الحمد لله إشتريت كربراتير جديد السبت اللى فات ب 700 جنيه
يوجد فى السوق ثلاثه أنواع من الكربراتيرات
الأول أصلى وماتلاقيهوش إلا عند المسيرى وسعره فوق ال 1500 وموش موجود دلوقتى
الثانى أرجنتينى
الثالث صينى
اللى إشتريته اللى باعه ليا قال إنه فرنساوى أصلى وطبعا أنا موش مصدقه
لكن أحب أنقل لمالكى ال 305 تجربه تغيير الكربراتير
حيث أهم حاجه العربيه إتظبطت خالص بفرق كبير
الثانى والأهم إستهلاك البنزين وصل ل 215 كيلو متر لكل صفيحه ( 20 لتر ) والحقيقه المعدل ده عمرى ما وصلت بيه بالكربراتير القديم الموجود فى العربيه من ساعه ما اشتريتها سنه 84
حيث استهلاك البنزين كان ثابت خلال المده دى كلها على 180 كيلو فى الصفيحه وحاولت كتير احسن المعدل ده وما قدرتش
والمعدل هبط الشهر اللى فات ل 160 كيلو فى الصفيحه وده اللى شجعنى على تغيير الكربراتير
عايز اقولكم كمان انى اشتريت فانوسين امامى الواحد ب 160 جنيه
ولقيت قواعد الفوانيس الفبر الخاصه بالموديل القديم اللى ماكانش حد بيصنعها موجوده مصرى
وسالت فى السوق ( لاظوغلى ) عن الفوانيس الخلفى والكل اجمع على ان فيه فوانيس كامله هتنزل كمان شهر
فى النهايه تحياتى لكل مالكى ال 305 وياريت أى حد يجرب حاجه جديده أو يشترى حاجه جديده يقولنا عن تجربته فى المنتدى عشان الكل يستفيد