انا اسف يا جماعة بس بعد اذنكم انا كنت عايز اسأل ملاك الشارك و المهندس طارق ( الأكثر من محترم و خدوم و هو اللي افادني بمعلومات كتيييير مكنتش اعرفها عن اللانسر) على كام حاجة كده عشان باذن الله نويت اشتري شارك هاف سبورت....
1- اخبار صوت الموتور ايه و عزلة عن مقصورة الركاب جيد (هل الصوت عالي, كويس, واطي)
2- اخبار التكيف ايه هل قوي ولا كويس و هل بيأثر على السحب و ايه اخبار السحب عموما؟؟
3- انا اعرف ان العربية مافيهاش نظام ثبات الكتروني esp, هل العربية ثابتة قوي على السرعات العالية و في الملفات و كده ولا ايه؟؟
4- كمبيوتر العربية تمام ولا في مشاكل و بيخرف احيانا؟؟ كان في زميل في المنتدى كاتب حاجة زي كدة حصلت معاه!!!
5- هل بتحس بالنقلات في الفتيس و لا الفتيس ده مختلف و النقلات ناعمة و ليه اللانسر مش تيبترونك زي عربيات كتير اقل من اللانسر( انا حاسس انها هتطلع ميزة لصالح اللانسر)؟؟
6- هل الأسعار هتنزل بعد 30-3 يعني في ابريل خصوصا ان مصرية عاملة خصم لنهاية شهر 3 دلوقتي و نزلت اسعارها؟!؟!؟
انا والله اسف على كل الاسئلة دي بس انا هشتري و عايز اطمن مع اني عارف كويس قوي يعني ايه لانسر عشان انا معاية لانسر 98 و بسم الله ما شاء الله 100 100....
شكرا على الردود مقدما و ادعولي يا شباب..
المفضلات