الغيار!!

**eng_amrazek** · 08-09-2007 03:45 PM

لو كانت السرعة قليلة جداً بالنسبة للغيار تلاقي العربية بتكتك (ظاهرة التصفيق) وهذا التصفيق ضار جداً بالموتور يقلل عمر الموتور كما أنه يزيد من إستهلاك البنزين

طيب نفترض ان انا دلوقتي نقلت بدري...والعربيه سقفت...هل ازود بنزين ولا ادوس دبرياج وارجع للغيار الاقل
لا المفروض انك ترجع للغيار الاقل على حد معلوماتى

**ahmed1981** · 08-09-2007 03:49 PM

طيب نفترض ان انا دلوقتي نقلت بدري...والعربيه سقفت...هل ازود بنزين ولا ادوس دبرياج وارجع للغيار الاقل

يفضل تدوس دبرياج وترجع للغيار اللي قبله

انا في التلين ملتزمتش قوي بالحجات ديه

النتائج نوعين سريعة وبعيدة المدى
طالما عربيتك سليمة والموتور محصلش فيه مشاكل يبقى الحمد لله عدت على خير
بالنسبة للنتائج على المدى البعيد ممكن يقصر عمر المحرك مثلا لكن إن شاء الله مش هيحصل حاجة من ده ولو حصل مش هتحس بيه قوي

**محمد البحيري** · 08-09-2007 04:48 PM

الغيار
هو وضع لترس مع عده تروس اخري لنقل الحركه من المحرك الي العجلات لتحريك السياره ويختلف عدد هذه التروس من سياره لاخري (في الغالب بيبقي 5 ممكن 4 زي زمان وممكن 6 وتقريبا بقي في 7 كمان) طيب هتقولي ايه لزمته وانا ليه بقعد انقل كل شويه؟
لان عندك المحرك بيطلع سرعه دورانيه ثابته وعاليه اقوي طيب هتقولي مدي حاجه كويسه ليه بخفض السرعه دي والجواب ببساطه للحصول علي العزم اللازم لتحريك السياره وبعد كده بلغي العزم ده واحصل علي اقصي سرعه وده بيكون علي الخامس (الاوفر درايف) وهنا بتكون نسبه التخفيض اقل من 1 يعني كمان بزود سرعه الموتور
وعلشان تبقي مقتنع برضه بموضوع العزم ده العربيات النقل الكبيره بيبقي فيها عدد نقلات اكبر ليه؟ حسب الحموله لو فاضي بيطلع علي التالت ولو محمل نص حموله بيطلع علي التاني ولو محمل علي الاخر بيطلع علي الاول
الخلاصه
الي عليك بالنقلات انك تاخد منها عزم او سرعه
يعني انت علي الاول حركت العربيه ومشيت بتجيب التاني عايز تزود السرعه علي التاني بتدوس بنزين بتاخد اقصي عزم من الموتور علي التاني للتسارع وبعد متزيد السرعه بتحتاج التالت وهكذا والعمليه عكسيه ايضا
انما وانت علي التاني ممكن متنقلش بشرط انك متاخدش اقصي عزم من الموتور وتسيبه يدي العربيه سرعه بس(بطيئه طبعا)
ومن الاخر يتاخد عزم يتاخد سرعه يتاخد الاتنين وده الي بيسموه الحرق بس طبعا بيقلل من عمر المحرك الافتراضي

**hazem_khidr** · 08-09-2007 04:56 PM

الغيار
هو وضع لترس مع عده تروس اخري لنقل الحركه من المحرك الي العجلات لتحريك السياره ويختلف عدد هذه التروس من سياره لاخري (في الغالب بيبقي 5 ممكن 4 زي زمان وممكن 6 وتقريبا بقي في 7 كمان) طيب هتقولي ايه لزمته وانا ليه بقعد انقل كل شويه؟
لان عندك المحرك بيطلع سرعه دورانيه ثابته وعاليه اقوي طيب هتقولي مدي حاجه كويسه ليه بخفض السرعه دي والجواب ببساطه للحصول علي العزم اللازم لتحريك السياره وبعد كده بلغي العزم ده واحصل علي اقصي سرعه وده بيكون علي الخامس (الاوفر درايف) وهنا بتكون نسبه التخفيض اقل من 1 يعني كمان بزود سرعه الموتور
وعلشان تبقي مقتنع برضه بموضوع العزم ده العربيات النقل الكبيره بيبقي فيها عدد نقلات اكبر ليه؟ حسب الحموله لو فاضي بيطلع علي التالت ولو محمل نص حموله بيطلع علي التاني ولو محمل علي الاخر بيطلع علي الاول
الخلاصه
الي عليك بالنقلات انك تاخد منها عزم او سرعه
يعني انت علي الاول حركت العربيه ومشيت بتجيب التاني عايز تزود السرعه علي التاني بتدوس بنزين بتاخد اقصي عزم من الموتور علي التاني للتسارع وبعد متزيد السرعه بتحتاج التالت وهكذا والعمليه عكسيه ايضا
انما وانت علي التاني ممكن متنقلش بشرط انك متاخدش اقصي عزم من الموتور وتسيبه يدي العربيه سرعه بس(بطيئه طبعا)
ومن الاخر يتاخد عزم يتاخد سرعه يتاخد الاتنين وده الي بيسموه الحرق بس طبعا بيقلل من عمر المحرك الافتراضي

عشره علي عشره يا جعيدي باشا لكن انا ليا تعليق:
ان اقصي سرعه بتاخدها من العربيه بيتبقي علي الرابع مش علي الخامس.
الخامس علشان يريح العربيه و يقلل استهلاك البنزين لانه بيقلل من لفات الموتور انما لو جيت تسحب بيه مش حيبقي بقوه الرابع مثلا

**محمد البحيري** · 08-09-2007 06:03 PM

انا مع حضرتك يااستاذ حازم في ان استهلاك البنزين علي النقله الخامسه اقل من النقله الرابعه عند نفس الrpm زي مابتقول ال engine map ولكن ايضا اعلي سرعه عليه مع العلم ان فعلا زي محضرتك قلت اخر سحب العربيه علي الرابع لان الخامس ده اوفر درايف بيريح العربيه فعلا ولكن مبيديهاش عزم لان نسبه التخفيض فيه اقل من 1 يعني مبيخفضش علي عكس الرابع وباقي النقلات نسبه التخفيض اعلي من 1 وبالتالي بقدر اسحب بالعربيه لحد الرابع وبعدين اديها الخامس
يعني حضرتك علي الخامس زياده الضغط علي دواسه البنزين بيزود الrpm للمحرك وبالتالي بيزود سرعته وبما ان انا مش مخفض السرعه فبالتالي بتزيد سرعه العربيه معايا لحد ما الموتور يوصل لل
max rpm وده اخر العربيه

**ahmed1981** · 08-09-2007 06:29 PM

الخامس علشان يريح العربيه و يقلل استهلاك البنزين لانه بيقلل من لفات الموتور انما لو جيت تسحب بيه مش حيبقي بقوه الرابع مثلا

فعلا مش هيبقى بقوة الرابع ولا بعزم الرابع
لكن لو إنت على سرعة عالية هيسحب معاك وإن كان تسارع بطيء بسبب العزم المنخفض لكن هيسحب

**Ahmed Hassan** · 08-09-2007 07:01 PM

المشاركة الأصلية كتبت بواسطة ahmed1981

الخامس علشان يريح العربيه و يقلل استهلاك البنزين لانه بيقلل من لفات الموتور انما لو جيت تسحب بيه مش حيبقي بقوه الرابع مثلا

فعلا مش هيبقى بقوة الرابع ولا بعزم الرابع
لكن لو إنت على سرعة عالية هيسحب معاك وإن كان تسارع بطيء بسبب العزم المنخفض لكن هيسحب

+1

**hazem_khidr** · 09-09-2007 04:09 AM

فعلا مش هيبقى بقوة الرابع ولا بعزم الرابع
لكن لو إنت على سرعة عالية هيسحب معاك وإن كان تسارع بطيء بسبب العزم المنخفض لكن هيسحب

ما اختلفناش انا بقول مش حيسحب بقوه الرابع لكن ما قولتش ان مفيش سحب علي الخامس .

**Nader** · 09-09-2007 10:48 AM

و انت ماشى عادى لكن لما بتشد يقولك ادى الغيار حقة يعنى توصل بقى ل 6000 مثلا و تقوم ناقل و دة علشان تاخد سحب عالى

6000 لفة كتير جداً خاصاً ان مفيش حد هيتسابق بموتور 1100 كدة الموتور هيودع بدري بدري، عموماً خدها بالسرعات لو مش عارف تنقل على الـRPM

الاول اخرة 15 -20

التابي اخرة 40 - 45

التالت اخرة 60 - 65

الرابع اخرة 80 - 85

الخامس انت ونصيبك.

بس عموماً هي دي نسب الغيارات المعتدلة اللي هيكون الموتور فيها مستريح ودي بتحافظ على الموتور وبطول في عمرة.

اما بخصوص القيادة الرياضية او المرتفعات فممكن تزود من 5 لـ 7 ك/س على السرعات السابقة، اكتر من كدة منصحكش.

**Nader** · 09-09-2007 10:52 AM

ملحوظة:

الناس اللي في التلين ملهاش دعوة بالارقام السابق ذكرها خالص.

الموضوع: الغيار!!

LinkBack

أدوات الموضوع

عرض

-

-

-

-

-

-

-

المواضيع المتشابهه

مفاجاءة من العيار الثقيل بالنسبة للقطع الغيار, تم الحصول على اقل سعر لقطع الغيار للعر

قطع الغيار

تجربتى...أجابات عن أسعار قطع الغيار والعفشة وأماكن أفضل الورش وأحسن أمكان قطع الغيار

دبة عند الغيار

قطع الغيار

الكلمات الدلالية لهذا الموضوع

المفضلات

المفضلات

ضوابط المشاركة