الموضوع: عدادات التمبرا الديجتال....... اكتر من روعة

المشاركة الأصلية كتبت بواسطة moudy88

طيب انا مش فاهم يعني اللي انا قولته صح ولا غلط

انا مش قصدى غلط

بس قبل ال SPI نزلت التيبو و التمبرا بموتور
1.6L - DOHC - Mechanical MPI
نفس اللى كان فى الريجاتا ال 100s
و نزلوه سنه 89 بس فى بعض اسواق اوربا و بكميات قليله جدا

معلش انا بس باوضح عشان الناس ما تفتكرش ان ال MPI ده حاجه عاديه فى التمبرا
انت كده بتسوء سمعتها يا باشمهندس

المشاركة الأصلية كتبت بواسطة moudy88

ياباشا منكم نستفيد .....انا بس باستفسر منك علشان معلوماتي عن التمبرا مش ولا بد يعني ...وشكرا على الايضاح

و الله و انا كنت زيك كده
بس لما اشتريت العربية كنت لازم اعرف عنها كل حاجة لسببين
الاول : انا من كبار مشجعى " اعملها بنفسك "
التانى : اكتر حاجة باكرهها فى الدنيا الميكانيكية اللى بتفتى و ما اكثرهم

ابتديت اقرا كتير جدا و طلع عينى ترجمة من مواقع و كتالوجات برتغالى على اسبانى على ايطالى
و الفضل كله لله سبحانه و تعالى اولا و شوية دعبسه ثانيا

يعنى انا لسه اول امبارح مركب ريموت للسنتر فى ربع ساعة دراسة و 10 دقايق تركيب , عندى ال Diagram بتاع الريموت و بتاع العربية و عارف حاوصل ايه فين و بالوان الاسلاك يبقى ليه اروح لواحد يقعد يلعب فى الاسلاك و يبوظلى الدنيا زى ما كنت مرة باضبط بلى الدينامو عند الكهربائى عمل قفله و هو بيجرب طيرلى الكونترول

و يا سيدى لما اتجه فى الطيارات حابقى استفيد منك :)

جاليليو باشا ان كان لى استفسارين

الاول سحب التمبرا الهاف انجكشن سريع زى العربيات الانجكشن زى اللانوس مثلا

يعنى بتستجيب بسرعة لاى ضغطة بنزين و لا لا

وهل العفشة مريحة ولا ناشفة

المشاركة الأصلية كتبت بواسطة moudy88

كان فيها فتيس اوتوماتيك ..ده حتى الريجاتا وال131 كان فيهم اوتوماتيك ...واحب اضيف معلومه ان الموديلات بعد 94 كان فيها abs , airbag وmultipoint injection ...وانا بحس ان العربيه سابقه لعصرها وصحيح ان شكل التابلوه مش عاطفي خالص لكنه ملئ بالكماليات الحديثه

الفيات فيات!!

المشاركة الأصلية كتبت بواسطة maka

جاليليو باشا ان كان لى استفسارين

الاول سحب التمبرا الهاف انجكشن سريع زى العربيات الانجكشن زى اللانوس مثلا

يعنى بتستجيب بسرعة لاى ضغطة بنزين و لا لا

وهل العفشة مريحة ولا ناشفة

استجابتها كويسه جدا بالنسبة لعربية 8 صباب و هاف و العزم بيطلع على 3000rpm وده بيدى الموتور مرونة كويسه
بس طبعا اقل من الانجكشن متعدد النقط
انا لما باسايس العربيه فى القرص بتجرى بافترا

العفشه لو سليمة , حتى بالمساعدين الغاز ناعمه جدا , انما لو فيها مشاكل بتسمع حاجات غريبه و ده راجع لان العفشة كلها و قاعدة الموتور الخلفيه راكبين على Subframe شايل حتى علبة الدركسيون و الميزان , فلو فى اى حاجه بايظه بتبان على طول

المشاركة الأصلية كتبت بواسطة Relentless_mayhem

الفيات فيات!!

ماهو محدش قال الفيات فولفو و لا الفيات تويوتا

بس سوق فيات الحقيقى هو العربيات المينى و العائليه المدمجة و العائلية الصغيرة
و نجحت الشركة انها تقدم عربيات بجوده كويسه جدا و كماليات متنوعة و باكتر من فئة تناسب جميع الناس فبتلاقى انهم بيحاولوا يرفعوا مستوى عربياتهم الرخيصة دى بشوية كماليات اكسترا دخيلة على الفئه دى من العربيات
و اكبر دليل الاونو , البونتو , ال 500 الجديدة