الموضوع: عربيتى غسلوها بالتراب فى المعصرة فى حلوان

المشاركة الأصلية كتبت بواسطة sayedmsm2

كنت رايح مشوار فى منطقة المعصرة فى حلوان وهى منطقة زحمة جدا وشعبية جدا
لفيت كتير ومشيت كتير فى شارع اسمه شارع الترعة علشان الاقى مكان اركن فيه
ولقيت مكان
الحمد لله
ساعة وخلصت مشوارى.........
وراجع للعربية ابص عليها مش لاقيها
..........
اتسرقت ولا ايه ...
بصيت لقيت حاجة كده شبه عربيتى مردومة بالتراب
عربيتى النبيتى بقت لون جديد لون ترابى
مين عمل كده مين ابن ال .....
ان حد يقول لى مافيش حد بيقول حاجة ؟؟؟
فضلت ربع ساعة اشيل فى التراب
وواحد قال لى يمكن اللى عمل كده عيال المدرسة اللى هناك لما خرجوا م المدرسة ....لعب عيال يعنى
حسيى الله ونعم الوكيل
تانى يوم وديت العربية مغسلة

في أحياء كثيرة خاصة الأحياء الشعبية الغير اصيلة (مش السيدة و لا الحسين و لا مصر القديمة و لكن أحياء مثل دار السلام و المعصرة و بولاق الدكرور و عين شمس) هذه الأحياء تتسم بالعشوائية و الشوارع الغير منظمة و بإنتشار نوعية من الناس لا تفتقر فقط الى التحضر و لكن لم تتعلم ما لها و ما عليها فتجد أحدهم يهوي لك عجل سيارتك بدعوى أنك ركنت قدام العمارة اللي هو مأجر فيها شقة (ياريتها عمارته) أو يرمي عليها القاذورات أو لو شافك و انت بتركن العربية ممكن يشخط فيك قائلا: "شيل العربية دي من هنا " بدون حتى أن يلقي عليك التحية كأنك بتشتغل عند السادة اللي خلفوه و أراهنك على أن موقف التراب ده ما هو الا نوع من أنواع العقاب التي أنزلت بك لأنك تجرأت و ركنت أمام أحد تلك البيوت المعفنة - آسف للفظ و لكن مثل هذه المواقف تثير غيظي لأن أي مكان من حق أي مواطن يركن فيه فالمكان اللي أمام بيت سيلدته مش ملكه و الا فإن على مثل هؤلاء أن يشتروا الشارع ايضا من الحكومة
غلى فكرة في نفس المنطقة (المعصرة) من على طريق الأوتستراد أعرف مقهى هناك يملكه واحد معلم اسمه بكر أمام هذا المقهي يوجد طريق فرعي موازي لطريق الأوتستراد الرئيسي يستخدم أحيانا لركن السيارات حتى لا تكون في خطر اذا ركنت على الرئيسي تصوروا أن المعلم بكر قام بسد تلك التفريعة حتى لا تمر السيارات أمام مقهى سيادته على مرأى و مسمع من كل المسئولين.
مش مصدق؟ روح المعصرة من الأوتستراد و شوف المقهى اللى على يمين الملف قبل دخلة المعصرة و سملي عالنظام