الموضوع: رابطة عشاق و مالكى فيات سيينا بجميع موديلاتها

السلام عليكم ....

أنا عضو جديد إن شاء الله فى الرابطة و إسمى محمد .

السيارة : سيينا موديل 2003
اللون : أسود
كم : 251,000
الحالة : متوسطة ، ممتازة إن شاء الله بعد صيانة بسيطة

طبعاً أنا قريت أول 6 أو 7 صفحات و مقدرتش أكمل لأن الموضوع ما شاء الله كبير جداً ، معرفش إذا كان حد تقدم بالإقتراح ده ولا لأ ، بس أهو يتقال :

فى أوروبا فى نوادى لملاك السيارات المعينة و بيتقابلوا و يقعدوا مع بعض و بيتعرفوا أكتر على بعض لأن فى عوامل مشتركة ما بينهم أهمها السيارة طبعاً.
ليه منتقابلش إذا كان أغلبنا مثلا فى القاهرة و الجيزة فى مكان معين شهرياً ، و نتشارك المميزات و العيوب و المشاكل و الخبرات ، و نبقى أول رابطة من نوعها و ممكن نعمل نشاطات و مناسبات ، يعنى ممكن نعمل مسابقات لأجمل سيارة ، لأحسن سائق، لأكثر سائق صرف على العربية...إلخ.

أنا شايف إن جراج بانوراما حرب 6 أكتوبر فى مدينة نصر مناسب جداً للتجمع و يرجى العلم إن أنا من سكان المهندسين ، يعنى مش متحيز للمكان ده عشان منطقتى !

و حبيت تبقى أول مشاركة ليا برده عنواين و أرقام مراكز الصيانة !

علماً بأنى لم أجرب أحد فيهم بإستثناء سابقاً مع سيارة تمبرا مع شركة النيل و لا أنصح بها !!

جسر السويس ،،المنطقة الصناعية امام سوق القنال الدولى
ت/ 26630733

الهرم ،، 41 شارع العريش
9ص إلى 5م
ت/ 39766060
20
80

المعادى
ت/ 291783567
8


شركة النيل الهندسية
طريق مصر اسكندرية الصحراوي - ابو رواش ( لا أنصح به عن تجربة مع تمبرا )



امير & جوزيف
شارع ابو داوود الظاهري امام مطعم جندوفلي - مدينة نصر

فكرة حضرتك ممتااااااااااااااااازة جدا و انا اشجعك في حاجة زي كدة

نا رحت لامير وجوزيف علشان اعمل صيانة فغيرت بطاحتين تمن البطاحة الواحدة
375 فانا شايفو غالى اوى وتركيبهم ميت جنية واتريت كبالن من عندة المانى ب700 جنية وكانت كوع فقط وكانت اليطالى 1600 جنية وفى صوت عندى فى الباور زى همهمة كتة لما بلف الطارة فسألتة الى الترومبا فيها بوش ومتتصلحش وبتتغير والواحدة 1800 مش هل اسعار السينا كدا ولا اية يالنسبة للتكيف مش عارف ناس كتير بتأول ضعيف مع انة تلاجة على العموم فى فرق بين سينا
1400hl
1400lxe
البيبان فيبر معزول من الداخل والعزل فى الكلبوت وبين الكابينة والماتور فى النتين مختلفة تماما وكأنهم عربيتين مختلفين طبعا ال hl هى الى فيها دة كلة
واعتقد دى فرقة فى التكيف
احنا عندنا ياريس وسيفيك وتكيف سينا اشد واحد فيهم ممكن تتجمد لو مشغلة على الخر حتى لو فى عز الحر
بردو لات ناس بتتكلم على الحرارة انا موأشر الحرارة حتى والتكييف شغال وواقف فى اشارات عمرو مبيوصل للنص اقصى حايجة ابل النص بشوية
العربية الى معايا
1400hl
بردو الساوند سييتم فاجر كاسيت كلاريون وسماعة نضيفة بتدى صوت وبيس فاجر
شنططها كبيؤة اوى
عيوب
ماتورها مش قوى الصراحة يعنى لو مشغل التكييف ومعاك ناس كتير بتدوس بنزين جامد وبتقرص شوية
بس الحمد للة لفات الاتور القصوى عالية اوى 7000ربم
العفشة لو مفيش حد معاك بتحس انها نشفة لو فى حد بتحس الى هىا كويسة
ارجو التعليق على قطع الغيار
بخصوص الباور انا غيرت الزيت بتاعة وبردة الهمهمة موجودة مش عارف هوا دا الطبيعى
ارجو التعليق والمساعدة

كمان يا جماعة انا مركب بوجهات 2 شمعة هل دة خطر فى 1400
كمان حاجة غريبة فى السينا الى هىا عمرها مبتكركر فى التقلات يعنى ممكن على الخامس تطلع من الربعين علطول وبأقصى سرعة غريبة الحكاية دى ارجو التعليق

انا كان معايا فيات سيينا 2001- 1400سى سى ولسه بايعها من كام يوم للاسف مش عشان هى وحشه ولا حاجه ابدا والله, دة حتى انا مش متاكد اذا كنت هاجيب احسن منها ولا لأ بس اضطريت وبايعها وهى 210000كيلو والله الموتور كان شبه زيرو سحب وعزم زى الجديدة والله... وانا على فكرة بقرص عليها جدا فى النقله ومش بنقل اقل من 5000 لفه وكانت شبه محسوبه بالنسبه لى يعنى بنقل على التانى عند 40 تقريبا وباجيب التالت عند 70 او 75 والرابع عند 100 والخامس حسب الطريق 130 او 140 وبجد عربيه رائعه كفايه ان الموتور استحملنى بالمعامله دى 9 سنين...
وياما شديت مع لانسر 1300 وصنى 1300 ولانوس وافيو بجد كنت بحس بقيمه العربيه وقتها وكفائه الموتور بس بامانه الله الوحيدة اللى معرفتش اجيبها كانت التويوتا ياريس (انا طبعا بتكلم فى مواتير من 1300 الى 1500)
انا بعتها عشان العربيه برضه عجزت شويه ومحتاجه مصاريف وكدة وكمان كان ابويا (الله يسامحه) عمل بيها حادثه قبل كدة نام وهو سايق دخل فى رصيف على الصحراوى العربيه الجنب اليمين كان متدهول من اول الاكصدام لحد الدنجل وصرفت عليها دم قلبى عشان ارجعها زى ما كانت بس بامانه الله مستوى امان هايل فعلا وهاتحميك فى الكبيرة لا قدر الله

مميزاتها انها موتورها قوى وعفى ومعمر فعلا وثابته جدا على الطريق( والله كنت بكون على 180 وبتكلم فى الموبايل) ومستوى امان ممتاز(واسال مجرب) ونضافه صنع واضحه وكراسى ممتازة وفرش محترم

وعيوبها بامانه ان قطع غيارها غاليه نسبه للعربيات اللى فى نفس الفئه السعريه( زى الهيونداى مثلا والدايو) والكابوت بتاعها ضيق شويه ومعقد وبيغلب الميكانيكيه ومراياتها زى الزفت بصراحه وضيقه شويه من ورا رغم ان الشنطه كبيرة جداااااااااااا (انا شايف انه افضل انهم كانوا يخلوا الشنطه 400 لتر بدل 500 على حساب الصالون من جوه)
بس بامانه عربيه محترمه وانا الوقتى واقع فى ورطه اصلا عشان معايا 75000 تقريبا ومش عارف اجيب ايه(زيرو) وياترى لو جبت هاتبقى احسن من اللى كانت معايا ولا لأ؟؟؟

و ردا على اللى بيشتكى من ارتفاع الحرارة دة انا بقوله بطل اشاعات عربيتك هى اللى بايظه...
المفروض انها تكون على النص فى المدن والزحمه وعلى الطريق السريع درجه الحرارة بتقل و بتبقى حوالى ْ20 او ْ30 بالكتير و مهما قرصت مش هاتفرق لان الهواء بيبرد الموتور طبيعى وكمان المفروض لما تشغل التكييف حتى فى الزحمه درجه الحرارة تقل وتبقى عند الربع او فوقه بشويه لان مروحه التكييف بتشتغل على طول (اللى هى السرعه الاولى الواطيه) واللى عندة مشكله فى الحرارة يراجع الثرموستات وهى المفروض بتيجى سرعتين بتبقى من 92<82 ومن 97<92 ويتاكد من ان مفيش اى تسريب فى دورة التبريد(الافضل المتابعه بالعين يعنى كل يوم تشوف الميه لانها المفروض تاخد بق ميه بس كل حوالى 5 ايام) وغالبا الكهربائيه الناصحين مش بيعرفوا ان المروحه سرعتين لان ليها سلكين بس فا بيجيبوا ثرموستات سرعه واحدة بسذاجتهم
انا بكلمكم يا جماعه من باب خبرتى معايا من 9 سنين وهى 1400 سى سى

Image003.jpg
دى ردا على اى حد بيقول انها مع السرعات حرارتها بتعلى وعلى فكرة اقصى سرعه جبتها بالظبط كانت 182 وكانت ممكن تجيب اكتر بس انا خفت عشان ال rpm كان على 6500 لفه وانا مش هاعدى المستوى دة عمرى حفاظا على الموتور بس انا جارى جاب بيها 190 على الصحراوى قبل كدة وبتاعته برضه 1400

صحيح يا جماعه معلش يعنى فى اللفظ عشان هى بصراحه حاجه تحرق الدم....
مين المعفن اللى بيحط بنزين 80 فى سيينا.. وانتوا ازاى بتنصحوة وبتتكلما معاة على اساس انه عادى... دانا بحط 92 ولو مالقيتش غير 90 بحط اللى يمشينى بس لحد ماروح بنزينه تانيه وساعات كانت بتطق فى دماغى انى احط 95 بس هو بصراحه غالى جدا ومش فى كل البنزينات كمان
وكمان اصلا فى الكتالوج مكتوب انها بتمشى على 95 ولكن يصلح 90 مع اختلاف فى الاداء

بس ال 80 دة يبوظلك العربيه وممكن جدا يبوظلك الرشاشات