أزاى سرقوها؟؟!!!!

**أشرف فتحى** · 19-03-2009 10:59 PM

المشاركة الأصلية كتبت بواسطة sasatony

ينهار ابيض
الحمدلله علي كل شئ انا بفكر افضل راكن العربية في الجراج لو رايح مكان اول مرة واقضيها مواصلات

انا فعلا بعمل كده لما بكون رايح حته زى وسط البلد مش هاعرف اركن اقوم اركن جنب محطه المترو واروح بمترو الانفاق وارجع اخد عربيتى تانى

**أشرف فتحى** · 19-03-2009 11:03 PM

المشاركة الأصلية كتبت بواسطة zalpany2000

طيب انا زمان كنت باشوف قفل بيركب علي الدريكسيون كده شبه العتلة علشان يحميها من السرقة
لو ده ممكن يحمي شوية ، هاشتريه وبلاش ابيع العربية
ولا اجيب جنزير و اعملها حلقة في الرصيف اللي تحت بيتنا و في الحتت اللي باركن فيها و اجيب قفل علشان ما تتسرقش ؟؟؟

تحياتي

عصايه الدركسيون بتقوم بوظيفه المسوجر
انا بركن فى جراج وبراضى الغفير عشان الغطاء ميتسرقش ولا الاقى عربيه قافله عليا الصبح بس ببقى مطمن على الاقل واعرف انام

**zalpany2000** · 19-03-2009 11:16 PM

يا باشا انا الحلقة و الجنزير دول مش علشان الغطا ... حضرتك فهمتني غلط ، انا اقصد ألف العربية كلها بجنزير يعني و اربطه في حلقة في الرصيف بقفل.. انا كنت باهزر مع حضرتك مش أكتر
لنا الله

**أشرف فتحى** · 19-03-2009 11:23 PM

المشاركة الأصلية كتبت بواسطة zalpany2000

يا باشا انا الحلقة و الجنزير دول مش علشان الغطا ... حضرتك فهمتني غلط ، انا اقصد ألف العربية كلها بجنزير يعني و اربطه في حلقة في الرصيف بقفل.. انا كنت باهزر مع حضرتك مش أكتر
لنا الله

هههههههههههههههههههههه
يا راجل هى عجله؟
زى بوحه لما ربط عربيته بجنزير؟
هههه جامده جدا

**ابو سيف** · 19-03-2009 11:25 PM

حاجة غريبه فعلا !!!!

يا ريت تتابع معاه و تقولنا الاخبار
ممكن يكون في ايه !!

عموما هوا البلد كلها معدش فيها امان و الواحد معدش يأمن فيها على نفسه

**mab** · 19-03-2009 11:26 PM

الحمد لله ان الواحد بيركن فى جراج البيت
ياما يبقى مفيش نوم بقى

**eslam_wega** · 19-03-2009 11:49 PM

ربنا هو الى بيستر وكل شى قصمة ونصيب
حتى لو راكن العربية فوق السطوح وليها نصيب تتسرق هتتسرق
ولو راكنه فى شارع جانبى وظلمة والناس نايمة
وملهش نصيب تتسرق مش هتسسرق

(أَيْنَمَا تَكُونُوا يُدْرِكُكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ ) صدق الله العظيم

الرجاء مراعاة الدقة فى نقل ايات القرأن الكريم

مشرف المنتدى العام

**MAX_PIN** · 19-03-2009 11:51 PM

خلينا نشوف رأى المفتش كورومبو فى السرقة ديه !
إن شاء الله هيلاقيها وربنا يحفظنا ويحفظ عربياتنا جميعا

**the_first_knight** · 19-03-2009 11:53 PM

أولا : ربنا يوفق صاحبها ويكون بحمد الله عثر عليها .................................................. .................................................. ......................................

الموضوع بجد محير وعايز واحد زي المفتش ( كرومبو )

وصل المفتش كرومبو لمكان الحادث ...
وقام بسؤال صاحب السيارة شوية أسئلة ...

وبعد تفكير عميق حدد الجاني في واحد من 3 :
1 - علي أسانسير ( البواب ) .
2 - سيد كتاوت ( الكهربائي ) .
3 - إسماعيل كندوز ( المالك السابق ) .

وقام المفتش كرومبو بسؤال الثلاثة :
1 - البواب : يا باشا أنا بغسل عربيات من الصبح ومقضيها مشاوير طلبات السكان .
2 - الكهربائي : أيوة يا باشا ... الباشا كان عندي من يومين بغيرله كتاوت النور والكلاكس .
المالك السابق : أنا بعت العربية دي من فترة طويلة والمفتاح التاني ضاع مني من زمان .

المفتش كرومبو عرف الجاني ... لو إنت كمان عرفته اتصل على 0900؟؟؟؟

وفي النهاية ربنا يوفق صاحبها في العثور عليها ...

شكلي كده هقوم أطمن على العربية ... وربنا يستر

**faroukahafeez** · 20-03-2009 12:30 AM

المشاركة الأصلية كتبت بواسطة أشرف فتحى

عصايه الدركسيون بتقوم بوظيفه المسوجر
انا بركن فى جراج وبراضى الغفير عشان الغطاء ميتسرقش ولا الاقى عربيه قافله عليا الصبح بس ببقى مطمن على الاقل واعرف انام

والله يا باشا موضوع الجراج دة بردة فية عيوب
الجراج تحت العمارة يعنى الحرامى لو دخل فى الجراج هيكون مستخبى والناس مش شايفة

والبواب او الغفير ممكن يخاف يطلع وعلى فكرة حصلت بالعمارة اللى جانبى

ربنا يسترها معنا