قتل عاطل خاله لخلاف علي ثمن ساندويتش كبدة !!

**powerofhelll** · 13-03-2009 04:39 AM

السلام عليكم
كنت قاعد بتفرج علي الرسايل في موقع الفيس بوك
واحد باعتلي رساله غريبه جدا انا مش مصدق ان ده ممكن يحصل وليه وايه الحل لما الموضوع يوصل لكده

الرساله

قتل عاطل خاله، طعنه بسكين في صدره لخلاف علي ثمن ساندويتش كبدة. ألقي القبض علي المتهم وأحيل الي النيابة التي باشرت التحقيق .

تلقت اجهزة الامن بالقاهرة إشارة من مستشفي شبرا العام باستقبالها رشاد فرحات منصور "49سنة" صاحب عربة لبيع الكبدة مصابا بجرح قطعي بالجانب الأيسر من الصدر وتوفي متأثرا بإصابته.

تبين من التحريات نشوب مشادة بين المجني عليه وابن شقيقته وائل سيد إبراهيم "28سنة" والمسجل سرقات متنوعة، وتبين أن المتهم طلب ساندويتش كبدة ورفض دفع 3 جنيهات ثمنا له، وأنه طعن خاله بسكين كانت بحيازته ولاذ بالهرب، تم ضبط المتهم في أحد الأكمنة وبحيازته السكين المستخدمة وأحيل إلي النيابة .

**pro_samir** · 13-03-2009 05:25 AM

يمكن فى سبب خلفى ورا الموضوع
السندوتش معجبوش مثلا !

وبعدين خالة وعايز منة 3 جنية حق السندوتش ؟ الراجل لية حق يزعل ويقتلة

**dr.nemo** · 13-03-2009 06:44 AM

ممكن هو مقتلش خاله علشان السندويتش
لكن قتله لانه ضيع شرف العيلة على اخر الزمن يبيع على عربية!
فخد تمن السندويتش ده حجة
مع ان ال 3 جنيه مبلغ مش صغير
فكان لازم يقتل خاله اللي ميعرفش الاصول وبياخد فلوس من ابن اخته

ههههههه

**Hossam_Hassan** · 13-03-2009 08:31 AM

عادى

الأنسان اول ما قتل، قتل أخوه

**ams** · 13-03-2009 09:26 AM

المشكلة مش مشكلة الكبدة او تمنها
لا المشكلة اكبر من كده بكتير بس مقدماتها اتجمعت لتيجة كبيرة على حدث تافه
يعنى لو جينا نشوف او نتخيل احوال الشاب ده
عنده 28 سنة - عاطل - حظه من التعليم قليل و من الرعاية والتربية اقل - معندوش هدف او طموح يسعى له - مش لاقى ياكل - مبيلاقيش اى تقدير او تشجيع من اللى حواليه - مفيش انجاز عمله فى حياته يدفعة للحفاظ عليه ......... من الاخر هو نفسه ضحية

**elassar2010** · 13-03-2009 10:44 AM

المحاكم مليانة من العينة دى كتيررررررررررررررر
دة مرة واحد قتل واحد صاحبة علشان سيجارة وكانت عادية مش محشية حاجة ؟؟؟؟؟؟ يعنى السيجارة ب 25قرش
القتل دلوقتى بقى حاجة عادية والاسلاحة البيضاء بقت زى سلسلة المفاتيح

**sasatony** · 13-03-2009 01:17 PM

اذا كان دلوقتي الابن بيقتل ابوه او امه لاتفه الاسباب مش عاوز يقتل خاله
وبعدين دي حاجة طبيعية للبطالة وقلة الموارد المالية

**د.أحمد سمير** · 13-03-2009 02:49 PM

الحادثة أذيعت بالتفصيل الممل في برنامج الحادثة على On Tv

الراجل مش خاله ده ابن خاله
القاتل صايع وبلطجي .. كان بيستأف القتيل كل يوم بسندوتش سمين
يوم الحادثة القتيل مرضيش يديله السندوتش من غير فلوس
القاتل دفع التلاتة جنيه .. وبعد ما أخذ السندوتش قاله اديني كيس سلطة
القتيل قاله كيس السلطة بخمسين قرش ..
راح القاتل رمى السندوتش في وشه وضربه بالسكينة في جنبه وجري ..

يعني الحادثة أصلاً على خمسين قرش
القتيل يعول أسرة من 5 أفراد .. ويعمل موظفاً بالحكومة نهاراً وعلى عربية السمين مساء
والحادثة حصلت في منطقة بين الشرابية والزاوية الحمراء ..

وربنا يشفي المجانين ، ويرحم الأموات الذين يذهبون بلا ثمن ، وينجينا من هذا الكرب .. اللهم آمين

**M.Osman** · 13-03-2009 03:24 PM

الناس بقت تافهة اوي ...

تخيلوا ان عندنا فى الكلية ( تجارة انجليزي ) ... في دكتور و معيد واضح ان بينهم معركة ... "الدكتور" يقول مش هدي المحاضرة غير في مدرج "س" اللي فيه المعيد و عنده سكشن فيه !! و المعيد مكبر دماغه و إدارة الكلية مش هنا اصلاً ...

بجد قمة التفاهة!

الموضوع: قتل عاطل خاله لخلاف علي ثمن ساندويتش كبدة !!

LinkBack

أدوات الموضوع

عرض

قتل عاطل خاله لخلاف علي ثمن ساندويتش كبدة !! - انشر الموضوع فى :

-

-

-

-

-

المواضيع المتشابهه

حساس درجة حرارة الجو الخارجي عاطل في الاسترا ؟؟؟

عاطل رسمياَ .. باركولي

بعد إذنكم نقدم واجب العزاء لزميلنا محمد ممدوح في وفاة خاله

الكلمات الدلالية لهذا الموضوع

المفضلات

المفضلات

ضوابط المشاركة