انا عضو جديد معاكم في المنتدي واتمني اني اكون عضو خفيف عليكم

**air_forces200** · 05-09-2007 09:14 AM

الموضوع ومافيه اني ابتديت اقلق فعلا من الجين 2 مش عارف حاسس اني خايف وقلقان منها لو اشتريتها حاسس اني ممكن البس في قطعة غيار اقعد فيها سنة لحد ماتتوفر عند الوكيل نفسه زي كارتة مارش او اي كارتة تاني او جزء من الحاجات الحساسة ودي بشهاده اكتر من واحد قالولي انهم شاوفوا عربيات بروتون قدام التوكيل فضلت 6 شهور وبعدين بادخل المواقع الاوروبية كتير اللي بتقيم السيارات بالاقي الجين 2 واخدة يادوب نجمة واحدة من خمسة وبيقولوا في التقييم ان الصالون كله من جوه حاجات بلاستيك والقعدة بتاعت السواق مش عارف ايه والامان مش عارف ايه واللي باستغربله اكتر الموتور اللي لقيت بيقولوا عليه باللفظ موتور قديم وعتيق مش عارف ازاي واجي ابص لعربيات تانية علي نفس المواقع دي زي الفيرنا مثلا اللي بيسموها عندهم اكسنت الاقيها واخدة نجمتين ابص علي الماتريكس نجمتين ابص علي الرينو كليو الاقيها تلت نجوم وهكذا مش عارف ايه السبب حد ممكن يفسرلي ده وبالذات جزئية الموتور اللي بيقولوا عليها دي خاصة اني خريج اداب انجليزي يعني ترجمت الموقعين كويس قوي وهما www.fifthgear.five.tv والتاني www.whatcar.com والتاني ده بيقولوا من اشهر المواقع الاوروبية

**abo3bdolrahman** · 05-09-2007 02:26 PM

بص يا سيدى أولا مرحبا بيك فى بيتك :lol:
ثانيا احب أقولك نصيحة سيبك من الأروبيين فى تقيمهم لأى منتج لدولة إسلامية و طبعا معروفة الأسباب :twisted:
و طبعا مش محتاج أفكرك إن مثلا مصر دايما عندهم هى شوية جمال ماشية فى الهرم و الراجل البدوى أبو جلابية مقطعة :twisted:
على فكرة الجين 2 محركها جديد و تصميم لوتس و العربية هى هيا بعلامة لوتس و بأسم لوتس واخدة تقييمات عالية لأن لوتس إنجليزية طبعا حتى لو كانت مملوكة لبروتون :!:
العربية قطع غيارها متوفرة عند الوكيل و عمرى ما شفت العربيات المرصصة دى زى ما بتقول :|
إن شاء الله مش هاتحتاج أى حاجة لو مخبطش العربية
لكن العربية بالسعر ده و الكماليات دى فوق الممتازة و عن تجربة لأنها مع أخويا من شهر 2 و مفيش أى شكوى منها و الحمد لله لحد دلوقتى :lol:
كان معايا قبل كده الفرنا و كانت الكاملة أتوماتيك و كورى و لا تقارن بالجين 2 نهائيا :roll:
و الواجا معايا دلوقتى و العربية زى الفل و مفيش برده مشاكل قطع غيار. :lol:
و فى النهاية ربنا ييسرك اللى فيه الخير ليك :mrgreen:
:lol: 8) :lol:

**Anti_virus_abdo** · 05-09-2007 11:22 PM

انا زيك كده يا باشا بس عملت موضوع و قلت فيه رأيي
و ده اللينك بتاعه
http://www.nilemotors.net/Forum/viewtopic.php?t=6323

**Ahmed Anwer** · 06-09-2007 12:13 AM

بس حضرتك هيا حاجة ترجع للشخص نفسه ، مدي جرأته
يقرر يشتري العربية اللي هو مقتنع بيها بغض النظر عن أراء الآخرين فيها
و لا يمشي مع الغالبية و يبقي في المضمون ، اللي علي أسوأ تقدير هيضمن فيه سهولة الصيانة و قطع الغيار و إعادة البيع