الموضوع: أرجو المساعدة من ملاك اللانسر شـارك و المهندس طارق....

الف مبروك مقدما ..بالنسبة لصوت الماتور فهو معزول تماما داخل الكابينة بس دة فالسبورت الكاملة فقط انما بالنسبة لباقى الفئات فهو مش عالى زى محضرتك فاكر بالعكس هو صوتة جميل وبيديك احساس بالقوة ..التكييف بتاعها اكثر من رائع وخصوصا تكييف الخليجى...بالنسبة للثبات فعاوز اقول لحضرتك ان ثباتها ممتااااااااااااااااز ماشاء الله عليها فالملفات وعلى السرعات العالية مش بتحس انك ماشى اصلا.. كمبيوتر العربية لا يوجد بة عيب اطلاقا ولازم تكون حريص جدا علية وانت بتغسل العربية فالبنزينة عشان خرطوم الماية الرشاش لو جة على الكمبيوتر حيبوظة فلازم تاخد بالك كويس اوى وهو صحيح معمولة حماية طبعا ضد الماية بس بردو خلى بالك لان تمنة 7000 جنية..بالنسبة للفتيس نقلاتة ناعمة ومش بتحس بيها ولا بتحس باى نتش فالغيارات..وعموما لو حضرتك عاوز تجرب العربية عملى انا عربيتى تحت امرك تقدر تجربها بنفسك قبل متشترى والف مبروك للمرة التانية وربنا يحفظك من شر الطريق

ربنا يباركلك ياباشا..انا ملاحظ انك مهتم اوى بموضوع عازل الصوت..انا مش عاوزك تقلق خالص من الحكاية دى لان صوتها مش مزعج ولا حاجة ولا عالى كمان انا اخويا معاة هاف سبورت وزى الفل ماشاء الله زى السبورت مع اختلاف بسيط بس..بالنسبة للعازل فهى شركة ميتسوبيشى نزلتة فاعلى فئة فقط عشان يعنى تبقى كاملة من من كل حاجة عشان كدة سعرها عالى شوية اما الفرق بين الهاف والسبورت الكاملة فبيكون بصمة- ايموبليزر-اية بى اس -فتحة سقف-انذار-سبويلر-كساحات -عتب -باكتات جانبية للابواب-زرار فمقابض اليد لغلق وفتح الابواب باللمس-سى دى تشنجر 6 اسطونات-زجاج فامية عازل للحرارة والاشعة فوق البنفسجية ودة بيكون للى بضمان مصرية فقط وليس الخليجى-طارة مالتى فانكشن.
الهاف سبورت ممتازة وحتنبسط منها خالص بس خلى بالك عشان فى هاف سبورت من غير اية بى اس لان بتاعة اخويا من غير اية بى اس ..عموما هو بيزود عامل الامان شوية لكن طبعا مش بيمنع انزلاق العربية ولا حاجة لو امكانياتك تسمح زود شوية وهات الكاملة سبورت لكن لو متسمحش خليك فالهاف جميلة بردو وربنا يوفقك