تويوتا لاند كروزر برادو ......الاسطورة

**mtahoun** · 16-04-2009 03:05 AM

أريد شراء برادو أتوبيس خاص مستعملة.
إذا كان لدى أي أحد منكم سيارة أو أحد يريد البيع برجاء إبلاغي.

حد يعرف سعر المستعمل كام؟ ديزل او بنزين؟

و لكم جزيل الشكر

**mtahoun** · 16-04-2009 03:07 AM

ايميلي هو: mtahoun@wazayefmasr.com

**ferrari1500** · 16-04-2009 10:37 PM

المشاركة الأصلية كتبت بواسطة aymoonoo

على فكره انا عندي تعليق انه الأسعار دي قديمه مش الأسعار الصح وبرضو تعليق على البرادو الي فمصر والي بتنزل العاديه في فرق كبير فالعربيه من جوه والسرعه والدعم العربيه الي هنا من الاخر مش عربيه 4x4 دي شاحنه مقارنه بالبرادو البنزين كاداء وسرعه ودعم هيا شكل برادو بس مش برادو خااااالص

بالنسبة للاسعار ياباشا الجديد بتسعير النهاردة فى وكالة تويوتا هنا بالسعودية

GX سلندر4 من 95 الف ريال ل 109 الف للفل كامل اتوماتيك

VX سلندر6 من 125 الف ريال ل 148 الف على حسب الكماليات وطبعا الاسعار دى كلها للبنزين اما الديزل كان اخره السنه اللى فاتت ومحركه 4 سلندر و90 حصان وبيجى مانيوال بس

**ferrari1500** · 16-04-2009 10:39 PM

المشاركة الأصلية كتبت بواسطة karimone

ما شاء الله ربنا يباركلك فيها...

العربيه حلوه... انا ركبتها كتير في مصر و العربيه فعلاً ممتازه كعاده تويوتا في أغلب موديلاتها...

ربنا يخليك يا باشا وفعلا احنا محرومين من عربيات حلوة كتير فى مصر

**ferrari1500** · 16-04-2009 10:47 PM

المشاركة الأصلية كتبت بواسطة mokhtar

ماشاء الله ربنا يباركلك فيها البرادو عربيه جامده جدا
عربيه حضرتك مانيوال ولا اوتوماتيك لانى ملاحظ ان الفتيس مانيوال ولا جايز ده فتيس الغرز بس فى العداد النقلات بتاعت الاوتو ... وبلاحظ دايما ان معظم البرادو مانيوال مش عارف ليه هل المحرك ضعيف لدرجه انه يبقى 4000 سى سى ومش حلو على الاوتوماتيك

فعلا اللاند كروزر والبرادو سعرهم فى الخليج يعتبر عالى بالنسبه لعرييات منافسه محركاتها اكبر زى الشيفروليه والجمس والدودج بس اكيد ده عشان انتشارها وقوه وكلائها تويوتا علامه ذهبيه فى الخليج

الله يبارك فيك انا عربيتى اتوماتيك GX فل كامل بس عندك حق الفتيس بتاعها شكله يدى على مانيوال بس هو ده شكله وجاى على جنب لما بتعشق على الP وفى فتيس غرز امامه على اليمين بس قصير

بالعكس عربيتى عزمها وسحبها ممتاز بالرغم انها 4سلندر 2700 سى سى بس كانها زى 6 سلندر وفعلا تويوتا خاصة هنا زى الشيك فى جيبك تبيعها فى اى وقت و الكل عايزها وسعرها فيها وصيانتها ممتازة ورخيصة يكفى ان مرة عليك ومرة عليهم وبدفع حوالى 300 ريال كل 10 الاف كم وده مبلغ ضئيل بالنسبة للوكلاء الاخرين كميتسوبيشى ونيسان وده طبعا غير قطع الغيار اللى زى سعر الكامرى

**mohamed_88sk** · 17-04-2009 07:04 PM

بجد ما شاء الله

ربنا يباركلك فيها

**ferrari1500** · 18-04-2009 03:11 AM

المشاركة الأصلية كتبت بواسطة mohamed_88sk

بجد ما شاء الله

ربنا يباركلك فيها

شكرا يا باشا والله يبارك فيك

**mokhtar** · 07-06-2009 04:35 PM

المشاركة الأصلية كتبت بواسطة ferrari1500

ودى بقية الصور من رالى داكار

ودى بعض الصور مع التعديلات على البرادو

ودى صور لعربيتى من بره

ومن جوه

ودى الكاميرا الخلفية (فى نص الستارة فوق مثبتة من الداخل)

وده سلك الgps موصل بالشاشة

ودى صورة الشاشة بنظام الكمبيوتر مخصوص للبرادو فيها كل حاجة
ممكن تتخيلها وطبعا touch

وده مقطع صغير ليها

http://www.youtube.com/watch?v=rc34fsfdit8

اما بالنسبة للسعر

يتوفر هذا الطراز حالياً بمحرك 2.7 لتر بنزين (4 سلندر) و 4.0 ( 6 سلندر), أو محرك 3 لتر ديزل(لا يتم تصنيعه فى 2009)

1-بالنسبة لل 4 سلندر الفل كامل ب 103000ريال مانيوال

و108000ريال اتوماتيك

2-وال6 سلندر(vx)سعره من 124000ريال حتى الفل كامل 144000ريال وطبعا هنا فى السعودية بيعتبروا البرادو غالية مرةةةةة

لان فوق ال100000ريال تقدر تجيب سيارات سعة محركاتها اعلى بنفس السعر ولكن تويوتا هنا واخدة 40% من السوق والصيانة وقطع الغيار رخيصة .(ملحوظة:الكامرى فى السعودية تاكسى وهى اكتر عربية بلا منازع زى الدايو والشاهين فى مصر وعلى فكرة ب 70الف ريال مش نص مليون مش عارف ليه فى مصر)

اما عربيتى فشاريها زيرو 2007 وركبت ليها طبعا تلبيسة داخلية ودعامات امامى وخلفى وشاشة وكاميرا خلفية وعوارض سقف وزينون وفيميه خلفى فقط
وكفاية كده......

اتمنى الموضوع يعجبكم واعذرونى لرداءة الصور واى استفسار انا بالخدمة.

ربنا يباركلك فيها ياباشا فعلا عربيه جامده جدا وشفتلها على اليوتيوب حركات فظيعه احسن عربيهفى البر والتطعيس وفعلا هى كده غاليه فى السعوديه لان السعر ده اللى بيوصل ل144000 دخل فى الامريكانى 8 سلندر الجمس يوكون والسوبربان والتاهو بس طبعا البرادو اخف منهم وارشق

**toylla** · 20-06-2009 11:01 PM

طيب والله انا كنت عايز اعرف اسعار البرادو حاليا فى مصر اذا كان مستعمل ولا زيرو بس هتعبك معاى وشكراااااااااااااا يا حبيبى

**SOBKY** · 24-06-2009 07:29 PM

ربنا يباركلك فيها .
انا ركبت الـ2005 الديزل .. مانيوال ..
قعدت معايا يمكن 4 شهور .. و الله ممتازة .. كنت واخدها من الشركة.
وكنت بعاملها معاملة مش طبيعية .. و كان مشيها ممتاز والله .
هي دي ال4wd بجد.
مش الهندي و الصيني اللي بيضحكوا علينا بيهم في مصر.