الموضوع: عيوب التيدا

يا جدعان الموضوع ده اللي يحكم فيه بصراحة ملاك التيدا وبس يعني مش عشان واحد ركب العربية مرة يبقى خلاص يحكم عليها ... اطلاقا ... لازم يكون عاشر العربية عشان يعرف عيوبها
وانا مش من ملاك التيدا بس ركبتها كتير جدا وسوقتها كتير وبصراحة انا شايف انها عربية تمثل المعادلة الصعبة ( سعر معقول بالنسبة لفئتها + عربية ممتازة )

بالنسبة للعيوب :
حكاية التزييق او الشخلله اللي في التابلوه
الشكل ---- ( معظم الناس مش عاجبها الشكل بس انا بحب شكلها جدا )
زرار ال Waiting مكانه غلط في التابلوه المفروض يكون اقرب للسواق
شكل التابلوه حلو بس تحس انه تقليدي جدا بس على فكرة انا بحب العربية من جوة


بالنسبة للثبات والكلام ده العربية ثباتها فوق الممتاز سافرنا بيها اكتر من مرة ماشاء الله عليها ثبات رائع - وممتازة في المناورات على الطريق بس العربية خفيفة شوية عند المنحنيات الصعبة

العفشة متوسطة يعني ولا rough ولا smooth بس مريحة جدا جدا

تسارع العربية بيقل بعد ال 140 بس بصراحة نقطة تحسب ليها العربية دي من اكتر العربيات اللي ركبتها في التسارع

العربية دي من الاخر مكسب لاصحابها وربنا يحميها لهم بجد
وبعدين يا جماعة احنا هنا بنقول راينا على العربية من واقع تجربة مش تكهنات على العربية عشان قال ايه مش عاجباني او الكلام ده

اخى العزيز ابوروقه موضوع الامان اللى اخدت فيه 4 من خمسه اراه انه غير صحيح لان العربيه شوفت منها كتير متخرشم وحوادث صغيره والعربيه بتبقى مكعوره
انها عربيه خفيفه وحضرتك بتقول انها اتقل من عربيات كتير فى مصر فعلا هى اتقل من عربيات كتير بس وزنها على الجسم الصغير ده بيجعلها غير امان فى السرعات العاليه
وده ممكن مايهمش معظم الناس اللى فى مصر عشان مافيش مكان تجرى فيه اصلا غير الطريق الصحراوى
اما وسائل الامان المكدسه بيها السياره فهى جيده وللمحافظه على الركاب بس فى الحوادث الجامده مالهاش فائده لان العربيه اصلا بتكون كوم حديد
اعتقد ان الموضوع ده عن عيوب التيدا اما لو سئلتنى عن حسناتها فهى كثير
1- شكل جميل واتساع غير مسبوق فى الكبينه الداخليه ( خرافه واسعه جدا جدا بالنسبه لفئتها)
2- مصنوعه بدقه وتحس انها عصريه جدا بس اللى متقفل بره ده لو كانت اصلا بتتقفل فىمصر
3- اقتصاديه جدا فى البترول
4- محرك قوى وعمره طويل لو اتعمله صيانه فى موعيده
5-شنطتها كبيره جدا من الداخل رغم انك ممكن ماتشوفش ده من الخارج
ارتفاعها عن الارض اكثر من عربيات كتيره لها سمعه كبيره فى مصر
لكن سعرها كتير اوى بالنسبه لسياره فئه صغيره
المكسيما سئلتنى عن عيوبها
1- لا يوجد يها شاسيه وانما على علب او مايسمى مربعات متلاحمه وليس الشاسيه المعروف
2- موتور جباااااااااااااار على جسم ورقى ولو حضرتك متابع تعرف انها اخدت اسوء سياره فى الامان فى اكثر من موقع واستفتاء
فى بعض البلدان يتم التامين عليها باضعاف سعر السيارات المماثله وهى الوحيده التى فى معظم الحالات ترفض شركات التامين ان تؤمنها
ملحوظه اخى الكريم هذا رائى الشخصى ولا اختلاف بيننا اذا كنت ترى العكس فأنا احترم رائيك حتى ولو كنا مختلفين وللعلم انا اعيش خارج مصر والسرعات هنا دائما فوق ال120 الا فى بعضى الامان الصغيره
ولك منى كل الاحترام

المشاركة الأصلية كتبت بواسطة abou_ruqi

طبعا رآي حضرتك يحترم جدا بس حضرتك خلطت بين عيوب العربيات كلها و بين العيوب اللي مش موجودة غير في التيدا

فثلا موضوع الحوادث اللي انت شوفتها ممكن تكون ظروف الحادثة ممكن تكعبر اي عربية حتى ولو كانت مرسيدس
انما الكراش تيست ده ظروفه ثابتة لكل العربيات وانصحك تشوف الكراش تيست بتاع التيدا و تقرآ هي ليه واخده ٤ من ٥ وبعدها تشوف الكراش تيست بتاع اللانسر بومة (اللي مغرقة البلد) وتقرآ هي ليه واخده ١.٥ من ٥ !!!


لو حضرتك بصيت على الموقع بتاع الشركة النسخة اللي بتنزل مصر ١٥٠٠ كيلو يعني طن و نص يعني اتقل من الانسر و الكورولا ، دي فيها نص طن زيادة عن الياريس !!!!

http://www.nissan.com.eg/en/web/models/tiida%20sedan(2009)/specifications/123866118572042227.htm

اما موضوع ان وسائل الامان دي تنفع السائق في الحوادث البسيطة اما الكبيرة فلا ، فده مش عيب في التيدا بقه ده عيب في صناعة السيارات في العالم كله وكل العربيات مشتركة في كده
انما على الآقل حتنفعنا في الحوادث البسيطة لا قدر الله
واحسن من قلتها
وياريت الناس تبطل تشتري عربيات خالية من وسائل الآمان علشان خاطر اولادنا طبعا كل شيئ بيد الله و لكننا مآمورين اننا ناخد بالاسباب

طيب تقول ايه حضرتك في عربية بـ ١٠٠ الف ومافيهاش اي وسيلة امان -غير الحزام- والناس نازلة شرا فيها كآنها ببلاش واسمها النترا ؟؟؟؟

وبعدين حاجة اخيرة هو حضرتك عرفت منين ان العربية مش على شاسيه !!

العربية على شاسيه وبما انى واحد من ملاكها اكيد متاكد من المعلومة اللى بقولها


واخيرا الاختلاف في الرآي لا يفسد للود قضية طبعا

كلامك زي الفل وانا بايد كلام حضرتك انا معايا التيدا عامل بيها 24500
في 10 شهور وده معدل اكتر من المتوسط والله العربيه مفيهاش كل الكلام ده خالص ثبات زي الفل علي الرغم ان انا بجري وبمشي في طرق زي الزفت

المشاركة الأصلية كتبت بواسطة abou_ruqi

طبعا رآي حضرتك يحترم جدا بس حضرتك خلطت بين عيوب العربيات كلها و بين العيوب اللي مش موجودة غير في التيدا

فثلا موضوع الحوادث اللي انت شوفتها ممكن تكون ظروف الحادثة ممكن تكعبر اي عربية حتى ولو كانت مرسيدس
انما الكراش تيست ده ظروفه ثابتة لكل العربيات وانصحك تشوف الكراش تيست بتاع التيدا و تقرآ هي ليه واخده ٤ من ٥ وبعدها تشوف الكراش تيست بتاع اللانسر بومة (اللي مغرقة البلد) وتقرآ هي ليه واخده ١.٥ من ٥ !!!


لو حضرتك بصيت على الموقع بتاع الشركة النسخة اللي بتنزل مصر ١٥٠٠ كيلو يعني طن و نص يعني اتقل من الانسر و الكورولا ، دي فيها نص طن زيادة عن الياريس !!!!


http://www.nissan.com.eg/en/web/mode...8572042227.htm

اما موضوع ان وسائل الامان دي تنفع السائق في الحوادث البسيطة اما الكبيرة فلا ، فده مش عيب في التيدا بقه ده عيب في صناعة السيارات في العالم كله وكل العربيات مشتركة في كده
انما على الآقل حتنفعنا في الحوادث البسيطة لا قدر الله
واحسن من قلتها
وياريت الناس تبطل تشتري عربيات خالية من وسائل الآمان علشان خاطر اولادنا طبعا كل شيئ بيد الله و لكننا مآمورين اننا ناخد بالاسباب

طيب تقول ايه حضرتك في عربية بـ ١٠٠ الف ومافيهاش اي وسيلة امان -غير الحزام- والناس نازلة شرا فيها كآنها ببلاش واسمها النترا ؟؟؟؟

وبعدين حاجة اخيرة هو حضرتك عرفت منين ان العربية مش على شاسيه !!

العربية على شاسيه وبما انى واحد من ملاكها اكيد متاكد من المعلومة اللى بقولها

واخيرا الاختلاف في الرآي لا يفسد للود قضية طبعا

بصراحة كلام عالى اوى
يسلم بؤك