فكره لمنع سرقة السيارة

**M.Mokhtar** · 23-03-2009 03:39 PM

المشاركة الأصلية كتبت بواسطة دينا أبوالعلا

بتابع باهتمام عاجبني الموضوع قوي
طب سؤال يا محمد يعني كده ال i phone بتاعك شغال عادي gps طب هل الخريطه متاحه ؟

الجى بى اس عرفنا نشغله عادى حتى لو الايفون بتاعك النسخه المصريه اللى مقفول فيها الجى بى اس

الموضوع سهل جدا
وبالنسبة للخريطه الايفون اصلا نازل معاه google maps
بس بيديكى مكانك الحالى فقط زى كده

طبعا دى صور بمنظر الستالات
وفى منظر الخريطه العادية (شوارع فقط)

فى برامج تانيه بتديكى بيانات الرحله بالتفصيل زى كده

واى معلومات عن الايفون انا معاكوا برده
بس خليها فى الموضوع بتاعه هنا
تعريب ال iphone

**karimone** · 23-03-2009 04:23 PM

طب هو الGPS في I Phone علشان يشتغل بيحتاج انه يوصل علي الانترنت...؟؟؟

**M.Mokhtar** · 23-03-2009 04:31 PM

المشاركة الأصلية كتبت بواسطة karimone

طب هو الGPS في I Phone علشان يشتغل بيحتاج انه يوصل علي الانترنت...؟؟؟

ما احنا شرحنا الموضوع ده قبل كده
وقولنا ان ال GPS فى حد ذاته مش محتاج انترنت
هو بيبعتلك احداثياتك على الخريطه والجهاز بيستقبلها عادى
لو عايز تعرف الاحداثيات دى فين بالظبط على الخريطه يبقى انت محتاج خريطه
لو عندك الخريطه موجوده اصلا على الموبيل يبقى مش محتاج انترنت
لو مش معندك فى برامج بتحمل جزء من الخريطه بس اللى انت فيه وبتعرضلك مكانك
وده طبعا بيحتاج انترنت او 3G عشان يحمل الخريطه على الموبيل

بالنسبة للايفون
جوجل ماب بيحمل الخريطه عن طريق الانترنت
بس فى طريقه انك تحمل الخريطه بتاعت مصر واسكندريه على الموبيل
وبكده تستخدم الخريطه من غير انترنت
وطبعا الجى بى اس بيقولك مكانك فين عادى

**Fadi Ezzat** · 23-03-2009 06:18 PM

شكرررررررررررررا ليك جدا

**abo3bdolrahman** · 24-03-2009 03:15 AM

ليا مداخلة بسيطة نظرا لأنى مهندس إتصالات و تحكم بخصوص ال GPS المشكلة عندنا فى مصر إذا كنت هاتبعت بيانات للقمر الصناعى فده ممنوع و فى الغالب هاتتمسك و يتعملك قضية تجسس أما لو الموضوع مقتصر على إنك تستقبل بيانات إحداثيات المكان فدى مش مشكلة أو بمعنى آخر محدش هايخد باله منك يعنى مفيش مشكلة مع الجيش بس فى الحالة دى هاتحتاج كمان معلومات أماكن أبراج الإتصالات لتدقيق إحداثيات المكان و دى بتبقى خدمة من الشبكة
و الإتصال بالنت مش مشكلة بردوا بس النقطة المهمة لما تعرف مكان العربية هاتعمل إيه ؟!
يعنى مش هاينفع مثلا تروح للشرطة بكمبيوتر تقولهم أنا عامل الموضوع ده فى عربيتى و هيا إتسرقت و موجودة فى المكان ده ممكن تتمسك إنت على الإختراع العظيم ده و تبقى جازوز كبير و كده يعنى
لكن فى الدول المحترمة الموضوع مختلف تماما يعنى فى ماليزيا مثلا أحد الزملاء إتسرقت عربيته و بلغ الشركة اللى شارى منها العربية عرفوا مكانها فين و كمان و قفوها فى مكانها و جابوهالوا ممكن ده يحصل فى مصر فى يوم من الأيام نتمنى
أنا مش عاوز أحبط الناس بس هيا دى الصورة و نتمنى إنها تتغيير و أحييك على الفكرة

**eslam_wega** · 24-03-2009 03:38 AM

مستمتع بالحوار الجميل دة ومتابع باهتمام

**Terrible_DaRsH** · 24-03-2009 03:43 AM

الفكرة دى معمولة بررره من زمان .

وكان واحد قريبى قالى عليها .

شركات التامين بيحطوا لك الجهاز ده فى مكان سري فى العربية محدش يعرف

يكتشفه ولا حتى انت تقدر تعرف هو فين ..

ولما العربية بتتسرق بتبلغ عليها يجيبوها لك فى ثانية

وطبعا ده بيتم بالتعاون مع الحكومة اللى بتلبى الطلب بسرعة .

يعنى ممكن تركن عربيتك فى الصحراء وانت مطمئن :)

**lancerevolution** · 24-03-2009 03:49 AM

متابع بكل إهتمام

**lancerevolution** · 01-04-2009 10:35 PM

طيب دلوقتى أنا جالى 6210 نافيجاتور كنت فى المواصلات شغلت الجى بى إس و كان مدينى السرعة و الإحداثيات دا بتاع إيه عشان انا مش فاهم حاجة من البتاع دا و عايز أستخدمه لأنه مسلى الصراحة فى خنقة المواصلات و لما تكون فى مدينة ما أنتش عارفها بيبقى حلو و بيحسسك و بالطمأنينة من إنك مش حتوه

-

الموضوع: فكره لمنع سرقة السيارة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الوصايا العشر لمنع سرقة السيارة

الوصايا العشر لمنع سرقة السيارة

فكره حلوه لمنع سرقه السياره

طريقة لمنع سرقة غطاء السيارة

الكلمات الدلالية لهذا الموضوع

المفضلات

المفضلات

ضوابط المشاركة