الموضوع: رابطة عشاق و مالكى فيات سيينا بجميع موديلاتها

المشاركة الأصلية كتبت بواسطة midotick

سلامى لكل السيناويه
اخبار العربيه ايه يا عم عماد غيرت فلتر البزين ولا ايه
استاذ احمد حمدى
الى بخاف من العفريت....
ااسف طبعا بس سيبها على الله
متخفش العربيه ممتازه وانا بقالهامعايا اكتر من سنه ومش ناوى ابيعها باذن الله

يا عم ميدو مش حكاية اللى بيخاف من العفريت .. بس الواحد لسه معندوش خبرة فى العربية وبيخاف يتعور فى حاجة جامدة تحتاج مبلغ كبير ..

أنا رحت امبارح المركز بتاع المطار ده حط العربية على الجهاز قالى بص الجهاز قارى كل حاجة error ده معناه ان حد كان قبل كده فك الحساسات بتاعة العربية .. فعملها reset وقالى امشى بيها شوية وتعالى تانى لو فى error حيطلع ..

بس قالى ان فى شوية حاجات متغيرة زى كوعة مية والردياتير .. فقالى انه شاكك انه يكون اتغيرلها جوان وش سلندر نتيجة سخونة أو كده ..

وكمان قالى الـ 1400 أحسن عشان صيانتها أسهل وقطع غيارها أرخص .. !!!!!!!
بصراحة قلقنى من العربية زيادة ورجعت متضايق أكتر من الأول ..


سوالين ع الماشى كده .. العربية وهى واقفة ممورة بيبقى فيها رعشة خفيفة هل ده طبيعى ولا لأ ؟؟
كمان بيبقى فى صوت كده جاى من ورا أعتقد انه صوت طرمبة البنزين .. هل هو كده ملحوظ ولا ده برضه مش طبيعى ؟؟

كمان العربية دى كانت موديل 2002 وكانت مرفوعة وماشية 25000 .. سير الكاتينة متغيرش .. بس هو امبارح قالى غيره عشان مفروض يتغير كل 4 سنين حتى لو معملش الـ 40000 .. رأيكوا ايه ؟؟

معلش يا جماعة استحملونى شوية أنا زهقتكوا معايا ..

شكرا ليكوا كلكوا يا جماعة على الردود ..
بالنسبة للصوت اللى ورا هو مش زنة هو زى صوت موتور أو طرمبة فعلا بس بيبقى ملحوظ لما بقفل الإزاز خالص ومش مشغل كاسيت وخاصة لو الدنيا مش زحمة ومفيش أصوات بره .. أو لما بقف جنب شنطة العربية من بره .. وبيبقى زى ما ميدو قال فأعتقد انه كده طبيعى ..

بالنسبة للرعشة هى برضه مش جامدة هى بسيطة أوى وساعات بتبقى مش ثابتة يعنى تروح وتيجى بسرعة .. الـ rpm وأنا ممور بيبقى فى النص ما بين الـ 0 والـ 10 يعنى تقريبا 6 أو 7 .. بس ساعات بيبقى عشرة .. يعنى أول ما أدور العربية بيقى عشرة لحد ما تسخن ينزل للنص .. وأنا ماشى لو وقفت ومورت بيبقى فى النص .. بس تقريبا لما بمشى شوية كتير بلاقيه على عشرة بس لو بطلت العربية ودروتها بيرجع للنص ..

والعربية يا عم عماد انجكشن مش كاربيراتير ..

معلش يا جماعه عندي كام استفسار علي عربيتي انا معايا سيينا 1400 موديل 2001
اول مشكله في تشغيل العربيه بيكون rpm مابين 10 وال 15 وكمان غيار المارشدير بحس انه بيتسمع صوت منه بس مش في كل وقت مع العلم لسه مغير اسطوانه وديسك وبليه والعربيه معايا علي ال60 ال rpm بيكون اعلي من ال 32 وانا حاسس ان وير الدبرياج مشدود شويه وخايف يضر الاسطوانه مع طبعا مشكله التكيف
ولكن ممكن يكون عندي حل لهذه المشكله ولكن بعد ما اجربها ادعولي انها تنفع
وشكرا علي المساهمات الجميله علي عربيه فعلا تستاهل كل اللي بتعمله فيها
شكرا Midotick EmadHeneen
خلتوا للموضوع حقيقي اهميه