استشارة قبل الشراء

**abohagar2001** · 18-03-2009 01:20 PM

السلام عليكم ورحمة الله
اخوكم لانسراوى قديم ونفسى اجيب سوبارو امبريزا
بس خايف من نقطتين
اولا استهلاك البنزين
ثانيا سهولة البيع
ياريت اللى عنده نصيحة كويسة مايبخل بيها على لانى ناوى انفذ اليومين دول
وهل من المتوقع ان ينزل سعر السوبارو قريب
انا ااقصد اللى هى العادية مش الهاتش باك
ومشكوريين

**korayem** · 19-03-2009 01:08 AM

أنا كنت تفس حالتك بالضبط (لانسراوى) و توكلت على الله و اشتريت واحده امبريزا 2009 سيدان من اٌل من شهر

التفاصيل بالضبط:
http://www.nilemotors.net/Nile/showp...4&postcount=17

**korayem** · 19-03-2009 01:40 AM

الرابط ده أفضل من السابق:
http://www.nilemotors.net/Nile/showt...704#post683704

**Ahmed Hassan** · 19-03-2009 04:08 AM

لو سواقتك هاديه او عاديه استهلاك البنزين هيكون عادي. الاستهلاك الزياده بيبان في الزحمه خصوصا لو العربيه اوتوماتيك. في السفر الاستهلاك عادي بردو لو سواقتك عاديه. بتحت تشد تحرق على الغيارات.. فيه كلام تاني

موضوع سهوله البيع.. لأ طبعا البيع مش سهل... محدش بيجيب العربيه دي علشان عايز عربيه (اي عربيه) اللي بيجيبها بيكون عايزها بالاسم.. و الناس دي موجوده... بس الموضوع بياخد وقت.

**milo** · 19-03-2009 12:04 PM

بص يا باشا طبعاً بما إن حضرتك لنسراوي أنا هاؤلك على حاجة طبعاً إستهلاك البنزين فاللانسر أخف من الامبريزا لئن اللانسر موفرة جداً و نقطة البيع باردو اللانسر يوم مبتؤل أنا بايع بتلاقي مليون واحد شاري السوبارو مش كدةبس في نفس الوأت السوبارو مبتفتحش بوأها بسرعة يعني من الأخر لو بتفكر انك تركب سوبارو و تبعها بعد سنة أو سنتين يبئة مطجبهاش أما لو عايز تركبها كركوبة حلوة و محترمة و مريحة يبئة توكل على الله

سعرها مش متوقع إنو يئل خالص

بالنذبة للببع لو بتفكر بعد متشترهة انك تركب الموديل بتاعها الجديد التوكيل بياخذ منك فالحال و بيدك التانية و بتدفع الفرء (trade in)
* العربية دي يوم متركابهة مش هتفكر تركب أي عربية تانية غير ال-bmw أو ال-mercedes
و يا رب أكون افادتك

**abohagar2001** · 21-03-2009 12:16 AM

انا متشكر جدا لكل الاخوة اللى ردوا
يعنى اللانسر بتعمل فى سواقة متوسطة 250بتعمل كم فى الصفيحة (20 لتر ) وهى 1300 سى سى
السوبارو تعمل اد ايه وايهما كابينتها اوسع انا اللانسر اللى معايا 2008 الشكل القديم ياترى هى نفس المساحة فى الاتساع
واخيرا الارتفاع عن الارض عشان انتم عارفين الطرق فى مصر عايزة عربية عالية شوية فياريت الاستاذ korayem
يقولنا عن النقطة دى
ومتشكر ليكم جدا
ابو هاجر المصرى

**milo** · 21-03-2009 03:23 AM

المشاركة الأصلية كتبت بواسطة abohagar2001

انا متشكر جدا لكل الاخوة اللى ردوا
يعنى اللانسر بتعمل فى سواقة متوسطة 250بتعمل كم فى الصفيحة (20 لتر ) وهى 1300 سى سى
السوبارو تعمل اد ايه وايهما كابينتها اوسع انا اللانسر اللى معايا 2008 الشكل القديم ياترى هى نفس المساحة فى الاتساع
واخيرا الارتفاع عن الارض عشان انتم عارفين الطرق فى مصر عايزة عربية عالية شوية فياريت الاستاذ korayem
يقولنا عن النقطة دى
ومتشكر ليكم جدا
ابو هاجر المصرى

بالنذبة للوسع من جوا لأ الامبريزا أكيد أكبر بكتير عمتاً و بالنذبة للإرتفاع فهي أوطى من اللانسر بس باردو أعلى من السيفك
و لو ماشي مش بتقرص عليها بتعمل 9 لتر فال-١٠٠ كم
**على فكرة الامبريزا أطول من اللانسر الجديدة و أطول من النيسان ال-X-trail و دة عن تجربة . بوقفها جمب عربيات كتير أوي بتبئة أطول منها بس عشان هي هاتشباك مش بيبان عليها وسعها خالص

**khalid_adel** · 21-03-2009 09:00 AM

طبعا بعد كلام احمد حسن و كوريم و ميلو مفيش كلام اعتقد انهم غطو كل اسئلتك
بس في اضافه او نصيحه صغيره بس....
انت لو عايز سوبارو ومقتنع بيها هاتها وبجد مش هتندم بالعكس انت حتقول ونعم الاختيار لانها بجد فئة بذاتها زي ما بيقولو ومتقارنهاش بعربيه تانيه المهم انت عايز ايه
بالنسبه لاعادة البيع فده بينطبق للسوق المصري الجميل وطبعا ظروف العرض والطلب كده كده بايظه فمش حتعرف تبيعها بسهوله بس اصلا انت مش حتفكر تبيعها ابدا غير لو لاقدر الله اتزنقت اوي وربنا بفرجها علينا كلنا لاكن حتي لو ربنا كرمك اوي مش جتبيع السوبارو وحتخليها وحتقول اجيب حاجه كمان معاها
ارجو ان تكون وصلتك وجهة نظري واكون افدتك