علشان الموتور ميفوتش

**m_s_h_a** · 19-03-2009 09:10 AM

الموتور لو فوت لا قدرالله بتبقى كارثه وشغلانه عايزين يا جماعه كل اللى يعرف نصيحه او معلومه تحمى الموتور من انه لا قدر الله يفوت نحاول نفيد بعض وكمان نحمى الموتور من انه يبقى خفيف
انا معلوماتى محدوده فى الوضوع وياريت الافاده من الاصدقاء ومعلوماتى ان لازم الزيت ميقعدش اكتر من الوقت المحدد ومنسوب الزيت ميقلش علشان الشنبر والموتور ميخفش

**m_s_h_a** · 20-03-2009 08:18 AM

هو مفيش ردود ولا ايه يا جماعه

**wkisho2005** · 20-03-2009 04:26 PM

موضوع جميل يااستاذ m sh a بس للاسف معلوماتي ضعيفة عنه
بردو اللي اعرفه عبارة عن موضوع الزيت لانه روح المحرك زي مابيسموه ومستنين بقية الردود من خبراء الفورد

**memobeeh** · 20-03-2009 06:10 PM

موضوع أكثر من رائع وأتمنى لو تيسر من الاخوة الأفاضل التكرم بتوضيح أيهما أفضل للمحرك: الزيت التخليقي أو المعدني...طبعا انا عارف ان التخليقي أفضل كثيرا لكن لو كان الواحد ما بيمشيش بالعربية كثير بمعنى انه بيعمل العشرة الاف كيلو في سنة مثلا فهل الأفضل في هذه الحالة يحط زيت موبيل1 مثلا ولا يحط زيت معدني من اللي بيقعد 5 أو 3 الاف كيلو ويغيره وهكذا.

**aYaBooY** · 22-03-2009 10:27 AM

مصطفي انت في عندك مشكلة او حد قالك الموتور عند خفيف او في بدايته او حاجة

**m_s_h_a** · 22-03-2009 09:57 PM

لا ابدا انا الحمد لله بس انا بخاف من الحاجه لتقع الحمد لله وبعدين ملحقش الموتور يخف دى 2003 وبعدين ماشيه 100000 كم وانا بحب دايما احنتف فى العربيه واى حاجه لصالح العربيه احب اعملها واحافظ عليها دى منزل الزيت الموبيل xhpعلى 2000 ولسه نظيف بس الوقايه يا باشا خير من العلاج واشكرك يا باشا ومتحرمش منك ومتفولش فى وشى

**aYaBooY** · 23-03-2009 10:23 AM

طيب الي اعرفة يا معلم ان كل المواتير شغالة فيها احتكاك
الزيت بيقلل الاحتكاك مع الزمن و الاحتكاك الخلوص بين الاجزاء تكبر و هنا نقول الموتور خف
و ديه حاجة بتحصل بتحصل بس مسالة وقت اهتمام الشخص بالعربية بيطول او يقصر الوقت ده
في الفورد و الحمد لله الوقت ده المفروض انه طويل طبيعي و لما تهتم بيها الوقت ده بيطول اكتر
انت لازم تهتم بحالة الزيت يعني انا شايف انك نقلت من التخليقي للمعدني بدري شوية و كويس انك مبتسيبش الزيت كتير
و برده لازم تهتم بالفلتر بتاع الزيت ميزيدش عن 10000 كم و يتغير
و فلتر البنزين من 20000 ل 25000 و يتغير و معاه فلتر الهواء
و كل فترة 5000 كم يتنظف فلتر الهواء و يركب هو هوا
و كل 25000 كم يا ريت تنظف دورة المياة و دورة الانجكشن ( و طبعا دورة الانجكشن يا اما في التوكيل يا اما حد متخصص فورد ) بس
و طبعا مياه الريداتير متكونش من الحنفية ممكن خضراء او الحمراء ممتازة
سير الكاتنينة في الفوكاس ميتغيرش غير في التوكيل حتى لو تلات اضعاف بره علشان عندك لو اتفك بره مش هايتظبط لان الزيتيك بيحتاج ظبط كمبيوتر مش بس علامة الترس
و عموما ربنا يبعد عنك و عن الجميع اي شر
و يا ريت تكون طريقة ماشيك بالعربية تكون طريقة مسئولة يعني مش كل واحد يرعشك على الكورنيش تشد معاه

**m_s_h_a** · 24-03-2009 08:37 AM

مشكور يا باشاا انت زى الفل واللهى انت عارف انى حتى بغير الزيت فى التوكيل ربنا معايا احنا حطيت المعدنى دى لان الايام دى فى وجود الاتربه الموجوده لازم الزيت ميقعدش كتير بمجرد الجو ميتحسن نرجع تانى تخليقى

**m_s_h_a** · 24-03-2009 08:41 AM

استاذ شغش ayaboy انا معرفش اسم حضرتك ياريت تكتب لى اسم حضرتك وشكرا يا جميل

**aYaBooY** · 24-03-2009 11:00 AM

بس انت بعد ما تستخدم معدني مينفعش ترجع للتخليقي الي اعرفة كدة

الموضوع: علشان الموتور ميفوتش

LinkBack

أدوات الموضوع

عرض

-

-

-

-

المواضيع المتشابهه

وغيرت ضفيره الموتور علشان استهلاك البنزين

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

الكلمات الدلالية لهذا الموضوع

المفضلات

المفضلات

ضوابط المشاركة