الموضوع: لانسر 2008 فرق المصري من الخليجي

معقوله ياأستاذ أكرم العربيات الخليجى كمالياتها بتتركب هناك فى الخليج
معنى كده ان العربيه بتيجى من اليابان مافيهاش كماليات خالص والخلجيين هما الى يركبوها ؟؟؟؟؟؟؟؟؟؟
أرجو التوضيح للنقطه ديه لو سمحتم
وهل نفس النظام ده فى العربيات الى بتيجى من اليابان لمصر ولا بتيجى بجميع بكمالياتها من بلدها اليابان؟؟؟

المشاركة الأصلية كتبت بواسطة MAX_PIN

معقوله ياأستاذ أكرم العربيات الخليجى كمالياتها بتتركب هناك فى الخليج
معنى كده ان العربيه بتيجى من اليابان مافيهاش كماليات خالص والخلجيين هما الى يركبوها ؟؟؟؟؟؟؟؟؟؟
أرجو التوضيح للنقطه ديه لو سمحتم
وهل نفس النظام ده فى العربيات الى بتيجى من اليابان لمصر ولا بتيجى بجميع بكمالياتها من بلدها اليابان؟؟؟

ردا على سؤال حضرتك..وده بدون خبرة واسعة مني ف سوق السيارات بس نقل لموقف حصللي مش أكتر

أنا كنت حجزت هوندا سيفيك خليجي من فترة..واللي قاله الراجل ف كمالياتها بالسعر اللي هدفعه ان فيها زينون..المهم واحنا بنتفق على التسليم والقصص دي..لقيته بيقول هتتأخر شوية لغاية ما نركب الزينون..
أنا طبعا معجبنيش الكلام خالص..انا المفروض شارية العربية متقفلة من بلدها مش ملموسة وآخد كل الكماليات اللي كاتبهالي ومدفعني تمنها..لكن مش يقوللي زينون والاقيه مركبه من عنده..وإيش ضمني هو مركب انهي نوع.

المهم..انا لغيت الحجز وجبت عربية تاني من توكيل..مواصفات تاخدها كاملة لا حاجة زايدة ولا حاجة ناقصة..أسعار واضحة ومحددة لكل مستوى..عربية متقفلة ومتلعبش فيها..وطبعا معاها الضمان..ولو حبيت اركب حاجة هركبها ف التوكيل..ولو ف التوكيل هم نفسهم كاتبينلك ان فيها زينون مثلا واكتشفت ان هم اللي مركبينه مش مشكلة برضه عشان بيبقوا هما المسؤولين قدامك.
يعني اللي حسيته من الخليجي اني بشتري عربية مش عارفة ايه أصلها وفصلها..جاية بإيه وتعتبر انهي مستوى وياتري ايه ممكن يكون متركبلها وأنا معرفش.

أنا عموما لا أشجع الخليجي إلا في حالة ان فرق السعر يكون كبير..15 أو 20 ألف مثلا..لكن ألفين تلاتة ولا حتى خمسة..مفتكرش انهم هيفرقوا كتير ف عربية تمنها معدي ال 140 ألف.

ده رأيي المتواضع.
شكرا.