أين الهوندا جازز؟

**asley** · 14-03-2009 09:34 PM

سلام يا جماعة,
انا لسي عضو منضم جديد ودي اول مشاركه ليا, وانا مبسوط اني عرفت اوصل للمنتدى الجميل بتاعكم دا.
انا سؤالي من جزئين او ثلاثه, فأرجوكم تصبروا معايا شويه.
اولا ايه سر عدم وجود الهوندا جازز( او فيت) فى السوق المصري, وخاصة الموديل النازله جديد البعتبرها تحفة.
وخاصة انها عبارة عن الهاتشباك للهوندا سيتي, بنفس الإمكانيات ولكن عملية اكتر بكتير, وهي اصلا ظاهرة قبل السيتي,
وثانيا ليه كل الهوندا في مصر بينزل اوتوماتيك,
وهل في الإمكان الذهاب الى التوكيل هنا وطلب الموديل اليعجبك, او مع الوضع في الإعتبار انها اقل من 1600 سس, هل تعتقدوا انو يكون اوفر اجبها من برى وادفع الجمارك عليها, وكدا بردو ما ننفعش التوكيلات الحرامية الهنا.
شكرا مقدما على ردودكم

**eng.octooo** · 14-03-2009 10:43 PM

اهلا بيك معانا ومصر عموما مابتعترفش غير بالسيفيك مش عارف لية مع ان الاكورد وال4x4 والسيتى والجاز والفيت وال...... ربنا يكرمنا

**asley** · 15-03-2009 12:06 AM

شكرا يا باشا على المشاركه, بس الجاز الهيا فعلا بتحيرني, لان سعرها ارخص من السيفيك وامكانيتها محترمة جدا, 1500 سس, 118 حصان, موفرة في استهلاك البنزين, جميع الكماليات, بتقريبا 17 الف دولار, و واسعه قوى و عملية جدا اكتر من السيفيك حتى,...
اما الاكورد فسعرها مبالغ فيها جدا, يعنى اعلى فئة منها برى 3500 سس v6 270 حصان بتقريبا 30 الف دولار, يعني قول 180 الف ج.م, لكن هنا اقل فئة بحوالي 350 الف, فطبيعي قوي انها ما تحظاش باهتمام هنا

**Dr_Smart** · 15-03-2009 12:39 AM

فعلا هوندا جاز عربية جامده جدا

هي نفس موتور السيتي بس تقفيل ياباني

وفيه منها اوبشنز كتير ... يعني تبدأ بطاسات ومرايات عاديه ... وزجاج خلفي عادي وامامي كهربا ... ده الbasic

اما الfull بجنوط 16 تقريبا او 15 ومرايات كهربا وزجاج كهربا وتيبترونيك

يعني سعرها هيبقى في رينج كويس حسب الاوبشنز ومش هتقفل على السيتي لانها هاتش مش سيدان