الموضوع: رابطة عشاق و مالكى فيات سيينا بجميع موديلاتها

للأسف المؤشر رجع تانى يزيد عن النص .. بس الموضوع بيحصل ساعات وساعات ..
لما حصل كده نزلت فتحت الكبوت وبدأت أتابع لقيت المروحة مش بتشتغل إلا بعد المؤشر يعدى النص وبتقف قبل ما ينزل عن النص .. ولما بشغل التكييف السرعة التانية بتشتغل ..
بس فى الوضع العادى المروحة بتشتغل قبل ما المؤشر يعدى النص ..

رحت للميكانيكى اللى بتعامل معاه قالى روح لبتاع الريداتير اتأكد الأول ان مفيش هوا .. رحتله قالى مفهاش هوا .. ممكن تكون ترموستات ..
رجعت للميكانيكى قالى عندى كهربائى بس مش موجود النهاردة .. رحت لكهربائى تانى (هو كهربائى وبتاع تكييف) قالى عادى مفيش حاجة طالما المروحة بتشتغل .. وغسل الريداتير من بره .. وقالى اتكل على الله متقلقش ..
رحت لواحد تانى .. وأنا رايحله كان المؤشر معدى النص .. وأنا عنده نزل ومرضيش يطلع .. !!!
قالى ماهى كويسة أهه .. قلتله ماهى ساعات وساعات .. قالى غير الترموستات .. وبعدين شاور على حاجة كده وقالى الحساس ده ساعات بيعمل كده بس امشى عادى .. حسيت انه بيفتى جدا ..
بس هو بتاع تكييف كويس .. قلتله بص على التكييف قالى الفلتر عايز يتنضف .. قلتله أنا رحت لواحد قبل كده وقالى مفهاش فلتر تكييف .. قالى لأ فيها .. قعد يدور عليه ملقهوش قالى حد شايله .. !!
قالى طيب نشوف الشحن .. قلتله مانا اللى رحتله ده قاس الشحن وقالى كويس .. قاس هو قالى لأ ناقص ..
قلتله طيب اشحنه .. لما شحنه التكييف فعلا اتحسن كتير ..
ومشيت بعد كده الحرارة مزادتش سواء مشغل التكييف أو لأ ..

أنا متضايق جدا من الموضوع ده .. !!!

السلام عليكم : اخوانى فى السيينا انا عندى مشكله وعاوز رايكم فيها انا معايا سيينا2008 مترخصه 15/4/2009 يعنى من 3 شهور فقط كنت شاريها زيرو الخلاصه انى بلاحظ ان المؤشر بتاع الحراره بيزيد عن الوضع الطبيعى بتاعه شويه لما بكون مشغل التكييف والجو يكون حر جدا يعنى فوق ال39 درجه مئويه وده فى حاله لما اكون واقف فى اشاره او ملف او ماشر واحده واحده فى الشوارع الزحمه فى غير الاوضاع دى كل شىء بيكون طبيعى لما رحت التوكيل قالى ان ده الطبيعى بتاع العربيه محتاج رايكم فى حد معاه نفس الوضع ده او مر بيه ولا الراجل ده كلامه صح.

المشاركة الأصلية كتبت بواسطة postagy

السلام عليكم : اخوانى فى السيينا انا عندى مشكله وعاوز رايكم فيها انا معايا سيينا2008 مترخصه 15/4/2009 يعنى من 3 شهور فقط كنت شاريها زيرو الخلاصه انى بلاحظ ان المؤشر بتاع الحراره بيزيد عن الوضع الطبيعى بتاعه شويه لما بكون مشغل التكييف والجو يكون حر جدا يعنى فوق ال39 درجه مئويه وده فى حاله لما اكون واقف فى اشاره او ملف او ماشر واحده واحده فى الشوارع الزحمه فى غير الاوضاع دى كل شىء بيكون طبيعى لما رحت التوكيل قالى ان ده الطبيعى بتاع العربيه محتاج رايكم فى حد معاه نفس الوضع ده او مر بيه ولا الراجل ده كلامه صح.

هى فى الطبيعى بيبقى المؤشر فين وفى غير الطبيعى بيبقى فين ؟

المشاركة الأصلية كتبت بواسطة ahmed hamdy

هى فى الطبيعى بيبقى المؤشر فين وفى غير الطبيعى بيبقى فين ؟

انا متشكر جدا على اهتمامك الطبيعى المؤشر بيكون فى النص لما بيزيد بيوصل لحد نص المسافه بين الوضع الطبيعى والشرطه الصغيره اللى بعديها .

المشاركة الأصلية كتبت بواسطة postagy

انا متشكر جدا على اهتمامك الطبيعى المؤشر بيكون فى النص لما بيزيد بيوصل لحد نص المسافه بين الوضع الطبيعى والشرطه الصغيره اللى بعديها .

الكلام ده وانت واقف ولا كنت ماشي ساعتها وياترى كنت مشغل التكييف ولا لأ؟

المشاركة الأصلية كتبت بواسطة awazeer

الكلام ده وانت واقف ولا كنت ماشي ساعتها وياترى كنت مشغل التكييف ولا لأ؟

الكلام ده بيحصل لما اكون واقف فى اشارة اوطريق زحمه وماشى واحده واحده ومشغل التكييف والجو يكون حر جدا

المشاركة الأصلية كتبت بواسطة postagy

الكلام ده بيحصل لما اكون واقف فى اشارة اوطريق زحمه وماشى واحده واحده ومشغل التكييف والجو يكون حر جدا

يعنى بيطلع أقل من شرطة فوق علامة النص .. ؟؟
لو كده أعتقد مفيش مشكلة خاصة لو فى الزحمة ومشغل التكييف ..


ممكن حضرتك تقولى استهلاك البنزين عامل ايه معاك ؟

يا جماعة بالنسبة لموضوع استهلاك البنزين العالى فى السيينا ..
محدش من اللى عنده المشكلة جرب يروح التوكيل ويسألهم على المشكلة ؟؟

أنا بفكر أروح بس خايف يدفعونى كتير على مفيش .. !!

هى دى المشكلة اللى مضايقانى من العربية .. استهلاك البنزين .. !!!!!!!

على فكرة أنا أدامى عربية اسبيرانزا 516 موديل 2007 بحالة الزيرو بفكر أبيع السيينا وأخدها .. تقريبا بنفس التمن .. ايه رأيكوا ؟؟؟