طريقة أختبار كبس المحرك copression test

**samirayad** · 25-11-2009 11:54 AM

ياباشا مبروك مقدما
ولكن يجب أن تأخذ حزرك أثناء الشراء
وفيه بنزيمات كويسه بتعمل أختبار الكبس ده
وتقولك حالة الموتور بالضبط
لو سألت بتوع التاكسى فى منطقتك (أكيد حيدلوك )

وموضوع الدخان الأبيض ليه أسباب مختلفه
ممكن دورة البنزين مش تمام
وممكن عيب فى كبس المكنه
وموضوع الكبس حيبان معاك وقت الأختبار

**future_aya** · 25-11-2009 08:46 PM

احسنت يا بشمهندس ســــــــــــمير

**samirayad** · 25-11-2009 09:04 PM

الله يخليك
وكل عام وأنتم بخير

**Mo.Kareem** · 26-11-2009 08:13 PM

بشمهندش ممكن اسأل سؤال ؟
كل سنة وحضرتك طيب الاول
انا الحمد لله اشتريت عربية وكشفت عليها فى بنزينة والمهندس اللى هناك قالى حالة المتور كويس يعنى يمشى معاك كمان 50 او 60 الف وبعد كده عايز نص عمرة ، وكان قريت الكبس اتنين 100 واتنين 110 البيجوهات يعنى ، بس العربية عندى بطلع دخان ابيض وكمان بتاكل بنزين كتير جدا والزيت مش بينقص ، روحت لميكانيكى قالى الصبابات عايز تتغير ، ياترى الكلام ده صح ؟ العربية اكسنت 98 اوتوماتك ، وربنا يخليك وكل سنة وحضرتك طيب

**samirayad** · 28-11-2009 06:17 PM

بشمهندش ممكن اسأل سؤال ؟
كل سنة وحضرتك طيب الاول

كل سنه وحضرتك بخير

، بس العربية عندى بطلع دخان ابيض وكمان بتاكل بنزين كتير جدا والزيت مش بينقص

يبقى الدخان ده بنزين نىء لم يحترق بعد
ماتحاول تشم ريحته على أيديك
حط أيدك على الشكمان من ورا بحيث تغير ريحتها
وشوف الريحه كده
حتلاقيها ريحة بنزين نىء

روحت لميكانيكى قالى الصبابات عايز تتغير ، ياترى الكلام ده صح

لسه كلامه مش مستند على أى تحليل صح
طيب هو عرف أزاى
وحتى لو كان متخيل أن الصبابات بتفوت شوية كبس نىء
مايمكن تكون أنت عاوز روديه بس
بدون تغيير صبابات
عموما خللى موضوع الروديه والصبابات ده
مع عملك لنص العمره فيما بعد

ياريت بأه أنت دلوقتى تعمل شوية صيانه خفاف
تغيير فلاتر (هواء وبنزين )
وتغيير بوجيهات
كده الأمور حتتحسن معاك أكتر