رابطة عشاق و مالكى فيات سيينا بجميع موديلاتها

**Ahmed Hamdy** · 05-07-2009 02:47 PM

المشاركة الأصلية كتبت بواسطة motoxp

انا عربيتى بتعمل 70 كيلو فى 10 لتر استهلاك كويس مع انى ساعات بتهف منى و بحرق غيارات

طيب يعنى الـ 1400 بتعمل 140 فى الصفيحة ..
يبقى عادى - لما الـ 1600 تعمل 120 - 130 فى الصفيحة ..

بس أنا مش عارف .. أنا دورت فى المنتدى على موضوعات التسهلاك البنزين دى لقيت اللانوس مثلا الناس بتقول انها بتعمل فوق الـ 200 ..

ليه السيينا استهلاكها عالى كده ؟؟؟؟؟

**mana9wafaie** · 05-07-2009 03:27 PM

اولا الانوس 1500 والسينا 1600
ثانيا الفيات بياكل بنزين ودى من عيوبها بس بردو مش كدة يعنى..
على فكرة العربية على الطريق استهلاكها عادى جداا يعنى ال 10 لتر يعملو 100 كيلو لمن المكشلة فى جوة البلد..
يمكن عشان الموتور كبير فمعا الاول والتانى بعزم كتير فبيحرق اكتر بكتيير من السرعات العالية الثابتة (90 كيلو)..

**awazeer** · 05-07-2009 03:28 PM

المشاركة الأصلية كتبت بواسطة ahmed hamdy

طيب يعنى الـ 1400 بتعمل 140 فى الصفيحة ..
يبقى عادى - لما الـ 1600 تعمل 120 - 130 فى الصفيحة ..

بس أنا مش عارف .. أنا دورت فى المنتدى على موضوعات التسهلاك البنزين دى لقيت اللانوس مثلا الناس بتقول انها بتعمل فوق الـ 200 ..

ليه السيينا استهلاكها عالى كده ؟؟؟؟؟

لأ الاستهلاك ده لو انت بتحرق جامد على الغيار لكن لو سواقه هاديه متعديش 2.5 (يعني 90 على الترس الخامس ) الصفيحه تعمل من 190-210
العربيه من اول 3 بتجمع بسرعه جدا وده بداية الاستهلاك العالي ليها والعزم كله (145 نيوتن) بيخرج عند 4.5 فلو انت بتسوق على 2.5 العربيه هتبقى فايقه وخلي سواقتك من 2 ل 2.5 وقيس استهلاكك
حاجه تانيه اللانوس كامه واحده و تقريبا 1500 اما السيينا 1600 بتبقى 2 كامه وده اللي بيديها العزم العالي ده

**Ahmed Hamdy** · 05-07-2009 04:09 PM

المشاركة الأصلية كتبت بواسطة awazeer

لأ الاستهلاك ده لو انت بتحرق جامد على الغيار لكن لو سواقه هاديه متعديش 2.5 (يعني 90 على الترس الخامس ) الصفيحه تعمل من 190-210
العربيه من اول 3 بتجمع بسرعه جدا وده بداية الاستهلاك العالي ليها والعزم كله (145 نيوتن) بيخرج عند 4.5 فلو انت بتسوق على 2.5 العربيه هتبقى فايقه وخلي سواقتك من 2 ل 2.5 وقيس استهلاكك
حاجه تانيه اللانوس كامه واحده و تقريبا 1500 اما السيينا 1600 بتبقى 2 كامه وده اللي بيديها العزم العالي ده

أنا بنقل غالبا على 3 .. ساعات قليلة 3.5 ..

**motoxp** · 05-07-2009 06:53 PM

هو النقل على 4 و 4.5 غلط على الموتور و لا ايه ؟؟
فيه ناس بتقول بيفوء الموتور و يخلى استهلاك البنزين عالى
فيه ناس بتقول يخلى الموتور عايز عمره بسرعة

**tooofey** · 05-07-2009 09:05 PM

الراجل بتاع الشكمانات بوظلي علبة البيئه مش عارف اعمل فيها ايه شال الفحم اللي فيها وعملها سربنتينا بس صوتها بقا وحش اوي والكلام ده من شهرين بس اول ماعملها كانت كويسه وبعدين انا لقيت حل للتكييف الحمد لله رحت شحنته فريون و خليت الكهربائي يخلي مروحة الرادياتير تشتغل مع التكييف على طول ده بيخلي التكييف ساقع حتى الصبح في الحر

**awazeer** · 06-07-2009 02:53 AM

المشاركة الأصلية كتبت بواسطة ahmed hamdy

أنا بنقل غالبا على 3 .. ساعات قليلة 3.5 ..

3.5 بيخليها تستهلك كتير (بس بتبقى ممتعه جدا)
بس مش لدرجة 130 في الصفيحه
انا اخر مره حطيت 10 لتر مشوني 90 كيلو مع الحرق والتكييف والزحمه (كنت بنقل على 3.5 وساعات 4.5 )

جرب تروح اوماترا اللي في جسر السويس يمكن تلاقي الحل هناك

**awazeer** · 06-07-2009 02:57 AM

المشاركة الأصلية كتبت بواسطة motoxp

هو النقل على 4 و 4.5 غلط على الموتور و لا ايه ؟؟
فيه ناس بتقول بيفوء الموتور و يخلى استهلاك البنزين عالى
فيه ناس بتقول يخلى الموتور عايز عمره بسرعة

هو اكيد بيأثر على العمر الافتراضي بس مش عارف اذا كان بيفوء الموتور ولا لأ

**awazeer** · 06-07-2009 03:01 AM

المشاركة الأصلية كتبت بواسطة tooofey

الراجل بتاع الشكمانات بوظلي علبة البيئه مش عارف اعمل فيها ايه شال الفحم اللي فيها وعملها سربنتينا بس صوتها بقا وحش اوي والكلام ده من شهرين بس اول ماعملها كانت كويسه وبعدين انا لقيت حل للتكييف الحمد لله رحت شحنته فريون و خليت الكهربائي يخلي مروحة الرادياتير تشتغل مع التكييف على طول ده بيخلي التكييف ساقع حتى الصبح في الحر

المروحه ليها سرعتين و اول مبتشغل التكييف المروحه بتقوم على السرعه التانيه اوتوماتيك حتى لو دورت العربيه الصبح
مشكلة التكييف او السخونه عموما اغلبها بتبقى في السرعه التانيه لو اتصلحت بتبقى تمام

**Ahmed Hamdy** · 06-07-2009 11:41 AM

المشاركة الأصلية كتبت بواسطة awazeer

3.5 بيخليها تستهلك كتير (بس بتبقى ممتعه جدا)
بس مش لدرجة 130 في الصفيحه
انا اخر مره حطيت 10 لتر مشوني 90 كيلو مع الحرق والتكييف والزحمه (كنت بنقل على 3.5 وساعات 4.5 )

جرب تروح اوماترا اللي في جسر السويس يمكن تلاقي الحل هناك

أنا بصراحة مبقتش فاهم ده عيب فى العربية ولا ده الطبيعى بتاعها ..
أغلب الناس هنا قالوا تقريبا نفس الرينج ..
الأخ mana9wafaie كان بيقول انها بتعمل معاه 120 بالعافية و200 على السريع ..

والأخ motoxp بيقول بتعمل 140 فى الـ 1400 ..

حضرتك الوحيد اللى قلت كده .. أنا مش بشكك فى كلام حضرتك .. بس قصدى انى مستغرب هى كل عربية وحظها ولا ايه بالظبط .. ؟؟

على فكرة أنا رحت شركة النيل الهندسية اللى هى كانت توكيل فيات سابقا ..
بس للأسف قالى الجهاز بايظ ,, قلت للمهندس طيب ايه ممكن يكون السبب ؟؟ ناس كتير قالتلى ممكن يكون حساس الشكمان قالى فعلا هو غالبا بيكون العيب منه .. بس للأسف الجهاز فى مشكلة .. ممكن تجيلنا الأسبوع الجاى أو تروح أوماترا .. قلتله يعنى مفيش احتمالات تانية أو طريقة تانية نكتشف بيها العيب قالى لأ هو الجهاز اللى بيظهر العيب لو موجود ..
رحت طالع من هناك على المطار فى مركز اسمه روكسان متخصص فيات وعنده الجهاز كشف عليها قالى مفهاش حاجة .. !!!

يعنى لو رحت أوماترا حيعملوا ايه أكتر من كده ؟؟
أعتقد حيدفعونى مبلغ محترم ع الفاضى ..

أنا حجرب أحط من بنزينة محترمة زى إمارات مصر .. ممكن يكون البنزين اللى بحطه مغشوش .. مع انى بحط دايما من شل أو موبيل .. بس مبقاش فى حاجة مضمونة الأيام دى ..