صينية قرع عسل بالباشاميل .... وااااااو
سد الحنك بالمكسرات ....
...
مش قادر اكمل
مش قادر