الى كل من يتقى الله فى النصيحه

**mnp** · 18-03-2009 10:12 PM

الاستاذة الافاضل اريد حلا بارك الله فيكم معاى عربيه سوزكى سويفت مشكلتها كالاتى انها بتحك على المطبات مع العلم غيرت الكاوتش وغيرت المساعدين الامامى وعملت كل شى فى الاخر قالولى المشكله فى الشكمان ارفعه عن مكانه فارجووا الافادة لانى صرفت على العربيه اكثر من اللازمودة طبعا بسبب الاشتغالات فافيدونى جزاكم الله خيرا

**anwarnono** · 19-03-2009 05:37 PM

طيب ممكن تقولى انتا ساكن فين وانا هدلك على الصح،علشان اشوف عربيتك وهاقولك تعمل ايه بالضبط وممكن تكلمينى على الرقم الخاص فى البروفيل.

**mnp** · 19-03-2009 06:42 PM

انا بشكرك اولا على زوقك وردك على

ثانيا من كوبرى القبه

**anwarnono** · 20-03-2009 04:02 AM

جميل جداا، انا من الزيتون .
طيب ايه اخبار المساعدين الخلفين وارتفاع العربيه من الخلف ممكن تكون واطيه.وبالنسبة للشكمان هل الكاوتشه بتعتة مقطوعه ولو مقطوعه هيبقى واقع اصلا.بص من الاخر هل العربيه كانت كدة من ساعت لما اشترتها ولا أيه.
الواضح انك تعبت اوى ى ى ى ى من العربيه ديه.
أنا فى انتظارك تكلمنى على موبيلى الخاص فى البروفايل بتاعى علشان ان شاء الله نحل المشكلة علشان الواضح انك محتاس فيها. ربنا معاك.

**sss2000** · 21-03-2009 12:38 PM

الاخ الفاضل انا كان عندي نفس المشكلة ورحت لمكانيكي شغال في التوكيل وهوا ورشتة في المطرية واسمة خالد الله يباركلة غير السوست الي ورا وعلي العربية بكاوتش ومن ساعتها زي الفل هوا ورا سنترال المطرية

**anwarnono** · 21-03-2009 05:28 PM

Very good Action

**wessampo** · 27-03-2009 11:23 AM

انا معايا ماروتى وطبعا عافشتها مش عالية وبالدات لما يكون فى ركاب شوف انا لما بكون داخل على مطب بلف الدركسيون يمين شوية صغيرة لحد ما العجل الامامى يعدى المطب وبعد كدة اعدل العجل بسرعة علشان اعدى العجل الخلفى

وفى الاخر جرب يمكن

**emad2002** · 08-04-2009 04:07 AM

خلاص هو كده جاب الخلاصة بدل راح لخالد الموضوع انتهى خالد ده حبيبى اوى وفاهم فى السويفت

**mnp** · 12-04-2009 12:21 PM

اشكركم بكل معانى الشكر على زوقكم وردكم على انا فى غايه الامتننان فعلا انا ذهب اعفشجى وعلى العربيه بسسطت مرسيدس بس من ساعتها حسيت ان فى تكتكه فى العربيه بتظهر وتختفى فى الاول والتانى ناس قالولى من الكبلن وناس قالولى من بليه الدبرياج وكنت عاوز اعر ف سعر طرمبه البنزين واشتريها منين