طريقة أختبار كبس المحرك copression test

**أشرف فتحى** · 22-03-2009 01:17 AM

جزاك الله خير
انا سبق وحضرت عمليه قياس الكبس دى اثناء فحص عربيه كنت بشتريها وفهمت دلوقتى ايه اللى كان بيعملوه بس النسبه الناتجه بتكون عباره عن ايه؟؟
يعنى لو الكبس 70%مثلا بيكون ده متوسط كبس الاربع اسطوانات؟؟
كمان زيت الشمبر والزيت التقيل اللى بيستخدم فى غش المشترى ازاى اكشفه ؟؟لان الكبس مش هايبقى صح ولزوجه الزيت مش هاتبقى واضحه على المقاس
وفى طريقه تانيه من غير فك البوجيهات وبتبقى عن طريق ما يشبه الالكترود الطبى بيتشبك على اسلاك البوجيهات وبيدى قرائه عن حاله كل اسطوانه بجهاز زى السونار
ده بيبقى ايه؟؟؟
شكرا لمجهودك واسف للاطاله
تحياتى
اشرف فتحى

**samirayad** · 22-03-2009 07:34 PM

يعنى لو الكبس 70%مثلا بيكون ده متوسط كبس الاربع اسطوانات؟؟

لا حتة ال70 % دى خاصه بالعلاقه بين أقل ضغط وأقصى ضغط على عداد أى غرفه (ساعة الأشواط الأربعه لنفس الغرفه )..........بحيث لو أقل ضغط كان أقل من أقصى ضغط ممكن الحصول عليه للغرفه دى.....فده معناه الصبابات متآكله وفاتحه على البحرى وصعب بناء ضغط كويس ولازم عمل روديه وتغيير صبابات......لأنك لو لاحظت فى دراسة احوال بناء الضغط حتلاقى التفويت من الصبابات أخطر من الشنابر

كمان زيت الشمبر والزيت التقيل اللى بيستخدم فى غش المشترى ازاى اكشفه

ممكن تكشفه بعمل تحليل لمكونات الزيت اللى فى العربيه بعد أخد عينه وعمل تحليل .....ومقارنة نواتج التحليل بمكونات تحليل نفس الزيت من مصدر تانى غير العربيه (بعد سؤال بائع السياره عن النوع اللى بيستخدمه )

وفى طريقه تانيه من غير فك البوجيهات وبتبقى عن طريق ما يشبه الالكترود الطبى بيتشبك على اسلاك البوجيهات وبيدى قرائه عن حاله كل اسطوانه بجهاز زى السونار
ده بيبقى ايه؟؟؟

الصراحه أنا ماسمعتش عن الطريقه اللى بتقول عليها دى ....ومش قادر أتخيل أزاى بتتم .....وأعتقد الموضوع اللى بتقول عليه ده لقياس قوة الشراره لكل غرفه مش لقياس قوة الحبك للغرف....وأحتمال تكون فعلا طريقة قياس حبك (على أساس لما بنرسل موجات صوتيه وبترجع تانى على جهاز السونار مثلا .....ممكن من تكنيك وشكل الموجات المرتده للجهاز بيتعرف فيه تفويت ولا لا ).....على أساس لما الموجات ترجع للجهاز بنفس القوه يبقى الحبك تمام والعكس صحيح.........وأعتقد ده بيتم من دراسة شكل الموجات المسجله على جهاز السونار فيما بعد ....بحيث من شكل الموجه المرتده بيعرف أيه اللى جوه الغرفه......وطبعا هنا المحرك بيكون متوقف ومش شغال بالمره............ولسه ياما حنشوف

شكرا لمجهودك واسف للاطاله

ياباشا دا أنا اللى بأشكرك على المرور والتعليق والأضافه..............................

**jhlv** · 23-03-2009 11:44 PM

اهه الكلام ده كبيييييييييير
تسلم ياهندسهjavascript:void(null);

**samirayad** · 23-03-2009 11:47 PM

المشاركة الأصلية كتبت بواسطة jhlv

اهه الكلام ده كبيييييييييير
تسلم ياهندسهjavascript:void(null);

الله يخليك ...يا أخى الفاضل

**MohabSaeed** · 04-04-2009 02:47 PM

موضوع ممتاز
و معلومات مهمه جدا
الف شكر يا استاذ سمير

**samirayad** · 06-04-2009 07:58 PM

المشاركة الأصلية كتبت بواسطة MohabSaeed

موضوع ممتاز
و معلومات مهمه جدا
الف شكر يا استاذ سمير

شكرا ...أستاذ / مهاب

**أشرف فتحى** · 06-04-2009 10:01 PM

المشاركة الأصلية كتبت بواسطة samirayad

شكرا ...أستاذ / مهاب

يا باشا حمدالله على السلامه والله العظيم ليك وحشه والتعليمى كان مفتقد ركن أصيل من أركانه!
حمدالله على السلامه ومتغيبش كده علينا تانى!
تحياتى
أشرف فتحى

**samirayad** · 06-04-2009 11:25 PM

المشاركة الأصلية كتبت بواسطة أشرف فتحى

يا باشا حمدالله على السلامه والله العظيم ليك وحشه والتعليمى كان مفتقد ركن أصيل من أركانه!
حمدالله على السلامه ومتغيبش كده علينا تانى!
تحياتى
أشرف فتحى

_ الله يخليك يا أخويا :أشرف..........وربنا يديم المعروف والمحبه......

**MohabSaeed** · 07-04-2009 12:16 AM

استاذ سمير عاوز اخد رأيك فى مشكله
فى عربيتى ال131 الموتور بياكل زيت جامد جدا , و مع كده مافيش دخان بيطلع من الشكمان يعنى ممكن كيلو زيت ينقص فى خلال 1200 كيلو او اقل و كل شويه بزود زيت !! .

الحاجه التانيه الموتور مفهوش اى انوع من العزم على السرعات البطيئه " العزم ضعيف جدا " , بس بالرغم من كده ممكن تجيب 140 .. 150 بسهوله !!

الحاجه التالته البوجيهات دايما بتكربن و تسود ... يعنى فى خلال 3000 كيلو بتكون البوجيهات انتهت , مع انى جربت تصليح الكربراتير اكتر من مره , بس مبقتش عارف هل ده عيب كربراتير ولا فى زيت بيتسرب و يجى على البوجيهات " خصوصا انى فكيت بوجيه و لقيته فعلا مزيت شويه !

الموتور 1600 2 كامه , 96 حصان

تحياتى لحضرتك .

**samirayad** · 07-04-2009 12:32 AM

و مع كده مافيش دخان بيطلع من الشكمان يعنى ممكن كيلو زيت ينقص فى خلال 1200 كيلو او اقل و كل شويه بزود زيت

ماهى دى حالة تفويت من الشنبر للكرتير.....وعلشان كده مفيش حاجه بتروح لغرف الحريق (علشان كده العادم كويس )

الحاجه التانيه الموتور مفهوش اى انوع من العزم على السرعات البطيئه " العزم ضعيف جدا " , بس بالرغم من كده ممكن تجيب 140 .. 150 بسهوله !!

لو لاحظت فى عملية دراسة القراءات (للحالات التلاته اللى وارده فى الموضوع بتاع أختبار الكبس الموجود معانا أعلى الموضوع )....حيدللك على صدق تحليلى بتاع تفويت الشنبر للكرتير اللى عندك.....علشان كده بتلاقى المحرك عندك بيأخد فتره شويه ....لحين الوصول لمرحلة تحسين الحبك مع حركة البساتم ( بنسميها هندسيا ...مرحلة بناء ضغط الحريق ...وبترتفع قيمة الضغط والحبك مع السرعات )....أنما على البطىء بيزداد هروب الزيت للكرتير

الحاجه التالته البوجيهات دايما بتكربن و تسود ... يعنى فى خلال 3000 كيلو بتكون البوجيهات انتهت , مع انى جربت تصليح الكربراتير اكتر من مره , بس مبقتش عارف هل ده عيب كربراتير ولا فى زيت بيتسرب و يجى على البوجيهات " خصوصا انى فكيت بوجيه و لقيته فعلا مزيت شويه !

لا هو العيب مش من الكربوراتير .....دا بسبب الزيت اللى بيروح وبيتحرق ويعمل كربون داخل الغرف (اللى رايح من خط الفائظ لفلتر أو مجمع الهواء عندك ).........ولو شيلت الخرطوم ده ونظفت البوجيهات ( حيتحسن عندك آداء البوجيهات .....لأن لما بيدخل زيت الى الغرف بيأثر على جودة وكفاءة عملية الحريق وبيخللى البوجيهات تهبب ....بسبب تراكم بنزين وزيت مش محروقين كويس .....لأن الخليط كفاءته أثناء الحرق بتقل بسبب الزيت اللى داخل من خط الفائظ للغرف )........ولو شيلت الخرطوم على ماتبقى تغير طقم شنبر ....الأمور حتحسن كتير .................[QUOTE][خصوصا انى فكيت بوجيه و لقيته فعلا مزيت شويه !/QUOTE] لا دا دى كمان يا أستاذ / مهاب تخلينا نشك فى سيلات الصبابات عندك برضه.........ولو أننى أميل لموضوع خط الفائظ .......وأنت اللى تقدر تحدد الوضع بعد ماتشيل خط الفائظ بعيد عن الفلتر بتاع الهواء .......وجرب وقوللى برضه يمكن أقدر أفيد...................